എ​സ്. രാ​ജേ​ന്ദ്ര​കു​മാ​ർ

വി​ഴി​ഞ്ഞം: അ​ദാ​നി നി​ർ​മിക്കു​ന്ന കൊ​ളം​ബോ പോ​ർ​ട്ടി​ലെ ക​ണ്ടെ​യ്ന​ർ ടെ​ർ​മി​ന​ൽ ഉ​ട​ൻ പ്ര​വ​ർ​ത്ത​ന സ​ജ​മാ​കു​ം; അ​ടു​ത്ത മാ​സം ക​മ്മീഷ​നിം​ഗി​നു​ള്ള ത​യാ​റെ​ടു​പ്പു​മാ​യി അ​ധി​കൃ​ത​ർ. എ​ന്നാ​ൽ ട്ര​യ​ൽ റ​ണ്ണും വാ​ണി​ജ്യ തു​റ​മു​ഖ​മെന്ന ​പ്ര​ഖ്യാ​പ​ന​വും ക​ഴി​ഞ്ഞ വി​ഴി​ഞ്ഞം തു​റ​മു​ഖ​ത്തി​ന്‍റെ കാ​ര്യ​ത്തി​ലെ അ​നി​ശ്ചി​ത​ത്വം തു​ട​രു​ന്നു..!

കൊ​ളം​ബോ​യി​ലെ പ​ഴ​യ തു​റ​മു​ഖ​ത്ത് അ​ഞ്ചുവ​ർ​ഷം മു​ൻ​പ് നി​ർ​മാ​ണം തു​ട​ങ്ങി​യ ടെ​ർ​മി​ന​ല​ാണ് ഇ​പ്പോ​ൾ ക​മ്മീഷ​നിം​ഗി​ന് ത​യാ​റെ​ടു​ക്കു​ന്ന​ത്. ട്രാ​ൻ​ഷി​പ്പ്മെ​ന്‍റ് ക​ണ്ടെ​യ്ന​ർ നീ​ക്ക​ത്തി​നു​പ​രി ക​ര​മാ​ർ​ഗ​മു​ള്ള ഗ​താ​ഗ​ത​വു​മാ​കു​മ്പോ​ൾ തു​ട​ക്കം മു​ത​ൽ വി​ഴി​ഞ്ഞ​ത്തെ വെ​ല്ലു​മെ​ന്ന വി​ല​യി​രു​ത്ത​ലു​മു​ണ്ട്. എ​ന്നാ​ൽ വി​ഴി​ഞ്ഞത്തെ​ക്കാ​ൾ ആ​ഴ​ക്കു​റ​വും ക​പ്പ​ലു​ക​ൾ​ക്ക് തു​റ​മു​ഖ​ത്തി​നു​ള്ളി​ൽ പ്ര​വേ​ശി​ക്കാ​ൻ ട്ര​ഡ്ജിം​ഗ് വേ​ണ​മെ​ന്ന​തു​മാ​ണു കൊ​ളം​ബോ തു​റ​മു​ഖ​ത്തി​നു​ള്ള ഏ​ക വെ​ല്ലു​വി​ളി. എ​ന്നാ​ലും ക​പ്പ​ലു​ക​ൾ അ​ടു​ക്കു​ന്ന കാ​ര്യ​ത്തി​ൽ കൊ​ളം​ബോ പി​ന്നോ​ക്കം പോ​കി​ല്ലെ​ന്നും ഇ​തു​മാ​യി ബ​ന്ധ​പ്പെ​ട്ട് നി​ൽ​ക്കു​ന്ന​വ​ർ പ​റ​യു​ന്നു.

ശ്രീ​ല​ങ്ക​ൻ സ​ർ​ക്കാ​രി​ന്‍റെ ഇ​ച്ഛാ​ശ​ക്തി​ക്കൊ​പ്പം അ​ദാ​നി​യു​ടെ പ്ര​വ​ർ​ത്ത​ന​ങ്ങ​ളും കാ​ര്യ​ക്ഷ​മ​മാ​യ​താ​ണ് കൊ​ളം​ബോ പോ​ർ​ട്ടിനു വി​ജ​യ​മാ​യ​ത്. വി​ഴി​ഞ്ഞ​ത്തുനി​ന്ന് ക​ട​ൽ മാ​ർ​ഗം മു​ന്നൂ​റോ​ളം കി​ലോ​മീ​റ്റ​ർ അ​പ്പു​റ​മാ​ണ് അ​ദാ​നി​യു​ടെ മ​റ്റൊ​രു​തു​റ​മു​ഖ​മാ​യ കൊ​ളം​ബോ. വി​ഴി​ഞ്ഞം തു​റ​മു​ഖ​ത്തി​ന്‍റെ ക​മ്മീ​ഷ​നിം​ഗിന്‍റെ കാര്യം ക​ഴി​ഞ്ഞ വ​ർ​ഷം ന​വം​ബ​ർ മു​ത​ൽ പ​റ​യു​ന്നെ​ങ്കി​ലും മാ​സ​ങ്ങ​ൾ പ​ല​തു ക​ഴി​ഞ്ഞും തീ​രു​മാ​ന​മാ​യി​ല്ല.

ഉ​ദ്ഘാ​ട​ന​ത്തി​നു പ്ര​ധാ​ന​മ​ന്ത്രി​യു​ടെ വ​ര​വും കാ​ത്തി​രി​ക്കു​ക​യാ​ണു കേ​ര​ള സ​ർ​ക്കാ​ർ.​ വി​ഴി​ഞ്ഞത്ത് അ​ദാ​നി നി​ർ​മിച്ച പു​തി​യ തു​റ​മു​ഖ​മാ​ണെ​ങ്കി​ലും തു​ട​ക്കംകു​റി​ച്ച് പ​ത്ത് വ​ർ​ഷ​ത്തോ​ട് അ​ടു​ക്കു​മ്പോ​ഴും ക​ട​ൽ മാ​ർഗ​മു​ള്ള ക​ണ്ടെ​യ്ന​ർ നീ​ക്ക​ത്തി​നു മാ​ത്ര​മേ സ​ജ്ജ​മാ​യു​ള്ളു. ട്ര​യ​ൽ റ​ൺ​ ആ​രം​ഭി​ച്ച് എ​ട്ടു മാ​സ​ത്തി​നു​ള്ളി​ൽ 175-ൽ​പ്പ​രം വി​ദേ​ശ ക​പ്പ​ലു​ക​ളി​ൽ നി​ന്നാ​യി ല​ക്ഷ​ക്ക​ണ​ക്കി​നു ക​ണ്ടെ​യ്ന​റു​ക​ൾ കൈ​കാ​ര്യം ചെ​ യ്ത​ങ്കി​ലും ക​ര​മാ​ർ​ഗം ഒ​രെ​ണ്ണം പോ​ലും ക​യ​റ്റി അ​യ​ക്കാ​നാ​യി​ല്ല. അ​തി​നു വേ​ണ്ടി​യു​ള്ള അ​ടി​സ്ഥാ​ന കാ​ര്യ​ങ്ങ​ളാ​യ റോ​ഡു​ക​ളും റെ​യി​ൽ​വേ​യു​മെ​ല്ലാം പൂ​ർ​ണ​മാ​ക​ണ​മെ​ങ്കി​ൽ ഇ​നി​യും വ​ർ​ഷ​ങ്ങ​ൾ കാ​ത്തി​രി​ക്ക​ണം.

കേ​ന്ദ്ര- സം​സ്ഥാ​ന സ​ർ​ക്കാ​രു​ക​ളു​ടെ പി​ടി​വാ​ശി കാ​ര​ണം എ​ല്ലാം ശൈ​ശ​വാ​വ​സ്ഥ​യി​ൽ തു​ട​രു​ക​യാ​ണ്. ഇ​വ​യെ​ല്ലാം പൂ​ർ​ത്തി​യാ​യി ക​ണ്ടെ​യ്ന​ർ നീ​ക്കം പൂ​ർ​ണ​മാ​കു​ന്ന​തോ​ടെ വി​ഴി​ഞ്ഞം തു​റ​മു​ഖം ലോ​ക​ത്തെ ത​ന്നെ വ​ൻ​കി​ട തു​റ​മു​ഖ​ങ്ങ​ളി​ൽ ഒ​ന്നാ​യി മാ​റും. പ്ര​കൃ​തി​ദ​ത്ത ആ​ഴ​വും ലോ​ക​ത്തെ ഏ​തു​ത​രം ക​പ്പ​ലു​ക​ൾ​ക്കും സു​ഗ​മ​മാ​യി തു​റ​മു​ഖ​ത്ത് ക​യ​റി ദൗ​ത്യം പൂ​ർ​ത്തി​യാ​ക്കി മ​ട​ങ്ങാ​മെ​ന്ന​തും അ​ന്താ​രാ​ഷ്ട്ര ക​പ്പ​ൽ ചാ​ന​ലി​ന് തൊ​ട്ട​ടു​ത്ത ഏ​ക തീ​ര​മെ​ന്ന​തും ഒ​രു കാ​ല​ത്തും വി​ഴി​ഞ്ഞത്തിന്‍റെ മാ​റ്റു കു​റ​ക്കി​ല്ലെ​ന്നും ബ​ന്ധ​പ്പെ​ട്ട​വ​ർ പ​റ​യു​ന്നു.