മം​ഗ​ലം​ഡാം: മം​ഗ​ലം​ഡാം ക​നാ​ലു​ക​ളു​ടെ വൃ​ത്തി​യാ​ക്ക​ൽ പ​ണി​ക​ൾ ന​ല്ല രീ​തി​യി​ല​ല്ലെ​ന്ന് ക​ർ​ഷ​ക​ർ. വൃ​ത്തി​യാ​ക്കി​യ ഭാ​ഗ​ങ്ങ​ളി​ൽ മ​ര​ങ്ങ​ളു​ടെ കു​റ്റി​ക​ളും മാ​ലി​ന്യ​ങ്ങ​ളും ശേ​ഷി​ക്കു​ന്ന​തി​നാ​ൽ വെ​ള്ള​ത്തി​ന്‍റെ ഒ​ഴു​ക്ക് സു​ഗ​മ​മാ​കി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

യ​ഥാ​സ​മ​യം ക​നാ​ലു​ക​ളു​ടെ അ​റ്റ​കു​റ്റ​പ​ണി​ക​ൾ ന​ട​ക്കാ​ത്ത​തി​നാ​ൽ വെ​ള്ള​ത്തി​ന്‍റെ ഒ​ഴു​ക്ക് ത​ട​സ​പ്പെ​ടു​ന്ന​തു​വ​ഴി വ​ലി​യ​തോ​തി​ൽ വെ​ള്ളം ക​നാ​ൽ വ​ശ​ങ്ങ​ളി​ലൂ​ടെ ചോ​ർ​ന്ന് ന​ഷ്ട​പ്പെ​ടാ​നി​ട​യാ​കും.

ക​നാ​ലു​ക​ളു​ടെ തു​ട​ക്ക​ത്തി​ൽ ത​ന്നെ വെ​ള്ള​ത്തിന്‍റെ ഒ​ഴു​ക്കി​ന് ശ​ക്തി കു​റ​ഞ്ഞാ​ൽ പി​ന്നെ ക​നാ​ലു​ക​ളു​ടെ വാ​ല​റ്റങ്ങ​ളി​ൽ വെ​ള്ളം എ​ത്താ​ത്ത സ്ഥി​തി ഉ​ണ്ടാ​കു​മെ​ന്ന് ചൂണ്ടി​ക്കാ​ട്ടു​ന്നു. മ​ഴ​ക്കാ​ല​ത്ത് ക​നാ​ലു​ക​ളി​ലേ​ക്ക് മ​റി​ഞ്ഞു​വീ​ണി​ട്ടു​ള്ള വ​ൻമ​ര​ങ്ങ​ളു​ടെ ത​ടി​ക​ൾ ഇ​പ്പോ​ഴും നീ​ക്കം ചെ​യ്തി​ട്ടി​ല്ല.

ഇ​തെ​ല്ലാം വെ​ള്ള​ത്തി​ന്‍റെ ഒ​ഴു​ക്ക് ത​ട​സ​പ്പെ​ടാ​ൻ കാ​ര​ണ​മാ​യി മാ​റും. ഡാ​മി​ൽ ഷ​ട്ട​റു​ക​ൾ​ക്കു സ​മീ​പം ക​നാ​ലി​ൽ വീ​ണുകി​ട​ക്കു​ന്ന വ​ൻ​മ​ര​ങ്ങ​ൾ പോ​ലും ഇ​പ്പോ​ഴും മു​റി​ച്ചുമാ​റ്റി​യി​ട്ടി​ല്ല. ഇ​വി​ടെനി​ന്നും വ​ല​തു മെ​യി​ൻ ക​നാ​ലി​ൽ മം​ഗ​ലം​ഡാം പോ​ലീ​സ് സ്റ്റേ​ഷ​നു സ​മീ​പം മൂ​ന്ന് വ​ലി​യ മ​ര​ങ്ങ​ളാ​ണ് ക​നാ​ലി​ൽ കി​ട​ക്കു​ന്ന​ത്.

തു​ട​ർ​ന്നു​ള്ള ഭാ​ഗ​ങ്ങ​ളി​ലും ഇ​ത്ത​ര​ത്തി​ൽ മ​ര​ങ്ങ​ൾ ക​നാ​ലി​ലു​ണ്ട്. ഇ​ട​തു​ക​ര മെ​യി​ൻ ക​നാ​ലി​ലും തു​ട​ക്കം മു​ത​ലെ മ​ര​ങ്ങ​ളും മ​റ്റു​മാ​യി ത​ട​സ​ങ്ങ​ൾ ഏ​റെ​യാ​ണ്.