കൂ​ത്തു​പ​റ​മ്പ്: കൈ​തേ​രി​യി​ല്‍ വീ​ട്ടി​ല്‍ മോ​ഷ​ണം. അ​ല​മാ​ര​യി​ല്‍ സൂ​ക്ഷി​ച്ച മൂ​ന്നു പ​വ​നോ​ളം സ്വ​ര്‍​ണം ക​വ​ർ​ന്നു. കൈ​തേ​രി ക​പ്പ​ണ​യി​ലെ അ​ന​ധ്വ​നി​യി​ല്‍ കെ.​കെ. ദി​നേ​ശ​ന്‍റെ വീ​ട്ടി​ലാ​ണു മോ​ഷ​ണം ന​ട​ന്ന​ത്. വെ​ള്ളി​യാ​ഴ്ച ഉ​ച്ച​യോ​ടെ​യാ​ണ് ക​വ​ര്‍​ച്ച ന​ട​ന്ന​തെ​ന്ന് വീ​ട്ടു​കാ​ര്‍ പ​റ​യു​ന്നു. വീ​ട്ടു​കാ​ർ വീ​ടുപൂ​ട്ടി ജോ​ലി​ക്കു പോ​യി​രു​ന്നു.

ഈ ​സ​മ​യ​ത്താ​ണു മോ​ഷ​ണം ന​ട​ന്ന​തെ​ന്നാ​ണ് ക​രു​തു​ന്ന​ത്. വെ​ള്ളി​യാ​ഴ്ച വൈ​കു​ന്നേ​രം സ്കൂ​ൾ വി​ട്ട് വീ​ട്ടി​ലെ​ത്തി​യ ദി​നേ​ശ​ന്‍റെ മ​ക​ളാ​ണു വീ​ട്ടി​ൽ ക​വ​ർ​ച്ച ന​ട​ന്ന വി​വ​രം ര​ക്ഷി​താ​ക്ക​ളെ അ​റി​യി​ക്കു​ന്ന​ത്.

ടെ​റ​സ് വ​ഴി​യാ​ണു മോ​ഷ്ടാ​വ് അ​ക​ത്ത് ക​യ​റി​യ​തെ​ന്നു സം‌​ശ​യി​ക്കു​ന്നു. വീ​ടി​ന്‍റെ ടെ​റ​സി​ലെ സ്റ്റെ​പ്പി​ൽ മു​ഴു​വ​നാ​യും മു​ള​കു​പൊ​ടി വി​ത​റി​യത് ശ്ര​ദ്ധ​യി​ൽ​പ്പെ​ട്ട​തോ​ടെ റൂം ​പ​രി​ശോ​ധി​ച്ച​പ്പോ​ഴാ​ണ് അ​ല​മാ​ര​യി​ലെ വ​സ്ത്ര​ങ്ങ​ൾ മു​ഴു​വ​ൻ വ​ലി​ച്ചുവാരിയി​ട്ട​നി​ല​യി​ലും അ​ല​മാ​ര​യി​ൽ സൂ​ക്ഷി​ച്ച മൂ​ന്നു പ​വ​നോ​ളം വ​രു​ന്ന സ്വ​ർ​ണാ​ഭ​ര​ണ​ങ്ങ​ൾ ന​ഷ്ട​പ്പെ​ട്ട​താ​യും മ​ന​സി​ലാ​യ​ത്. തു​ട​ർ​ന്ന് വീ​ട്ടു​കാ​ർ കൂ​ത്തു​പ​റ​മ്പ് പോ​ലീ​സി​ൽ പ​രാ​തി ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സും ഫോ​റ​ൻ​സി​ക് സം​ഘ​വും പ​രി​ശോ​ധ​ന ന​ട​ത്തി.