ഹോ ട്ടലി​ല്‍ മോ​ ഷ​ണം നടത്തിയ ജീവനക്കാരൻ അ​റ​സ്റ്റി​ല്‍
Friday, June 28, 2024 11:44 PM IST
അ​ഞ്ച​ല്‍ : ഹോ​ട്ട​ലി​ല്‍ മോ​ഷ​ണം നടത്തിയ ജീവനക്കാരൻ അ​റ​സ്റ്റി​ല്‍. ച​ട​യ​മം​ഗ​ല​ത്താ​ണ് ഹോ​ട്ട​ലി​ല്‍ ക​വ​ര്‍​ച്ച ന​ട​ത്തി​യ പ്ര​തി​യെ പോ​ലീ​സ് പി​ടി​കൂ​ടി​യ​ത്. തി​രു​വ​ന​ന്ത​പു​രം നെ​യ്യാ​റ്റി​ന്‍​ക​ര സ്വ​ദേ​ശി ര​തീ​ഷി​നെ​യാ​ണ് ച​ട​യ​മം​ഗ​ലം പോ​ലീ​സ് അ​റ​സ്റ്റ് ചെ​യ്ത​ത്.

ഇ​ക്ക​ഴി​ഞ്ഞ 22 നാ​ണ് സം​ഭ​വം. ര​തീ​ഷ്‌ ജോ​ലി ചെ​യ്യു​ന്ന ഹോ​ട്ട​ലി​ല്‍ ത​ന്നെ​യാ​ണ് ക​വ​ര്‍​ച്ച ന​ട​ത്തി​യ​ത്. പു​ല​ര്‍​ച്ചെ 1.45ഓടെ ഹോ​ട്ട​ലി​ന്‍റെ കാ​ഷ് കൗ​ണ്ട​റി​ല്‍ എ​ത്തു​ക​യും ഇ​വി​ടെ സൂ​ക്ഷി​ച്ചി​രു​ന്ന ആ​യി​ര​ത്തി അ​ഞ്ഞൂ​റോ​ളം രൂ​പ​യും വി​ല​പി​ടി​പ്പു​ള്ള ടാ​ബും വ​സ്ത്ര​ങ്ങ​ളും ക​വ​ര്‍​ച്ച ചെ​യ്ത് പ്ര​തി മു​ങ്ങി​യ​തും. ഉ​ട​മ​യു​ടെ പ​രാ​തി​യെ തു​ട​ര്‍​ന്ന് സി​സി​ടി​വി ദൃ​ശ്യ​ങ്ങ​ള്‍ ഉ​ള്‍​പ്പ​ടെ പ​രി​ശോ​ധി​ച്ച പോ​ലീ​സ് പ്ര​തി ര​തീ​ഷ്‌ ആ​ണെ​ന്ന് തി​രി​ച്ച​റി​ഞ്ഞു.

ഒ​ളി​വി​ല്‍ പോ​യ പ്ര​തി​യു​ടെ മൊ​ബൈ​ല്‍ ലൊ​ക്കേ​ഷ​ന്‍ ഉ​ള്‍​പ്പ​ടെ ശേ​ഖ​രി​ച്ച പോ​ലീ​സ് അ​റ​സ്റ്റ് ചെ​യ്യു​ക​യാ​യി​രു​ന്നു. നി​ര​വ​ധി ക​വ​ര്‍​ച്ച കേ​സു​ക​ളി​ല്‍ പ്ര​തി​യാ​ണ് ര​തീ​ഷ്‌. എ​സ് ഐ ​മ​നോ​ജ്, ഗ്രേ​ഡ് എ​സ് ഐ​മാ​രാ​യ പ്ര​ശാ​ന്ത്, ഗോ​പ​ൻ, എഎ​സ് ഐ ​ശ്രീ​കു​മാ​ർ എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. അ​റ​സ്റ്റ് രേ​ഖ​പ്പെ​ടു​ത്തി​യ പ്ര​തി​യെ വൈ​ദ്യ പ​രി​ശോ​ധ​ന​ക​ള്‍ പൂ​ര്‍​ത്തി​യാ​ക്കി ക​ട​യ്ക്ക​ല്‍ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍റ് ചെ​യ്തു.

Copyright @ 2022 , Rashtra Deepika Ltd.