ഇൻഡ്യാന ഇൻഫോ സെന്‍റർ പരിയാരത്ത് പ്രവർത്തനം തുടങ്ങി : Deepika.com Nattu Visesham

KANNUR

ഇൻഡ്യാന ഇൻഫോ സെന്‍റർ പരിയാരത്ത് പ്രവർത്തനം തുടങ്ങി

Sunday, June 30, 2024 8:33 AM IST

പരിയാരം: ആതുര ശുശ്രൂഷാരംഗത്ത് പതിമൂന്നാണ്ടിന്‍റെ സേവനപാരമ്പര്യമുള്ള മംഗളൂരുവിലെ ഏറ്റവും ജനസമ്മതമായ മൾട്ടി സ്പെഷാലിറ്റി ആശുപത്രി ഇൻഡ്യാന ഹോസ്പിറ്റൽ ആൻഡ് ഹാർട്ട് ഇൻസ്റ്റിറ്റ്യൂട്ടിന്‍റെ പ്രഥമ ഇൻഫോ സെന്‍റർ പരിയാരത്ത് പ്രവർത്തനമാരംഭിച്ചു.

ശ്രേയസ് കോംപ്ലക്സിൽ ആരംഭിച്ച സെന്‍ററിന്‍റെ പ്രവർത്തനോദ്ഘാടനം എം. വിജിൻ എഎൽഎ നിർവഹിച്ചു. ചെറുതാഴം ഗ്രാമപഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയർമാൻ ടി.വി. ഉണ്ണികൃഷ്ണൻ, സാമൂഹ്യ പ്രവർത്തകനായ നജിമുദ്ദീൻ, മുൻ പഞ്ചായത്ത് സെക്രട്ടറി ശശിധരൻ, റോട്ടറി ക്ലബ് പരിയാരം ബോർഡംഗം സുഗതൻ പരിയാരം, റിട്ട. നേവി ഓഫീസർ സൂരജ് പിലാത്തറ, റോട്ടറി ക്ലബ് അംഗം പ്രസന്നൻ കേദാരം എന്നിവർ പങ്കെടുത്തു.

ഇൻഡ്യാന ആശുപത്രി ചീഫ് ഓപ്പറേറ്റിംഗ് ഓഫീസർ പ്രതീക്ഷ കോട്ടിയാൻ വിശിഷ്ടാതിഥികൾക്ക് ഉപഹാരങ്ങൾ നൽകി. നിഖിൽ തോമസ് (ജനറൽ മാനേജർ - ഓപ്പറേഷൻസ്), വൈശാഖ് സുരേഷ് (ഡെപ്യൂട്ടി മാനേജർ മാർക്കറ്റിംഗ്), ഷമൽ ഭാസ്കർ (മാനേജർ ഓൺ ഡ്യൂട്ടി), ജിതിൻ ലൂക്കോസ്, കെ. രവീന്ദ്രൻ, സരിൻ, അബ്ദുൾ ഹക്കീം എന്നിവരും ചടങ്ങിൽ പങ്കെടുത്തു.

എല്ലാ ചികിത്സകളെയും ശസ്ത്രക്രിയകളെയും കുറിച്ചുള്ള കൃത്യമായ അറിവും മാർഗനിർദേശങ്ങളും ഇൻഡ്യാന ആശുപത്രിയിൽ ലഭിക്കുന്ന ഇൻഷ്വറൻസ് പരിരക്ഷകളെ കുറിച്ചുള്ള വിവരങ്ങൾ, ഒ.പി കൺസൾട്ടേഷൻ കാത്തിരിപ്പില്ലാതെ (ഫാസ്റ്റ് ട്രാക്ക് ബുക്കിംഗ് സൗകര്യം), സൂപ്പർ സ്പെഷാലിറ്റി വിഭാഗങ്ങളിൽ മെഡിക്കൽ ക്യാമ്പുകൾ തുടങ്ങിയ രോഗികൾക്ക് പ്രയോജനകരമായ സേവനങ്ങളാണ് ഇൻഡ്യാന ഇൻഫോ സെന്‍ററിൽ ലഭ്യമാകുന്നത്. ഹെൽപ്പ് ലൈൻ നമ്പർ 9019021910.