മാ​വോ​യി​സ്റ്റ് സാ​ന്നി​ധ്യ​മു​ള്ള പ്ര​ദേ​ശ​ങ്ങ​ളി​ൽ പ​രി​ശോ​ധ​ന ന​ട​ത്തി
Sunday, June 30, 2024 8:32 AM IST
ഇ​രി​ട്ടി: വ​യ​നാ​ട് മ​ക്കി​മ​ല​യി​ൽ മാ​വോ​യി​സ്റ്റു​ക​ൾ സ്ഫോ​ട​ക വ​സ്തു​ക്ക​ൾ സ്ഥാ​പി​ച്ച പ​ശ്ചാ​ത്ത​ല​ത്തി​ൽ ക​ണ്ണൂ​ർ ജി​ല്ല​യി​ലെ മാ​വോ​യി​സ്റ്റ് സാ​ന്നി​ധ്യ​മു​ള്ള പ്ര​ദേ​ശ​ങ്ങ​ളി​ൽ വ്യാ​പ​ക​മാ​യ പ​രി​ശോ​ധ​ന ന​ട​ത്തി. ഇ​രി​ട്ടി എ​എ​സ്പി യോ​ഗേ​ഷ് മ​ന്ദ​യ്യ​യു​ടെ നേ​തൃ​ത്വ​ത്തി​ൽ ബോം​ബ് സ്‌​ക്വാ​ഡ്, ഡോ​ഗ് സ്‌​ക്വാ​ഡ്, മാ​വോ​യി​സ്റ്റ് വി​രു​ദ്ധ സേ​ന, മാ​വോ​യി​സ്റ്റ് ഇ​ന്‍റ​ലി​ജ​ൻ​സ് വിം​ഗ്, ആ​റ​ളം, ക​രി​ക്കോ​ട്ട​ക്ക​രി പോ​ലീ​സ് സ്റ്റേ​ഷ​നി​ലെ ഉ​ദ്യോ​ഗ​സ്ഥ​ർ ഉൾപ്പെടെ 40 ഓ​ളം പേർ വ​രു​ന്ന സാ​യു​ധ സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്.

ആ​റ​ളം, ക​രി​ക്കോ​ട്ട​ക്ക​രി സ്റ്റേ​ഷ​ൻ പ​രി​ധി​യി​ലെ മാ​വോ​യി​സ്റ്റ് സാ​ന്നി​ധ്യം ക​ണ്ടെ​ത്തി​യ വി​യ​റ്റ്‌​നാം, ആ​റ​ളം ഫാം ​ബ്ലോ​ക്ക് 13, 55 മേ​ഖ​ല​യി​ലും വാ​ച്ച് ട​വ​ർ, ച​തി​രൂ​ർ, എ​ട​പ്പു​ഴ, വാ​ള​ത്തോ​ട് മേ​ഖ​ല​യി​ലും സം​ഘം പ​രി​ശോ​ധ​ന ന​ട​ത്തി​. നേ​ര​ത്തെ പ​ല​ത​വ​ണ​ക​ളാ​യി മാ​വോ​വാ​ദി​ക​ൾ എ​ത്തി​യ വീ​ടു​ക​ളും പ​രി​സ​ര​ങ്ങ​ളും പ​രി​ശോ​ധി​ച്ചു.

മാ​വോ​വാ​ദി​ക​ളു​ടെ സ്ഥി​രം സ​ഞ്ചാ​ര പാ​ത​ക​ളി​ൽ സ്‌​ഫോ​ട​ക വ​സ്തു​ക്ക​ളും മ​റ്റും ഒ​ളി​പ്പി​ച്ചി​ട്ടു​ണ്ടോ​യെ​ന്ന​റി​യു​ന്ന​തി​ന് വേ​ണ്ടി നടത്തിയ പ​രി​ശോ​ധ​യിൽ സ്ഫോ​ട​ക വ​സ്തു​ക്ക​ൾ ഒ​ന്നും ക​ണ്ടെ​ത്താ​ൻ ക​ഴി​ഞ്ഞി​ല്ല.

Copyright @ 2022 , Rashtra Deepika Ltd.