ദേശീയ വിജിലന്‍സ് ബോധവത്കരണ വാരാഘോഷം സംഘടിപ്പിച്ചു
1479830
Sunday, November 17, 2024 7:03 AM IST
വെള്ളറട: കുന്നത്തുകാല്‍ ശ്രീ ചിത്തിര തിരുനാള്‍ റസിഡന്‍ഷ്യല്‍ സെന്‍ട്രല്‍ സ്‌കൂളില്‍ ദേശീയ വിജിലന്‍സ് ബോധവത്കരണ വാരാഘോഷം സംഘടിപ്പിച്ചു. ബാങ്ക് ഓഫ് ബറോഡാ സ്‌കൂളിലെ വിദ‍്യാർഥികൾക്കായി നടത്തിയ ചിത്ര രചനാ മത്സരത്തില്‍ ഒന്നാം സമ്മാനം നേടിയ എ . എസ്. അശ്വിനിക്ക് ബാങ്ക് ഓഫ് ബറോഡാ ഡെപ്യൂട്ടി മാനേജര്‍ ശ്രീധര്‍ ഉപഹാരം നല്‍കി.
രണ്ടും മൂന്നും സ്ഥാനം നേടിയ എസ്. ഐ. ചിന്‍മയി, അബിനന്ദ് എസ് വിജയ് എന്നീ വിദ്യാര്‍ഥികള്‍ക്ക് ചീഫ് മാനേജര്‍ ആദിത്യ, ബ്രാഞ്ച് മാനേജര്‍ രാജേഷ് എന്നിവര്‍ ഉപഹാരം നല്‍കി. സ്‌കൂള്‍ മാനേജര്‍ ടി. സതീഷ്‌കുമാര്‍, പ്രിന്‍സിപ്പല്‍ എസ്.പുഷ്പവല്ലി തുടങ്ങിയവർ പങ്കെടുത്തു.