ഷൊർ​ണൂ​ർ: റെയിൽപാ​ള​ങ്ങ​ളി​ലെ കാ​ഴ്ച മ​റയ്​ക്കു​ന്ന മ​ര​ങ്ങ​ൾ മു​റി​ച്ചുമാ​റ്റ​ണ​മെ​ന്ന് ആ​വ​ശ്യം. നാ​ലുപേ​ർ മ​രി​ച്ച ഷൊ​ർ​ണൂ​ർ ട്രെയിൻ അ​പ​ക​ട​ത്തി​ന് മ​ര​ങ്ങ​ളും കാ​ര​ണ​മാ​യ​താ​യി സൂ​ച​ന​യു​ണ്ട്. വ​ണ്ടി​യി​ലെ ബി ​കാ​ബി​നി​ൽ​നി​ന്ന് പാ​ല​ത്തി​ലേ​ക്കു​ള്ള കാ​ഴ്ച മ​റ​യ്‌​ക്കു​ന്ന ത​ര​ത്തി​ലാ​ണ് മ​ര​ങ്ങ​ൾ നി​ൽ​ക്കു​ന്ന​തെ​ന്നാ​ണ് പോ​ലീ​സ് വ്യ​ക്ത​മാ​ക്കു​ന്ന​ത്.

ര​ണ്ടു​നി​ല​കെ​ട്ടി​ട​ത്തി​ന്‍റെ മു​ക​ൾ​നി​ല​യി​ലു​ള്ള സ്റ്റേ​ഷ​ൻ​മാ​സ്റ്റ​റു​ടെ മു​റി​യി​ൽ​നി​ന്ന് നോ​ക്കി​യാ​ൽ​പോലും പാ​ലം​കാ​ണാ​ൻ ക​ഴി​യാ​ത്ത​ത്ര ഉ​യ​ര​ത്തി​ലാ​ണ് മ​ര​ങ്ങ​ൾ വ​ള​ർ​ന്നു​നി​ൽ​ക്കു​ന്ന​ത്. കേ​ര​ള എ​ക്സ്പ്ര​സ് വ​രു​ന്ന​തി​നു​മു​ന്പ് പാ​ല​ത്തി​ൽ ക​രാ​ർ​തൊഴി​ലാ​ളി​ക​ളെ ക​ണ്ടി​രു​ന്നെ​ങ്കി​ൽ സി​ഗ്ന​ൽ​ന​ൽ​കി ട്രെയിൻ നി​ർ​ത്താ​മാ​യി​രു​ന്നു.

എ​ന്നാ​ൽ ഇ​വ​ർ പാ​ല​ത്തി​ൽ​നി​ൽ​ക്കു​ന്ന​ത് ആ ​സ​മ​യ​ത്ത് ജോ​ലി​യി​ലു​ണ്ടാ​യി​രു​ന്ന സ്റ്റേ​ഷ​ൻ​മാ​സ്റ്റ​ർ​ക്ക് കാ​ണാ​നാ​യി​ല്ലെ​ന്നാ​ണ് പോ​ലീ​സി​ന്‍റെ ക​ണ്ടെ​ത്ത​ൽ.

റെ​യി​ൽ​വേ​ പോ​ലീ​സു​ൾ​പ്പെ​ടെ​യു​ള്ള അ​ന്വേ​ഷ​ണഉ​ദ്യോ​ഗ​സ്ഥ​ർ ഇ​ക്കാ​ര്യം പ​രി​ശോ​ധി​ച്ച് റി​പ്പോ​ർ​ട്ട് ന​ൽ​കി​യി​ട്ടു​ണ്ട്. റെ​യി​ൽ​വേ​യു​ടെ പ്ര​ത്യേ​ക വി​ഭാ​ഗ​വും അ​പ​ക​ട​കാ​ര​ണം അ​ന്വേ​ഷി​ക്കു​ന്നു​ണ്ട്. പാ​ല​ത്തി​ന് മു​ക​ളി​ലേ​ക്ക് ക​യ​റാ​ൻ​പാ​ടി​ല്ലെ​ന്ന് മു​ന്ന​റി​യി​പ്പു​ബോ​ർ​ഡ് സ്ഥാ​പി​ച്ചി​ട്ടു​ണ്ടെ​ങ്കി​ലും ട്രാ​ക്ക് പ​രി​ശോ​ധി​ക്കു​ന്ന തൊ​ഴി​ലാ​ളി​ക​ൾ​ക്ക് പ്ര​വേ​ശി​ക്കാം. ഇ​വ​രു​ടെ സു​ര​ക്ഷ​യ്‌​ക്കാ​യി തീ​വ​ണ്ടി​വ​രു​മ്പോ​ൾ മാ​റി​നി​ൽ​ക്കാ​നു​ള്ള സൗ​ക​ര്യം പാ​ല​ത്തി​ന്‍റെ ര​ണ്ടു​ഭാ​ഗ​ത്തും ഏ​ർ​പ്പെ​ടു​ത്തി​യി​ട്ടു​ണ്ട്.

ഇ​വി​ടേ​ക്കെ​ത്താ​ൻപോ​ലു​മാ​കാ​തെ​യാ​ണ് തൊ​ഴി​ലാ​ളി​ക​ളെ ട്രെയിൻ ഇ​ടി​ച്ചി​ട്ട​ത്. തൊ​ഴി​ലാ​ളി​ക​ള​ല്ലാ​തെ ആ​രെ​ങ്കി​ലും ഇ​വി​ടെ​യെ​ത്തി​യാ​ൽ അ​ത് ക​ണ്ടെ​ത്തി പ​രി​ശോ​ധി​ച്ച് സി​ഗ്ന​ൽ​ന​ൽ​കാ​നും ബി ​കാ​ബി​നി​ലെ സ്റ്റേ​ഷ​ൻ​മാ​സ്റ്റ​ർ​ക്ക് മ​ര​ങ്ങ​ളു​ടെ ത​ട​സം​ കാ​ര​ണം ക​ഴി​യാ​ത്ത സ്ഥി​തി​യു​ണ്ട്. കാ​ഴ്ച​മ​റ​യ്ക്കു​ന്ന മ​ര​ങ്ങ​ളി​ല്ലെ​ങ്കി​ൽ കാ​ബി​ന് മു​ക​ളി​ലെ സ്റ്റേ​ഷ​ൻ മാ​സ്റ്റ​റു​ടെ മു​റി​ക്ക​ക​ത്തു​നി​ന്ന് ര​ണ്ട് പാ​ല​വും കൃ​ത്യ​മാ​യി കാ​ണാ​നാ​കും.

സം​ഭ​വ​ത്തി​നു​ശേ​ഷം പോ​ലീ​സെ​ത്തി ഇ​ക്കാ​ര്യം ചൂ​ണ്ടി​ക്കാ​ണി​ച്ച​പ്പോ​ൾ കെ​ട്ടി​ട​ത്തി​ന് മു​മ്പി​ലെ മ​ര​ച്ചി​ല്ല​ക​ൾ മു​റി​ച്ചു​മാ​റ്റി​യി​ട്ടു​ണ്ട്.

എ​ന്നാ​ൽ കാ​ഴ്‌​ചമ​റ​ച്ച് ഈ ​റെയി​ൽപാ​ത​യി​ൽ നി​ല​നി​ൽ​ക്കു​ന്ന മ​റ്റ് മ​ര​ങ്ങ​ൾ സു​ര​ക്ഷ മു​ൻ​നി​ർ​ത്തി മു​റി​ച്ചുമാ​റ്റ​ണ​മെ​ന്ന് ആ​വ​ശ്യ​മു​യ​ർ​ന്നി​ട്ടു​ണ്ട്.​പോ​ലീ​സും ഈ ​ആ​വ​ശ്യം ഉ​ന്ന​യി​ച്ചി​ട്ടു​ണ്ട്.