സ്വ​ന്തം ലേ​ഖ​ക​ൻ

തൃ​ശൂ​ർ: അ​ന്നം​തേ​ടു​ന്ന​തി​ന​ിടെ ഷോ​ക്കേ​റ്റു​വീ​ണ മി​ണ്ടാ​പ്രാ​ണി​ക്കു പു​തു​ജീ​വ​ൻ ന​ൽ​കി കെ​എ​സ്ഇ​ബി ജീ​വ​ന​ക്കാ​ർ. മു​തു​വ​റ കെ​എ​സ്ഇ​ബി സെ​ക്‌​ഷ​നു കീ​ഴി​ലു​ള്ള, ചു​ള്ളി​പ്പാ​ടം ട്രാ​ൻ​സ്ഫോ​ർ​മ​റി​ന്‍റെ ​ഡി​ഒ ഫ്യൂ​സ് ശ​രി​യാ​ക്കാ​നെ​ത്തി​യ ലൈ​ൻ​മാ​ന്മാ​രാ​യ ബാ​ബു ഡേ​വി​സി​ന്‍റെ​യും സു​രേ​ഷ് ബാ​ബു​വി​ന്‍റെ​യും ന​ല്ല മ​ന​സാ​ണ് ഷോ​ക്കേ​റ്റ് ജീ​വ​നു​വേ​ണ്ടി പി​ട​ഞ്ഞി​രു​ന്ന ഒ​രു പൊ​ന്മാ​ന്‍റെ ജീ​വ​ൻ ര​ക്ഷി​ച്ച​ത്.

ഫോ​ണ്‍​ഡ്യൂ​ട്ടി​യി​ലു​ള്ള മാ​ള​വി​ക അ​റി​യി​ച്ച​ത​നു​സ​രി​ച്ചാ​ണ് ഇ​രു​വ​രും സൈ​റ്റി​ൽ എ​ത്തി​യ​ത്. ഇ​തി​നി​ട​യി​ലാ​ണ് അ​ന്ന​വു​മാ​യി മ​ട​ങ്ങു​ക​യാ​യി​രു​ന്ന നീ​ല​പ്പൊ​ന്മാ​ൻ എ​ച്ച്ടി ലൈ​നി​ൽ​നി​ന്നു ഷോ​ക്കേ​റ്റ് നി​ല​ത്തേ​ക്കു പി​ട​ഞ്ഞു​വീ​ണ​ത്. ആ​ദ്യം സം​ഭ​വം മ​ന​സി​ലാ​കാ​തി​രു​ന്ന ഇ​രു​വ​രും പൊ​ന്മാ​ൻ ഷോ​ക്കേ​റ്റു​വീ​ണ​താ​ണെ​ന്നു മ​ന​സി​ലാ​ക്കി​യ​തോ​ടെ പ​ണി​സാ​ധ​ന​ങ്ങ​ൾ താ​ഴെ​യി​ട്ട് കി​ളി​യെ കൈ​യി​ലെ​ടു​ത്തു.

സ​മീ​പ​ത്തെ തോ​ട്ടി​ൽ​നി​ന്നും വെ​ള്ളം കൈ​ക്കു​ന്പി​ളി​ൽ കോ​രി​യെ​ടു​ത്ത് പൊ​ന്മാ​നു ന​ൽ​കി. പ​ണ്ടെ​പ്പോ​ഴോ റീ​ൽ​സി​ൽ കി​ളി​ക​ളെ ര​ക്ഷി​ക്കു​ന്ന വീ​ഡി​യോ ക​ണ്ട ഓ​ർ​മ​യി​ൽ പൊ​ന്മാ​ന്‍റെ നെ​ഞ്ചി​ൽ കൈ​ക​ൾ​കൊ​ണ്ട് പ​തി​യെ അ​മ​ർ​ത്തി​യും ത​ട്ടി​യും ത​ലോ​ടി​യും പ്ര​ഥ​മ​ശ്രു​ശൂ​ഷ​യും ന​ൽ​കി. 20 മി​നി​റ്റു​ക​ൾ​ക്കു​ശേ​ഷം പൊ​ന്മാ​ൻ പ​തി​യെ​പ്പ​തി​യെ ഉ​ഷാ​റാ​യി. അ​ല്പ​സ​മ​യ​ത്തി​നു​ശേ​ഷം പ​റ​ന്നു​യ​ർ​ന്നു. ഒ​പ്പം ന​ല്ലൊ​രു കാ​ര്യം ചെ​യ്ത സ​ന്തോ​ഷ​വു​മാ​യി ബാ​ബു​വും സു​രേ​ഷും മ​ട​ങ്ങി.

പൊ​ന്മാ​ന​ല്ലേ, എ​ന്തി​നി​ങ്ങ​നെ ക​ഷ്ട​പ്പെ​ട്ടു​വെ​ന്ന ചോ​ദ്യ​ത്തി​നു​മു​ൻ​പി​ൽ, ജീ​വ​ന​ല്ലേ സാ​ർ, ര​ക്ഷി​ക്ക​ണ്ടേ എ​ന്ന മ​റു​പ​ടി​യാ​ണ് ഇ​വ​ർ​ക്കു പ​റ​യാ​നു​ണ്ടാ​യി​രു​ന്ന​ത്. ഇ​രു​വ​രു​ടെ​യും ന​ല്ല മ​ന​സി​നെ സ​ഹ​പ്ര​വ​ർ​ത്ത​ക​രും അ​ഭി​ന​ന്ദി​ച്ചു.