ഇ​രി​ങ്ങാ​ല​ക്കു​ട: ബ​സ് അ​പ​ക​ട​ത്തി​ല്‍ ഗു​രു​ത​ര​മാ​യി പ​രി​ക്കേ​റ്റ് ചി​കി​ത്സ​യി​ല്‍ ക​ഴി​യു​ന്ന പെ​ണ്‍​കു​ട്ടി​ക്കാ​യി തൃ​ശൂ​ര്‍ - കൊ​ടു​ങ്ങ​ല്ലൂ​ര്‍ റൂ​ട്ടി​ലെ ഒ​രു വി​ഭാ​ഗം ബ​സു​ക​ള്‍ കാ​രു​ണ്യയാ​ത്ര ന​ട​ത്തി സ്വ​രൂ​പി​ച്ച തു​ക കൈ​മാ​റി. 21 ഓ​ളം ബ​സു​ക​ള്‍ കാ​രു​ണ്യയാ​ത്ര​യാ​യി സ​ര്‍​വീ​സ് ന​ട​ത്തി​യ​ത്. സു​മ​ന​സു​ക​ളാ​യ യാ​ത്രി​ക​ര്‍ ബ​സ് ചാ​ര്‍​ജും അ​തി​ല​ധി​ക​വും ന​ല്‍​കി​യ​താ​യി ബ​സ് ജീ​വ​ന​ക്കാ​ര്‍ പ​റ​ഞ്ഞു. പി​രി​ഞ്ഞുകി​ട്ടി​യ ഒ​രു ല​ക്ഷ​ത്തി ഇ​രു​പ​ത്ത​യ്യാ​യി​രം രൂ​പ​യാ​ണ് ചി​കി​ത്സ​യ്ക്കാ​യി കൈ​മാ​റി​യ​ത്.

പൂ​ച്ചി​ന്നി​പ്പാ​ട​ത്ത് സ്വ​കാ​ര്യ ബ​സ് ഇ​ടി​ച്ച് തൊ​ട്ടി​പ്പാ​ള്‍ സ്വ​ദേ​ശി നീ​ല​ങ്കാ​വി​ല്‍ വി​ന്‍​സെ​ന്‍റ് മ​രി​ക്കു​ക​യും മ​ക​ള്‍ വി​പി​ന​യ്ക്ക് ഗു​രു​ത​ര പ​രി​ക്കേ​ല്‍​ക്കു​ക​യും ചെ​യ്തി​രു​ന്നു. ഇ​ക്ക​ഴി​ഞ്ഞ 16 നാ​ണ് അ​പ​ക​ടം സം​ഭ​വി​ച്ച​ത്.

വി​ന്‍​സെ​ന്‍റും മ​ക​ള്‍ വി​പി​ന​യും ബൈ​ക്കി​ല്‍ പെ​രു​മ്പി​ള്ളി​ശേ​രി​യി​ലേ​ക്ക് പോ​കു​മ്പോ​ഴാ​ണ് വ​ട​ക്കും​നാ​ഥ​ന്‍ എ​ന്ന സ്വ​കാ​ര്യബ​സ് നി​യ​ന്ത്ര​ണംവി​ട്ട് ബൈ​ക്കി​ലി​ടി​ച്ച​ത്. വി​ന്‍​സെ​ന്‍റ് അ​പ​ക​ട സ്ഥ​ല​ത്തു വച്ചുത​ന്നെ മ​ര​ണ​പ്പെ​ട്ടു. ത​ല​യ്ക്കും വാ​രി​യെ​ല്ലി​നും കാ​ലി​നും ഗു​രു​ത​രപ​രി​ക്കേ​റ്റ വി​പി​ന എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.

സ്വ​കാ​ര്യ സ്‌​കൂ​ളി​ല്‍ താ​ത്കാ​ലി​ക ത​സ്തി​ക​യി​ലെ അ​ധ്യാ​പി​ക​യാ​ണ് വി​പി​ന. 30 ല​ക്ഷം രൂ​പ വി​പി​ന​യു​ടെ ചി​കി​ത്സ​യ്ക്കാ​യി വേ​ണ്ടി​വ​രും. ഈ ​സാ​ഹ​ച​ര്യ​ത്തി​ലാ​ണ് തൃ​ശൂ​ര്‍ കൊ​ടു​ങ്ങ​ല്ലൂ​ര്‍ റൂ​ട്ടി​ലോ​ടു​ന്ന 21 ബ​സു​ക​ളു​ടെ ഉ​ട​മ​ക​ള്‍ കാ​രു​ണ്യ​യാ​ത്ര ന​ട​ത്താ​ന്‍ തീ​രു​മാ​നി​ച്ച​ത്.

ഇ​രി​ങ്ങാ​ല​ക്കു​ട ബ​സ് സ്റ്റാ​ന്‍​ഡി​ല്‍ ന​ട​ന്ന ച​ട​ങ്ങി​ല്‍ ഇ​രി​ങ്ങാ​ല​ക്കു​ട ന​ഗ​ര​സ​ഭാ ചെ​യ​ര്‍​പേ​ഴ്‌​സ​ണ്‍ മേ​രി​ക്കു​ട്ടി ജോ​യ്, ജോ​യ് തൊ​ട്ടി​പ്പാ​ള്‍, പ​ഞ്ചാ​യ​ത്തം​ഗം ശ്രു​തി​ക്കു തു​ക കൈ​മാ​റി.