പുതുപ്പള്ളി ഡോണ്‍ ബോസ്‌കോ സെന്‍ട്രല്‍ സ്കൂള് ചാമ്പ്യന്മാര്‍
1465631
Friday, November 1, 2024 6:13 AM IST
കാഞ്ഞിരപ്പള്ളി:1 കോട്ടയം സഹോദയയുടെ നേതൃത്വത്തില്‍ കാഞ്ഞിരപ്പള്ളി കുന്നുംഭാഗം സെന്‍റ് ജോസഫ് പബ്ലിക് സ്‌കൂളില്‍ നടത്തിയ ഫുട്‌ബോള്‍ ചാമ്പ്യന്‍ഷിപ്പ് അണ്ടര്‍ 14 വിഭാഗത്തില്‍ പുതുപ്പള്ളി ഡോണ്‍ ബോസ്‌കോ സെന്‍ട്രല്‍ സ്കൂള് ചാമ്പ്യന്‍മാരായി. കോട്ടയം ചിന്മയ വിദ്യാലയത്തെ 3-0 പരാജയപ്പെടുത്തിയാണ് വിജയിച്ചത്. ജെഫ്രി ജോബിന്‍ ജോര്‍ജ്, ആരോണ്‍ അനു ജോസഫ്, നഥാനിയേല്‍ എം. മാത്യു എന്നിവര്‍ ഗോളുകള്‍ നേടി.
ബെസ്റ്റ് പ്ലയറായി ആരോണ്‍ അനു ജോസഫും ബെസ്റ്റ് ഡിഫൻഡറായി ആദിത്യ അരുണും തെരഞ്ഞെടുക്കപ്പെട്ടു. സമാപനസമ്മേളനത്തില്‍ ചീഫ് വിപ്പ് ഡോ. എന്‍. ജയരാജ് എംഎല്‍എ, കോട്ടയം സഹോദയ പ്രസിഡന്‍റ് ബെന്നി ജോര്‍ജ്, സെന്‍റ് ജോസഫ്‌സ് പബ്ലിക് സ്കൂള് പ്രിന്‍സിപ്പല്‍ സിസ്റ്റര്‍ ലിറ്റില്‍ റോസ്, ഡോണ്‍ ബോസ്‌കോ സെന്‍ട്രല്‍ സ്കൂള് പ്രിന്‍സിപ്പല്‍ ഫാ. ജോഷ് കാഞ്ഞൂപ്പറമ്പില്‍ തുടങ്ങിയവര്‍ പങ്കെടുത്തു.