കൊച്ചുവീട്ടില്‍ കുഞ്ഞമ്മ ടീച്ചര്‍ ഇന്‍റര്‍സ്‌കൂള്‍ ക്വിസ് മത്സര വിജയികൾ
1465449
Thursday, October 31, 2024 7:41 AM IST
ചങ്ങനാശേരി: പതിമൂന്നാമത് കൊച്ചുവീട്ടില്‍ കുഞ്ഞമ്മ ടീച്ചര്‍ മെമ്മോറിയല്‍ ഇന്‍റര്‍സ്‌കൂള്‍ ക്വിസ് മത്സരം ചങ്ങനാശേരി എസ്ബി ഹയര്‍ സെക്കന്‍ഡറി സ്കൂളിൽ നടത്തി. ഹെഡ്മാസ്റ്റര്‍ ഫാ. റോജി വല്ലയില്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ ഡോ. ആന്‍റണി മാത്യു സമ്മേളനം ഉദ്ഘാടനം ചെയ്തു.
എസ്ബി കോളജ് ഫിസിക്‌സ് വിഭാഗം അസിസ്റ്റന്‍റ് പ്രഫസര്‍ ജസ്റ്റിന്‍ ജോണ്‍ ക്വിസ് മാസ്റ്ററായിരുന്നു. മത്സരത്തില്‍ കോതനല്ലൂര്‍ ഇമ്മാനുവല്‍ ഹയര്‍ സെക്കന്‍ഡറി സ്‌കൂളിലെ പി. കാര്‍ത്തിക്, എസ്. ആദിശങ്കര്‍ എന്നിവര്‍ ഒന്നാം സ്ഥാനം നേടി.
കോട്ടയം എംഡി സെമിനാരി സ്‌കൂളിലെ സിദ്ധാര്‍ഥ് അനീഷ, നിബിന്‍ ഷെറഫ് എന്നിവര്‍ രണ്ടാം സ്ഥാനം നേടി. കൈനകരി ഹോളി ഫാമിലി ഗേള്‍സ് ഹൈസ്‌കൂളിലെ ജോബില്‍ പി. സെബാസ്റ്റ്യന്‍, അന്ന മരിയ തോമസ് എന്നിവര്‍ മൂന്നാം സ്ഥാനം നേടി.
അജി ജോണ്‍, ലീന ജോണ്‍, അരുണ്‍ ജെ. മാരൂര്‍, ജൂലി മെര്‍ലിന്‍ മാത്യു എന്നിവര്‍ പ്രസംഗിച്ചു.