കാ​ഞ്ഞി​ര​പ്പ​ള്ളി: കാ​ല്‍​ന​ട​യാ​ത്ര​ക്കാ​ര്‍​ക്കു സു​ര​ക്ഷി​ത​മാ​യി റോ​ഡ് മു​റി​ച്ചു​ക​ട​ക്കാ​ന്‍ ല​ക്ഷ്യ​മി​ട്ടു കാ​ഞ്ഞി​ര​പ്പ​ള്ളി ടൗ​ണി​ലെ വി​വി​ധ ഇ​ട​ങ്ങ​ളി​ലാ​യി വ​ര​ച്ചി​ട്ടു​ള്ള സീബ്രാ​ലൈ​നു​ക​ള്‍ മാ​ഞ്ഞു​തു​ട​ങ്ങി. ഇ​തോ​ടെ കാ​ല്‍​ന​ട​യാ​ത്ര​ക്കാ​ര്‍ റോ​ഡ് മു​റി​ച്ചു​ക​ട​ക്കു​ന്ന​ത് ജീ​വ​ൻ കൈ​യി​ൽ​പ്പി​ടി​ച്ച്.
ദേ​ശീ​യ​പാ​ത​യി​ൽ കാ​ഞ്ഞി​ര​പ്പ​ള്ളി ബ​സ് സ്റ്റാ​ൻ​ഡി​ന് മു​ൻ​വ​ശ​ത്തു​ള്ള ര​ണ്ട് സീ​ബ്രാ​ലൈ​നു​ക​ളും പേ​ട്ട​ക്ക​വ​ല​യി​ലും കു​രി​ശു​ങ്ക​ൽ ജം​ഗ്ഷ​നി​ലു​മു​ള്ള സീ​ബ്രാ​ലൈ​നു​ക​ളു​മാ​ണ് മാ​ഞ്ഞു​പോ​യി​രി​ക്കു​ന്ന​ത്.

സീ​ബ്രാ​ലൈ​നു​ക​ള്‍ ഇ​ല്ലാ​താ​യ​തോ​ടെ റോ​ഡ് കു​റു​കെ ക​ട​ക്കാ​ന്‍ റോ​ഡി​ലേ​ക്കു പ്ര​വേ​ശി​ക്കു​ന്ന​വ​ര്‍ അ​മി​ത വേ​ഗ​ത്തി​ല്‍ പാ​ഞ്ഞെ​ത്തു​ന്ന വാ​ഹ​ന​ങ്ങ​ളെ ഭയ​ന്ന് ഓ​ടേ​ണ്ട ഗ​തി​കേ​ടി​ലാ​ണ്. ഏ​റെ തി​ര​ക്കു​ള്ള കാ​ഞ്ഞി​ര​പ്പ​ള്ളി ടൗ​ണി​ലൂ​ടെ മി​ക്ക വാ​ഹ​ന​ങ്ങ​ളും അ​മി​ത വേ​ഗ​ത്തി​ലാ​ണ് ക​ട​ന്നു​പോ​കു​ന്ന​ത്. ബ​സ് സ്റ്റാ​ൻ​ഡി​ന് മു​ൻ​വ​ശ​ത്തു പോ​ലീ​സിന്‍റെ സാ​ന്നി​ധ്യ​മു​ണ്ടെ​ങ്കി​ലും അ​തൊ​ന്നും കാ​ര്യ​മാ​ക്കാ​തെ​യാണ് വാ​ഹ​ന​ങ്ങ​ളു​ടെ മ​ര​ണ​പ്പാ​ച്ചി​ല്‍.

ചി​ല സ​മ​യ​ങ്ങ​ളി​ൽ ഏ​റെ നേ​രം കാ​ത്തു​നി​ന്നാ​ൽ മാ​ത്ര​മാ​ണ് കാ​ൽ​ന​ട​യാ​ത്ര​ക്കാ​ർ​ക്കു റോ​ഡ് മു​റി​ച്ചു ക​ട​ക്കാ​നാ​കു​ന്ന​ത്. സ്ത്രീ​ക​ളും വി​ദ്യാ​ര്‍​ഥി​ക​ളു​മാ​ണ് വ​ലി​യ ദു​രി​തം അ​നു​ഭ​വി​ക്കു​ന്ന​ത്. സ്ത്രീ​ക​ളും വി​ദ്യാ​ർ​ഥി​ക​ളും റോ​ഡ് മു​റി​ച്ചു​ക​ട​ക്കു​മ്പോ​ൾ വേ​ഗ​ത്തി​ൽ വാ​ഹ​ന​മോ​ടി​ച്ചു വ​രു​ന്ന ഡ്രൈ​വ​ർ​മാ​ർ ഹോ​ണ​ടി​ച്ച് ഇ​വ​രെ ഭ​യ​പ്പെ​ടു​ത്താ​റു​ണ്ടെ​ന്നു വ്യാ​പാ​രി​ക​ൾ പ​റ​യു​ന്നു. മാ​ഞ്ഞു​പോ​യ സീ​ബ്രാ​ലൈ​നു​ക​ള്‍ പു​നഃ​സ്ഥാ​പി​ക്ക​ണ​മെ​ന്നും കാ​ൽ​ന​ട​യാ​ത്ര​ക്കാ​ർ​ക്കു സു​ര​ക്ഷി​ത​യാ​ത്ര ഒ​രു​ക്ക​ണ​മെ​ന്നു​മു​ള്ള ആ​വ​ശ്യം ശ​ക്ത​മാ​യി.