മീഡിയ സെന്‍റര്‍ പ്രവര്‍ത്തനമാരംഭിച്ചു
1479402
Saturday, November 16, 2024 5:03 AM IST
ആലപ്പുഴ: സെന്‍റ്ജോസഫ്സ് എച്ച്എസ്എസില്‍ മീഡിയ സെന്‍റര്‍ പ്രവര്‍ത്തനമാരംഭിച്ചു. ആലപ്പുഴ ഡിവൈഎസ്പി എം. ആര്‍. മധുബാബു ഉദ്ഘാടനം ചെയ്തു. തുടര്‍ന്ന് മുതിര്‍ന്ന ഫോട്ടോഗ്രാഫര്‍ പി. മോഹനന് ഡിവൈഎസ്പി മധുരം നല്‍കി.
ജില്ലാ പഞ്ചായത്തംഗം ആര്‍. റിയാസ്, മീഡിയ കമ്മിറ്റി ചെയര്‍മാന്‍ നസീര്‍ പുന്നയ്ക്കല്‍, കണ്‍വീനര്‍ ടി. ഫൈസല്‍, കമ്മറ്റി അംഗങ്ങള്‍, മാധ്യമ പ്രവര്‍ത്തകര്‍, അധ്യാപകര്‍, വിവിധ വകുപ്പുകളിലെ ഉദ്യോഗസ്ഥര് എന്നിവര്‍ പങ്കെടുത്തു.
ശാസ്ത്രോത്സവം സംബന്ധിച്ച മികച്ച കവറേജിന് ദൃശ്യ, അച്ചടി മാധ്യമ വിഭാഗങ്ങളില്‍ പുരസ്‌കാരം നല്‍കുമെന്ന് മീഡിയ കമ്മിറ്റി ചെയര്‍മാന്‍ നസീര്‍ പുന്നയ്ക്കല്‍ പറഞ്ഞു.
മേളയില്‍ കേട്ടത്...
ഭക്ഷണത്തിനായി ഞങ്ങളെ ഇട്ട് അങ്ങോട്ടും ഇങ്ങോട്ടും ഓടിക്കരുതേ... ഒരു രക്ഷാകര്‍ത്താവിനോട് കുശലം ചോദിച്ചപ്പോള്‍ പറഞ്ഞതാണ്. ലിയോ തേര്‍ട്ടീന്ത് ഹയര്‍ സെക്കന്‍ഡറി സ്‌കൂളില്‍ ക്വിസ് മത്സരത്തിനിടയിലാണ് സംഭവം. പാലക്കാടുനിന്നുവന്ന മത്സരാര്‍ഥിക്ക് ഭക്ഷണത്തിനായി ടോക്കണ്‍ വാങ്ങാന്‍ ലജ്നത്തുല്‍ സ്‌കൂളിലേക്കു പോകണം. മത്സരാര്‍ഥിയാണ്.
ദൂരെയുള്ള ജില്ലയില്‍നിന്നു പാടുപെട്ട് എത്തിയതാണ്. ഒന്നാമത് സ്ഥലപരിചയം അത്ര ഇല്ല, മത്സരം തുടങ്ങാറുമായി. മത്സരാര്‍ഥി അവസാനം വെള്ളം മാത്രം കുടിച്ച് മത്സരത്തില്‍ പങ്കെടുത്തുവത്രെ.