ക​ല്ലു​വാ​തു​ക്ക​ൽ ഹോ​ മി​യോ ആ​ശു​പ​ത്രി​യി​ൽ ഡോ​ ക്ട​ർ ഇ​ല്ല
Sunday, June 16, 2024 11:23 PM IST
ചാ​ത്ത​ന്നൂ​ർ: ആ​ശു​പ​ത്രി​യി​ലുണ്ടാ​യി​രു​ന്ന ഏ​ക ഡോ​ക്ട​ർ നീ​ണ്ട അ​വ​ധി​യി​ൽ പ്ര​വേ​ശി​ച്ച​തോ​ടെ, ക​ല്ലു​വാ​തു​ക്ക​ൽ ഗ്രാ​മ​പ​ഞ്ചാ​യ​ത്ത് ഹോ​മി​യോ ആ​ശു​പ​ത്രി​യി​ലെ​ത്തു​ന്ന​വ​ർ വ​ല​യു​ന്നു. പ​ഞ്ചാ​യ​ത്ത് അ​ധി​കൃ​ത​രെ അ​റി​യി​ക്കാ​തെ​യാ​ണ് ഡോ​ക്ട​ർ മു​ങ്ങി​യ​തെ​ന്നും ആ​ക്ഷേ​പ​മു​ണ്ട്.

ദി​വ​സ​വും മു​ന്നൂ​റി​ല​ധി​കം രോ​ഗി​ക​ൾ എ​ത്തി​യി​രു​ന്ന ആ​ശു​പ​ത്രി​യാ​ണി​ത്. പ​ഞ്ചാ​യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ലു​ള്ള​വ​ർ കാ​ൽ​ന​ട​യാ​യും വാ​ഹ​ന​ത്തി​ലും ആ​ശു​പ​ത്രി​യി​ൽ എ​ത്തു​മ്പോ​ഴാ​ണ് ഡോ​ക്ട​ർ ഇ​ല്ലെ​ന്ന​റി​യു​ന്ന​ത്. ക​ല്ലു​വാ​തു​ക്ക​ൽ പ​ഞ്ചാ​യ​ത്തി​ന്‍റെ സ​മീ​പ പ്ര​ദേ​ശ​ങ്ങ​ളി​ൽ നി​ന്നു​ള്ള​വ​രും ഇ​വി​ടെ എ​ത്താ​റു​ണ്ട്. പ്രാ​യ​മാ​യ​വ​രും കു​ട്ടി​ക​ളു​മാ​ണ് ഏ​റെ​യും.

മു​മ്പ് ഇ​വി​ടെ സേ​വ​നം അ​നു​ഷ്ഠി​ച്ചി​രു​ന്ന ഡോ​ക്ട​ർ​മാ​ർ ജ​ന​കീ​യ​രാ​യി​രു​ന്നു. അ​തി​നാ​ലാ​ണ് കൂ​ടു​ത​ൽ​പേ​ർ ഇ​വി​ടേ​ക്ക് എ​ത്തി​ത്തു​ട​ങ്ങി​യ​ത്.

ഇ​പ്പോ​ൾ ആ​ഴ്ച​ക​ളാ​യി ഒ​രു ഫാ​ർ​മ​സി​സ്റ്റി​ന്‍റെ സേ​വ​നം മാ​ത്ര​മാ​ണ് ല​ഭി​ക്കു​ന്ന​ത്.​ ക​ല്ലു​വാ​തു​ക്ക​ൽ ജം​ഗ്ഷ​നി​ൽ നി​ന്ന് ഒ​രു കി​ലോ​മീ​റ്റ​ർ മാ​ത്രം അ​ക​ലെ​യാ​ണ് ഈ ​ആ​ശു​പ​ത്രി. ഗ​സ​റ്റ​ഡ് റാ​ങ്കു​ള്ള ഡോ​ക്ട​റാ​ണെ​ങ്കി​ലും അ​റ്റ​സ്റ്റേ​ഷ​ൻ അ​ത്ര ഇ​ഷ്ട​മു​ള്ള കാ​ര്യ​മ​ല്ലെ​ന്നും പ​രാ​തി​യു​ണ്ട്. ഈ ​ആ​വ​ശ്യ​വു​മാ​യി എ​ത്തു​ന്ന സാ​ധാ​ര​ണ​ക്കാ​രോ​ട് പ​രു​ഷ​മാ​യി പെ​രു​മാ​റു​ന്നു​വെ​ന്ന​തും ര​ഹ​സ്യ​മ​ല്ല. സാ​ധാ​ര​ണ​ക്കാ​രു​ടെ അ​ഭ​യ കേ​ന്ദ്ര​മാ​യ ആ​ശു​പ​ത്രി​യി​ൽ ഉ​ട​ൻ മെ​ഡി​ക്ക​ൽ ഓ​ഫി​സ​രു​ടെ സേ​വ​നം ല​ഭ്യ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

അ​ടി​യ​ന്തി​ര​മാ​യി ഡോ​ക്ട​റു​ടെ സേ​വ​നം ല​ഭ്യ​മാ​ക്ക​ണ​മെ​ന്ന് ക​ല്ലു​വാ​തു​ക്ക​ൽ വി​ക​സ​ന സ​മി​തി ചെ​യ​ർ​മാ​ൻ ക​ല്ലു​വാ​തു​ക്ക​ൽ അ​ജ​യ​കു​മാ​ർ ആ​വ​ശ്യ​പ്പെ​ട്ടു. ധാ​രാ​ളം പ​രാ​തി​ക​ളാ​ണ് ദി​വ​സ​വും ഡോ​ക്ട​ർ​ക്കെ​തി​രെ ല​ഭി​ക്കു​ന്ന​ത്. പ​ക​രം സം​വി​ധാ​നം ഏ​ർ​പ്പെ​ടു​ത്തു​മെ​ന്ന് ക​ല്ലു​വാ​തു​ക്ക​ൽ പ​ഞ്ചാ​യ​ത്ത് വൈ​സ് പ്ര​സി​ഡന്‍റ് പ്ര​തീ​ഷ്കു​മാ​ർ പ​റ​ഞ്ഞു.

Copyright @ 2022 , Rashtra Deepika Ltd.