എ​ട​ക്ക​ര: ഭൂ​മി​ക്ക​ടി​യി​ല്‍ നി​ന്ന് ഉ​ഗ്ര സ്ഫോ​ട​ന ശ​ബ്ദം ഉ​ണ്ടാ​യി​ക്കൊ​ണ്ടി​രി​ക്കു​ന്ന ഉ​പ്പ​ട ആ​ന​ക്ക​ല്ലി​ല്‍ ആ​ശ​ങ്ക​യൊ​ഴി​യാ​തെ ജ​ന​ങ്ങ​ള്‍. ആ​ശ​ങ്ക​പ്പെ​ടേ​ണ്ട​തി​ല്ലെ​ന്ന് ജി​യോ​ള​ജി വി​ഭാ​ഗം പ​റ​യു​ന്നു​ണ്ടെ​ങ്കി​ലും ക​ഴി​ഞ്ഞ ദി​വ​സം ഉ​ണ്ടാ​യ സ്ഫോ​ട​ന ശ​ബ്ദ​ങ്ങ​ള്‍ ജ​ന​ങ്ങ​ളെ ഭ​യാ​ശ​ങ്ക​യി​ലാ​ഴ്ത്തി​യി​രി​ക്കു​ക​യാ​ണ്. നേ​ര​ത്തെ മൂ​ന്ന് ത​വ​ണ മേ​ഖ​ല​യി​ല്‍ സ്ഫോ​ട​ന ശ​ബ്ദ​മു​ണ്ട​യ​പ്പോ​ള്‍ കൂ​ടു​ത​ല്‍ ആ​ളു​ക​ള്‍ ഇ​ക്കാ​ര്യം അ​റി​ഞ്ഞ​തേ​യി​ല്ല.

എ​ന്നാ​ല്‍ ചൊ​വ്വാ​ഴ്ച വ​ന്‍ സ്ഫോ​ട​ന ശ​ബ​ദ​മു​ണ്ടാ​വു​ക​യും വീ​ടു​ക​ള്‍ പ്ര​ക​മ്പ​നം കൊ​ള്ളു​ക​യും ചെ​യ്ത​തോ​ടെ എ​ല്ലാ​വ​രും ഭീ​തി​യി​ലാ​യി. രാ​ത്രി 9.15നാ​ണ് ആ​ദ്യ​ശ​ബ്ദ​മു​ണ്ടാ​യ​ത്. തു​ട​രെ ചെ​റു ശ​ബ്ദ​ങ്ങ​ള്‍ ഉ​ണ്ടാ​യി. എ​ന്നാ​ല്‍ 10.45 ഓ​ടെ വ​ലി​യ സ്ഫോ​ട​ന ശ​ബ്ദ​മു​ണ്ടാ​യി. ഇ​തോ​ടെ വീ​ടു​ക​ളി​ല്‍ നി​ന്ന് ആ​ളു​ക​ള്‍ കൂ​ട്ട നി​ല​വി​ളി​യോ​ടെ ഇ​റ​ങ്ങി​യോ​ടി. മൂ​ന്ന് കി​ലോ​മീ​റ്റ​ര്‍ അ​ക​ലെ വ​രെ​യു​ള്ള വീ​ടു​ക​ളും കെ​ട്ടി​ട​ങ്ങ​ളും പ്ര​ക​മ്പ​ന​ത്തി​ല്‍ വി​റ​ച്ചു. നേ​രം പു​ല​രു​വോ​ളം സ്ഫോ​ട​ന ശ​ബ്ദം തു​ട​ര്‍​ന്നു.

വി​വ​ര​മ​റി​ഞ്ഞ് പോ​ത്തു​ക​ല്‍ വി​ല്ലേ​ജ് അ​ധി​കൃ​ത​രും പോ​ലീ​സും ജ​ന​പ്ര​തി​നി​ധി​ക​ളും സ്ഥ​ല​ത്തെ​ത്തി ജ​ന​ങ്ങ​ളെ ഞെ​ട്ടി​ക്കു​ളം എ​യു​പി സ്കൂ​ളി​ലെ ക്യാ​മ്പി​ലേ​ക്ക് മാ​റ്റി. 2019ല്‍ ​ക​വ​ള​പ്പാ​റ മു​ത്ത​പ്പ​ന്‍​കു​ന്നി​ല്‍ ഉ​ണ്ടാ​യ ഉ​രു​ള്‍​പൊ​ട്ട​ല്‍ ദു​ര​ന്തം നേ​രി​ട്ട​റി​ഞ്ഞ ജ​ന​ങ്ങ​ള്‍ വീ​ടു​ക​ള്‍ ഒ​ഴി​ഞ്ഞ് ക്യാ​മ്പി​ലേ​ക്ക് മാ​റി. മി​ക്ക കു​ടും​ബ​ങ്ങ​ളി​ലെ വ​യോ​ധി​ക​രെ​യും രോ​ഗി​ക​ളെ​യും ദൂ​ര​ത്തു​ള്ള ബ​ന്ധു​വീ​ടു​ക​ളി​ലേ​ക്ക് മാ​റ്റി.

പ്ര​ദേ​ശ​ത്ത് ത​ങ്ങി​യ​വ​ര്‍ നേ​രം പു​ല​രു​വോ​ളം വീ​ടു​ക​ള്‍​ക്ക് പു​റ​ത്ത് പേ​ടി​യോ​ടെ ഉ​റ​ങ്ങാ​തെ നേ​രം വെ​ളു​പ്പി​ച്ചു. ജീ​വി​ത​ത്തി​ല്‍ ഒ​രി​ക്ക​ലും ഉ​ണ്ടാ​കാ​ത്ത ദു​ര​നു​ഭ​വ​ങ്ങ​ളി​ലൂ​ടെ​യാ​ണ് ആ​ന​ക്ക​ല്ലി​ലെ ജ​ന​ങ്ങ​ള്‍ ചൊ​വ്വാ​ഴ്ച രാ​ത്രി ക​ട​ന്നു​പേ​യ​ത്. ജ​ന​ങ്ങ​ള്‍ ഭ​യ​പ്പെ​ടേ​ണ്ട​തി​ല്ലെ​ന്ന ജി​യോ​ള​ജി അ​ധി​കൃ​ത​രു​ടെ ഉ​റ​പ്പി​നെ​ത്തു​ട​ര്‍​ന്ന് ക്യാ​മ്പി​ലു​ള്ള​വ​ര്‍ ഇ​ന്ന​ലെ രാ​വി​ലെ സ്വ​ന്തം വീ​ടു​ക​ളി​ലേ​ക്ക് മ​ട​ങ്ങി​യെ​ങ്കി​ലും അ​വ​രു​ടെ ആ​ശ​ങ്ക​ക​ള്‍ ഒ​ഴി​ഞ്ഞി​ട്ടി​ല്ല.

സ്ഫോ​ട​ന ശ​ബ്ദം അ​പ​ക​ട​ക​ര​മ​ല്ലെ​ന്ന്

എ​ട​ക്ക​ര: ഉ​പ്പ​ട ആ​ന​ക്ക​ല്ലി​ല്‍ ഭൂ​മി​ക്ക​ടി​യി​ല്‍ നി​ന്നു​ണ്ടാ​കു​ന്ന സ്ഫോ​ട​ന ശ​ബ്ദം അ​പ​ക​ട​ക​ര​മ​ല്ലെ​ന്ന് ദേ​ശീ​യ ദു​ര​ന്ത നി​വാ​ര​ണ അ​ഥോ​റി​റ്റി അ​ധി​കൃ​ത​ര്‍. അ​ഥോ​റി​റ്റി മെം​ബ​ര്‍ സെ​ക്ര​ട്ട​റി ശേ​ഖ​ര്‍ കു​ര്യാ​ക്കോ​സി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍​ന്ന യോ​ഗ​ത്തി​ലാ​ണ് ഇ​ക്കാ​ര്യം വി​ല​യി​രു​ത്തി​യ​ത്. ജി​ല്ലാ ക​ള​ക്ട​ര്‍, ജി​യോ​ള​ജി വി​ഭാ​ഗം, ഹൈ​ഡ്രോ​ള​ജി വി​ഭാ​ഗം ഉ​ദ്യോ​ഗ​സ്ഥ​ര്‍, പോ​ത്തു​ക​ല്‍ പ​ഞ്ചാ​യ​ത്ത് സെ​ക്ര​ട്ട​റി, വി​ല്ലേ​ജ് ഓ​ഫീ​സ​ര്‍ എ​ന്നി​വ​രാ​ണ് യോ​ഗ​ത്തി​ലു​ണ്ടാ​യി​രു​ന്ന​ത്.

ജി​യോ​ള​ജി, ഹൈ​ഡ്രോ​ള​ജി വി​ഭാ​ഗ​ങ്ങ​ള്‍ സ്ഥ​ല​പ​രി​ശോ​ധ​ന ന​ട​ത്തി ത​യാ​റാ​ക്കി സ​മ​ര്‍​പ്പി​ച്ച റി​പ്പോ​ര്‍​ട്ടി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു യോ​ഗം. ഭൂ​മി​ക്ക​ടി​യി​ലെ പാ​റ​ക​ള്‍ തെ​ന്നി മാ​റു​മ്പോ​ഴു​ണ്ടാ​കു​ന്ന മ​ര്‍​ദം പു​റ​ന്ത​ള്ളു​മ്പോ​ഴാ​ണ് സ്ഫോ​ട​ന ശ​ബ്ദ​മു​ണ്ടാ​കു​ന്ന​തെ​ന്നും ജ​ന​ങ്ങ​ള്‍ ആ​ശ​ങ്ക​പ്പെ​ടേ​ണ്ട​തി​ല്ലെ​ന്നും അ​ധി​കൃ​ത​ര്‍ അ​റി​യി​ച്ചു. ഇ​തൊ​രു സ്വാ​ഭാ​വി​ക പ്ര​തി​ഭാ​സം മാ​ത്ര​മാ​ണ്. കേ​ര​ള​ത്തി​ല്‍ പ​ല​യി​ട​ത്തും ഈ ​പ്ര​തി​ഭാ​സ​മു​ണ്ടാ​യി​ട്ടു​ണ്ട്. സ്ഫോ​ട​ന ശ​ബ്ദ​ത്തെ​ത്തു​ട​ര്‍​ന്ന് വീ​ടു​ക​ളു​ടെ ത​റ​യി​ലും ഭി​ത്തി​യി​ലും ഉ​ണ്ടാ​യി​ട്ടു​ള്ള വി​ള്ള​ലു​ക​ള്‍ നേ​രി​യ തോ​തി​ലു​ള്ള​താ​ണ്.

പാ​റ​ക​ള്‍ തെ​ന്നി​മാ​റി​യ​പ്പോ​ള്‍ ഭൂ​മി​ക്കു​ണ്ടാ​യ വ്യ​തി​യാ​ന​മാ​ണ് വി​ള്ള​ലു​ക​ളാ​യി കാ​ണ​പ്പെ​ട്ട​ത്. ഭ​യാ​ന​ക​മാ​യ സാ​ഹ​ച​ര്യം ഉ​ണ്ടാ​വു​ക​യാ​ണെ​ങ്കി​ല്‍ റ​വ​ന്യു അ​ധി​കൃ​ത​രെ വി​വ​ര​മ​റി​യി​ക്കു​ക​യും സ​മീ​പ​ത്തു​ള്ള ക്യാ​മ്പു​ക​ളി​ലേ​ക്ക് മാ​റി​താ​മ​സി​ക്കു​ക​യും വേ​ണ​മെ​ന്ന് അ​ധി​കൃ​ത​ര്‍ അ​റി​യി​ച്ചു. ദേ​ശീ​യ ദു​ര​ന്ത നി​വാ​ര​ണ അ​ഥോ​റി​റ്റി, മേ​ഖ​ല​യി​ല്‍ വി​ശ​ദ​മാ​യ​പ​ഠ​നം ന​ട​ത്തും. ജി​ല്ലാ ക​ള​ക്ട​ര്‍ വി.​ആ​ര്‍. വി​നോ​ദ് ഇ​ന്ന് സം​ഭ​വ സ്ഥ​ലം സ​ന്ദ​ര്‍​ശി​ക്കും.