കരട് വോട്ടർ പട്ടിക പ്രസിദ്ധീകരിച്ചു
1478711
Wednesday, November 13, 2024 5:38 AM IST
കോട്ടയം: പ്രത്യേക സംക്ഷിപ്ത വോട്ടര്‍ പട്ടിക പുതുക്കല്‍ യജ്ഞം 2025 ന്‍റെ ഭാഗമായി കരട് വോട്ടര്‍ പട്ടിക പ്രസിദ്ധീകരിച്ചു. വില്ലേജ് ഓഫീസ്, താലൂക്ക് ഓഫീസ് എന്നിവിടങ്ങളിലോ ഓണ്‍ലൈനിലോ (ceo.kerala. gov.in) അതത് പോളിംഗ് സ്റ്റേഷനുകളിലെ ബില്‍ഒമാര്‍ മുഖേനയോ പൊതുജനങ്ങള്‍ക്കു പരിശോധിക്കാം.
വോട്ടര്‍പട്ടികയില്‍ പേരു ചേര്‍ക്കുന്നതിനും തിരുത്തലുകള്‍ വരുത്തുന്നതിനും മരണപ്പെട്ടവരെയും സ്ഥിരതാമസമല്ലാത്തവരെയും വോട്ടര്‍ പട്ടികയില്‍നിന്ന് ഒഴിവാക്കുന്നതിനും 28 വരെ അവസരമുണ്ട്.
തെരഞ്ഞെടുപ്പ് കമ്മീഷന്‍റെ voters.eci. gov.in എന്ന വെബ് സൈറ്റിലൂടെയും Voter Help line എന്ന മൊബൈല്‍ ആപ്ലിക്കേഷനിലൂടെയും ഓണ്‍ലൈനായി അപേക്ഷ സമര്‍പ്പിക്കാം. അതത് ബൂത്തിലെ ബിഎല്‍ഒമാര്‍ മുഖേനയും അപേക്ഷിക്കാം.
പാര്‍ലമെന്‍റ്, നിയമസഭാ തെരഞ്ഞെടുപ്പുകള്‍ക്കും തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിനും രണ്ട് വോട്ടര്‍ പട്ടിക ഉപയോഗിക്കുന്നതിനാല്‍ രണ്ടുപട്ടികയിലും പേര് ഉള്‍പ്പെട്ടിട്ടുണ്ടെന്ന് വോട്ടര്‍മാര്‍ പ്രത്യേകം ഉറപ്പാക്കണം.