സ്വാന്തനസ്പര്‍ശവുമായി കൊച്ചിന്‍ ഷിപ്പിയാര്‍ഡ് അസീസി ആശാ ഭവനില്‍
1479082
Thursday, November 14, 2024 7:17 AM IST
കടുത്തുരുത്തി: കൊച്ചി കപ്പല്‍ശാലയുടെ സിഎസ്ആര്‍ പദ്ധതിയുടെ ഭാഗമായി തലയോലപ്പറമ്പ് അസീസി ആശാഭവന്‍ സ്‌പെഷല്‍ സ്‌കൂളിന് ബസ് വാങ്ങി നല്‍കും. ഇതിനുള്ള കരാറില്‍ കൊച്ചി കപ്പല്‍ശാല സി എസ്ആര്‍ വിഭാഗം മേധാവി പി.എന്‍. സമ്പത്കുമാറും അസീസി ആശാഭവന്‍ സൊസൈറ്റി പ്രസിഡന്‍റ് സിസ്റ്റര്‍ രൂപ ഫ്രാന്‍സിസും ചേര്‍ന്ന് ഒപ്പ് വച്ചു.
യോഗത്തില്‍ അസീസി ആശാഭവന്‍ സ്‌കൂളിനെ പ്രതിനിധീകരിച്ചു പ്രിന്‍സിപ്പല്‍ സിസ്റ്റര്‍ റോസിറ്റ ഫ്രാന്‍സിസ്, ഹൗസിംഗ് ബോര്‍ഡ് മെംബര്‍ സുബാഷ് പുഞ്ചക്കോട്ടില്‍, കൊച്ചി കപ്പല്‍ശാല സീനിയര്‍ മാനേജര്‍ (എച്ച്ആര്‍) ആര്‍.കീര്‍ത്തി,
സിഎസ്ആര്‍ മാനേജര്‍മാരായ പി.എസ്. ശശീന്ദ്രദാസ്, എ.കെ. യൂസഫ് എന്നിവര്‍ പങ്കെടുത്തു. സ്‌കൂള്‍ ബസ് വാങ്ങുന്നതിനായി കൊച്ചി കപ്പല്‍ശാല 20 ലക്ഷം രൂപയാണ് അനുവദിച്ചത്.