അവാര്‍ഡുകള്‍ വാരിക്കൂട്ടി പെരിന്തല്‍മണ്ണ ഐഎംഎ
1478437
Tuesday, November 12, 2024 6:22 AM IST
പെരിന്തല്‍മണ്ണ: തൃശൂര്‍ ലുലു കണ്‍വന്‍ഷന്‍ സെന്‍ററില്‍ നടന്ന സംസ്ഥാന സമ്മേളനത്തില്‍ ഇന്ത്യന്‍ മെഡിക്കല്‍ അസോസിയേഷന്‍ (ഐഎംഎ) സംസ്ഥാന ഘടകത്തിന്‍റെ 28 അവാര്‍ഡുകള്‍ വാരിക്കൂട്ടി പെരിന്തല്‍മണ്ണ ഐഎംഎ. സംസ്ഥാനത്തെ ഏറ്റവും മികച്ച ബ്രാഞ്ചായി തെരഞ്ഞെടുക്കപ്പെട്ട പെരിന്തല്‍മണ്ണ ഐഎംഎ എസ്.എസ്. റാവു റോളിംഗ് ട്രോഫിയും നേടി.
വിമന്‍സ് വിംഗ് ഐഎംഎയുടെ ഏറ്റവും മികച്ച മൂന്നാമത്തെ ബ്രാഞ്ച് പെരിന്തല്‍മണ്ണയാണ്. ഏറ്റവും കൂടുതല്‍ മെന്പര്‍മാരെ ചേര്‍ത്ത ബ്രാഞ്ചിനുള്ള മൂന്നു അവാര്‍ഡുകളും പെരിന്തല്‍മണ്ണ നേടി. മികച്ച ബ്രാഞ്ച് പ്രസിഡന്‍റിനുള്ള അവാര്‍ഡ് ഡോ.ഷാജി അബ്ദുള്‍ ഗഫൂര്‍, മികച്ച സെക്രട്ടറിക്കുള്ള അവാര്‍ഡ് ഡോ.കെ.ബി. ജലീല്‍ എന്നിവര്‍ സ്വന്തമാക്കി. ഹൃദയ പുനരുജ്ജീവന പരിശീലന പ്രവര്‍ത്തനങ്ങള്‍ക്കുള്ള അവാര്‍ഡും വയോജനങ്ങളുടെ ആരോഗ്യക്ഷേമകാര്യ പ്രവര്‍ത്തന മികവിനുള്ള അവാര്‍ഡും പെരിന്തല്‍മണ്ണ നേടി.
ഐഎംഎയുടെ വിവിധ മേഖലകളില്‍ മികച്ച പ്രവര്‍ത്തനം കാഴ്ചവച്ച ഡോക്ടര്‍മാര്‍ക്കുള്ള പ്രസിഡന്‍റിന്‍റെ പ്രോത്സാഹന അവാര്‍ഡുകള്‍ ഡോ.വി.യു. സീതി, ഡോ.കെ.എ. സീതി, ഡോ.സാമുവല്‍ കോശി, ഡോ. കൊച്ചു. എസ്. മണി, ഡോ.കെ.ബി. ജയകൃഷ്ണന്‍, ഡോ.ഷറഫുദ്ദീന്‍, ഡോ. ആഷിഷ് എം.നായര്‍, ഡോ.എ.വി.ജയകൃഷ്ണന്‍, ഡോ. നിളാര്‍ മുഹമ്മദ്, ഡോ. ഷാജു മാത്യൂസ്, ഡോ.പി.ശശിധരന്‍, ഡോ. ഹേമ ശശിധരന്‍, ഡോ. എം. നിഷ, ഡോ.സുകുമാരന്‍, ഡോ. ജ്ഞാനദാസ് എന്നിവര്‍ കരസ്ഥമാക്കി. അവാര്‍ഡുകള്‍ ഡോ.ഷാജി, ഡോ. ജലീല്‍, ഡോ.സിസ്റ്റര്‍ ഡൊമിനിക്, ഡോ. സന്തോഷ്കുമാര്‍, ഡോ. സുജിത് എസ്. നായര്‍, ഡോ. ഷംജിത്ത്, ഡോ. കൃഷ്ണദാസ് എളേടത്ത് എന്നിവര്‍ സംസ്ഥാന സമ്മേളനത്തില്‍ അവാര്‍ഡുകള്‍ ഏറ്റുവാങ്ങി.