വണ്ടൂര്‍ ഉപജില്ലാ കലോത്സവം സമാപിച്ചു
1477962
Sunday, November 10, 2024 6:30 AM IST
വണ്ടൂര്‍: വണ്ടൂര്‍ വിഎംസി ഹയര്‍ സെക്കന്‍ഡറി സ്കൂളില്‍ നടന്ന ഉപജില്ലാ സ്കൂള്‍ കലോത്സവത്തിന് കൊടിയിറങ്ങി. സമാപന സമ്മേളനം വണ്ടൂര്‍ സിഐ കെ. സലീം ഉദ്ഘാടനം ചെയ്തു. സംസ്ഥാന അധ്യാപക അവാര്‍ഡ് ജേതാവ് മുജീബ്, കലോത്സവ ലോഗോ ഡിസൈന്‍ ചെയ്ത ബൈജു മാസ്റ്റര്‍, കലോത്സവത്തിന് ഭക്ഷണമൊരുക്കിയ രാജേഷ് കുമ്മാളി തുടങ്ങിയവരെ ചടങ്ങില്‍ അനുമോദിച്ചു.
ഓവറോള്‍ ജേതാക്കള്‍: എല്‍പി വിഭാഗത്തില്‍ എഎംഎല്‍പിഎസ് തിരുവാലി (59 പോയിന്‍റ്) ഒന്നാം സ്ഥാനവും ജിഎല്‍പിഎസ് തിരുവാലി, ജിഎല്‍പിഎസ് തുവൂര്‍ (57 പോയിന്‍റ്) എന്നിവര്‍ രണ്ടാം സ്ഥാനം പങ്കിട്ടു. ജിഎല്‍പിഎസ് തരിശ് (56 പോയിന്‍റ്) മൂന്നാം സ്ഥാനം നേടി.
യുപി വിഭാഗത്തില്‍ എസ്‌വിഎയുപിഎസ് കാപ്പില്‍, യുസിഎന്‍എന്‍എം, എയുപിഎസ് പോരൂര്‍ (80 പോയിന്‍റ്) എന്നിവര്‍ ഒന്നാം സ്ഥാനം പങ്കിട്ടു. വണ്ടൂര്‍ ഗുരുകുലം വിദ്യാനികേതന്‍ രണ്ടാം സ്ഥാനവും (78 പോയിന്‍റ്) ജിഎച്ച്എസ്എസ് തിരുവാലി (76 പോയന്‍റ്) മൂന്നാം സ്ഥാനവും നേടി.
ഹൈസ്കൂള്‍, വിഭാഗത്തില്‍ വിഎംസിജിഎച്ച്എസ്എസ് ഒന്നാം സ്ഥാനവും (225 പോയിന്‍റ്) സിഎച്ച്എസ്എസ് അടക്കാക്കുണ്ട് (194 പോയിന്‍റ്) രണ്ടാം സ്ഥാനവും ജിജിവിഎച്ച്എസ്എസ് വണ്ടൂര്‍ (162 പോയിന്‍റ്) മൂന്നാം സ്ഥാനവും നേടി.
ഹയര്‍സെക്കന്‍ഡറി വിഭാഗത്തില്‍ വിഎംസിജിഎച്ച്എസ്എസ് വണ്ടൂര്‍ ഒന്നാം സ്ഥാനവും (272 പോയിന്‍റ്) സിഎച്ച്എസ്എസ് അടക്കാക്കുണ്ട് രണ്ടാം സ്ഥാനവും (216 പോയിന്‍റ്) ജിജിവിഎച്ച്എസ്എസ് വണ്ടൂര്‍ (163 പോയിന്‍റ്) മൂന്നാം സ്ഥാനവും കരസ്ഥമാക്കി. പിടിഎ പ്രസിഡന്‍റ് എ.കെ ശിഹാബുദീന്‍ അധ്യക്ഷത വഹിച്ചു. പ്രമുഖര്‍ പങ്കെടുത്തു.