ചീ​റി​പ്പാ​ഞ്ഞ് വാ​ഹ​ന​ങ്ങ​ൾ : ന​ഗ​ര​ത്തി​ലെ സീ​ബ്രാ​ലൈ​നി​ൽ യാ​ത്ര​ക്കാ​രു​ടെ നെ​ഞ്ചി​ടി​ക്കും
Saturday, June 29, 2024 3:37 AM IST
തൊ​ടു​പു​ഴ: ന​ഗ​ര​ത്തി​ലെ പാ​ത​ക​ളി​ലെ സീ​ബ്രാ​ലൈ​നു​ക​ളി​ലൂ​ടെ കാ​ൽ​ന​ട യാ​ത്ര​ക്കാ​രു​ടെ സ​ഞ്ചാ​രം ജീ​വ​ൻ പ​ണ​യം വ​ച്ച്. പാ​ത മു​റി​ച്ചു ക​ട​ക്കേ​ണ്ടി വ​രു​ന്പോ​ൾ കാ​ൽ​ന​ട​യാ​ത്ര​ക്കാ​ർ​ക്ക്സീ​ബ്രാലൈ​നു​ക​ളി​ൽ മു​ൻ​ഗ​ണ​ന ന​ൽ​ക​ണ​മെ​ന്നാ​ണ് മോ​ട്ടോ​ർ​വാ​ഹ​ന നി​യ​മം. എ​ന്നാ​ൽ റോ​ഡി​ലെ വെ​ള്ള​വ​ര​ക​ൾ ക​ണ​ക്കി​ലെ​ടു​ക്കാ​തെ ഇ​ട​ത​ട​വി​ല്ലാ​തെ ചീ​റി​പ്പാ​യു​ന്ന വാ​ഹ​ന​ങ്ങ​ൾ​ക്കി​ട​യി​ലൂ​ടെ യാ​ത്ര​ക്കാ​ർ നെ​ഞ്ചി​ൽ തീ​യു​മാ​യാ​ണ് സീ​ബ്രാലൈ​നി​ലൂ​ടെ റോ​ഡ് മു​റി​ച്ചു ക​ട​ക്കു​ന്ന​ത്.

തൊ​ടു​പു​ഴ ന​ഗ​ര​ത്തി​ൽ ഏ​റെ തി​ര​ക്ക​നു​ഭ​വ​പ്പെ​ടു​ന്ന ഗാ​ന്ധി​ സ്ക്വ​യ​റി​ലും കെഎ​സ്ആ​ർ​ടി​സി ജം​ഗ്ഷ​നി​ലും സി​വി​ൽ സ്റ്റേ​ഷ​നു മു​ന്നി​ലും വി​ദ്യാ​ർ​ഥി​ക​ൾ അ​ട​ക്ക​മു​ള്ള കാ​ൽ​ന​ട​യാ​ത്രി​ക​ർ റോ​ഡ് മു​റി​ച്ചു ക​ട​ക്കു​ന്ന​ത് ഏ​റെ പ​ണി​പ്പെ​ട്ടാ​ണ്.

ഗാ​ന്ധി സ്ക്വ​യ​റി​ൽ ഇ​ന്ന​ലെ രാ​വി​ലെ സീ​ബ്രാലൈ​നി​ലൂ​ടെ റോ​ഡ് മു​റി​ച്ചു ക​ട​ന്ന യാ​ത്ര​ക്കാ​ര​നെ അ​മി​ത വേ​ഗ​ത്തി​ലെ​ത്തി​യ സ്കൂ​ട്ട​ർ ഇ​ടി​ച്ചു വീ​ഴ്ത്തി. പ​രി​ക്കേ​റ്റ യാ​ത്ര​ക്കാ​ര​നെ ആ​ശു​പ​ത്രി​യി​ൽ കൊ​ണ്ടു പോ​കാ​ൻ പോ​ലും ഇ​ടി​ച്ച​യാ​ൾ ആ​ദ്യം ത​യാ​റാ​യി​ല്ല. എ​ന്നാ​ൽ നാ​ട്ടു​കാ​ർ ഇ​ട​പെ​ട്ട​തോ​ടെ​യാ​ണ് ഇ​ദ്ദേ​ഹ​ത്തെ പി​ന്നീ​ട് ആ​ശു​പ​ത്രി​യി​ലെ​ത്തി​ച്ച​ത്.

റോ​ഡ് കു​റു​കേ ക​ട​ക്കാ​ൻ സീബ്രാ​ലൈ​നി​ലേ​ക്ക് പ്ര​വേ​ശി​ക്കു​ന്ന​വ​ർ അ​മി​ത വേ​ഗ​ത്തി​ൽ പാ​ഞ്ഞെ​ത്തു​ന്ന വാ​ഹ​ന​ങ്ങ​ൾ ക​ണ്ട് ഭ​യ​ന്ന് പി​ൻ​മാ​റേ​ണ്ട ഗ​തി​കേ​ടാ​ണ്. ഇ​ത്ത​ര​ത്തി​ൽ യാ​ത്ര​ക്കാ​ർ മു​ന്നോ​ട്ടും പി​ന്നോ​ട്ടും ഓ​ടി​യാ​ണ് പ​ല​പ്പോ​ഴും അ​പ​ക​ട​ത്തി​ൽനി​ന്നു ര​ക്ഷ​പ്പെ​ടു​ന്ന​ത്. കാ​ൽ​ന​ട​യാ​ത്ര​ക്കാ​ര​ൻ സീ​ബ്രാലൈ​നി​ൽ പ്ര​വേ​ശി​ച്ചു ക​ഴി​ഞ്ഞാ​ൽ അ​യാ​ൾ മ​റു​വ​ശ​ത്തെ​ത്തു​ന്ന​തു വ​രെ ഇ​രു​ഭാ​ഗ​ത്തുനി​ന്നും വ​രു​ന്ന വാ​ഹ​ന​ങ്ങ​ൾ നി​ർ​ത്ത​ണ​മെ​ന്നാ​ണ് നി​യ​മം.

റോ​ഡ് മു​റി​ച്ചു ക​ട​ക്കാ​ൻ കാ​ത്തു നി​ൽ​ക്കു​ന്ന എ​ല്ലാ​വ​രും ക​ട​ന്ന​തി​നു ശേ​ഷം മാ​ത്ര​മേ വാ​ഹ​ന​ങ്ങ​ൾ നീ​ങ്ങിത്തു​ട​ങ്ങാ​വൂ. പ​ക്ഷേ യാ​ത്ര​ക്കാ​ര​ൻ മു​ന്നോ​ട്ടു പോ​കു​ന്ന​തി​ന​നു​സ​രി​ച്ച് സീ​ബ്രാലൈ​നി​ലേ​ക്ക് വാ​ഹ​ന​ങ്ങ​ൾ ക​ട​ന്നുക​യ​റി ഇ​ട​ത​ട​വി​ല്ലാ​തെ സ​ഞ്ച​രി​ക്കാ​ൻ തു​ട​ങ്ങും. ഓ​ട്ടോ​ക​ളും യാ​തൊ​രു നി​യ​ന്ത്ര​ണ​വും ഇ​ല്ലാ​തെ​യാ​ണ് പാ​യു​ന്ന​ത്.

ത​ല​ങ്ങും വി​ല​ങ്ങും ചീ​റി​പ്പാ​യു​ന്ന വാ​ഹ​ന​ങ്ങ​ൾ​ക്കി​ട​യി​ൽപ്പെ​ട്ട് ഇ​ടം​വ​ലം തി​രി​യാ​ൻ ക​ഴി​യാ​തെ സീ​ബ്രാലൈ​നു​ക​ളു​ടെ ന​ടു​വി​ൽ കു​ട്ടി​ക​ള​ട​ക്ക​മു​ള്ള കാ​ൽ​ന​ട​യാ​ത്ര​ക്കാ​ർ പെ​ട്ടു​പോ​കു​ന്ന കാ​ഴ്ച​യും ന​ഗ​ര​ത്തി​ൽ പ​തി​വാ​ണ്.

ഏ​റെ തി​ര​ക്കു​ള്ള സ്ഥ​ല​ങ്ങ​ളി​ലെ​ല്ലാം സീ​ബ്രാ​ലൈ​നു​ക​ൾ ഉ​ണ്ടെ​ങ്കി​ലും ഇ​തൊ​ന്നും ത​ങ്ങ​ളെ ബാ​ധി​ക്കി​ല്ലെ​ന്ന മ​ട്ടി​ലാ​ണ് ഒ​രു വി​ഭാ​ഗം വാ​ഹ​ന​ങ്ങ​ളു​ടെ സ​ഞ്ചാ​രം. ഇ​ത്ത​രം സ്ഥ​ല​ങ്ങ​ളി​ൽ അ​ധി​കൃ​ത​രു​ടെ അ​ടി​യ​ന്ത​ര ശ്ര​ദ്ധ പ​തി​യ​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം. സീ​ബ്രാലൈ​നി​ൽ ശ്ര​ദ്ധി​ക്കാ​ൻ പാ​ത​ക​ളി​ൽ മാ​ർ​ക്കു ചെ​യ്തി​രി​ക്കു​ന്ന സീ​ബ്രാലൈ​നി​ൽ മു​ൻ​ഗ​ണ​ന കാ​ൽ​ന​ട യാ​ത്ര​ക്കാ​ർ​ക്കാ​ണ്. എ​ന്നാ​ൽ അ​ശ്ര​ദ്ധ​മാ​യി റോ​ഡ് ക്രോ​സ് ചെ​യ്യാ​ൻ ശ്ര​മി​ക്ക​രു​ത്.

ഇ​വി​ടെ വ​ച്ച് സം​ഭ​വി​ക്കു​ന്ന അ​പ​ക​ട​ങ്ങ​ളി​ൽ ഡ്രൈ​വ​റു​ടെ തെ​റ്റ് ബോ​ധ്യ​പ്പെ​ട്ടാ​ൽ നി​യ​മ​ലം​ഘ​ന​ത്തി​ന്‍റെ സ്വ​ഭാ​വ​മ​നു​സ​രി​ച്ച് ലൈ​സ​ൻ​സ് റ​ദ്ദാ​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ൾ ഉ​ണ്ടാ​കും. വാ​ഹ​ന​മോ​ടി​ച്ചു വ​രു​ന്ന​യാ​ൾ സീ​ബ്രാലൈ​നി​ൽ യാ​ത്ര​ക്കാ​ർ ക​ട​ക്കു​ന്നു​ണ്ടോ എ​ന്ന് ഉ​റ​പ്പു വ​രു​ത്തി​യ​തി​നു ശേ​ഷം മാ​ത്ര​മേ മു​ന്നോ​ട്ടു പോ​കാ​വൂ.

Copyright @ 2022 , Rashtra Deepika Ltd.