കൊല്ലം: നാലു വർഷ ബിരുദ പ്രോഗ്രാമുകളുടെ രജിസ്ട്രേഷൻ ഫാത്തിമ മാതാ നാഷണൽ കോളജിൽ ആരംഭിച്ചു.
രാജ്യാന്തര, ദേശീയ തലങ്ങളിലെ ഏറ്റവും മികച്ച സര്വകലാശാലകളുടെ കോഴ്സുകള്ക്ക് തുല്യമായ രീതിയിൽ ഓരോ പ്രോഗ്രാമിന്റെയും സിലബസുകള് ചിട്ടപ്പെടുത്തിയിരിക്കുന്നു.
പഠന ശേഷം തൊഴിൽ സാധ്യത കണക്കിലെടുത്ത് കൊമേർഷ്യൽ പ്ലാന്റ്് ് ടിഷ്യൂകൾച്ചർ, ഫോറെൻസിക് ബോട്ടണി, പ്ലാന്റ്ജെനറ്റിക് എൻജിനീയറിങ്ങ്, ഹെർബൽ ടെക്നോളജി, ഫ്ലോറിക്കൾചർ, ഓർഗാനിക് ഫാർമിങ്ങ്, എക്കോ ടൂറിസം, ഹെർബൽ കോസ്മെറ്റിക്സ്, അക്വാട്ടിക് ബോട്ടണി തുടങ്ങി വൈവിദ്ധ്യമാർന്ന നിരവധി വിഷയങ്ങൾ പഠിക്കുവാനുള്ള സൗകര്യം വിദ്യാർഥികൾക്ക് ഒരുക്കുകയാണ് ഫാത്തിമ മാതാ നാഷണൽ കോളജിലെ ബോട്ടണി വിഭാഗം.
ടിഷ്യൂകൾചർ ലാബ്, ബിരുദ, ബിരുദാനന്തര, ഗവേഷക കോഴ്സുകൾക്ക് പ്രത്യേകം ലാബുകൾ, ഫിസിയോളജി ലാബ്, ഡിപ്പാർട്ട്മെന്റ് ഓഫ് ബയോടെക്നോളജി, ഗവൺമെന്റ് ഓഫ് ഇന്ത്യ ഫണ്ട് ഉപയോഗിച്ച് നിർമ്മിച്ച ഇൻസ്ട്രുമെന്റേഷൻ റൂമിൽ കോടികൾ വിലമതിക്കുന്ന ഉപകരണങ്ങൾ റിസർച്ച് ആവശ്യങ്ങൾക്കായി സജ്ജീകരിച്ചിരിക്കുന്നു. നിരവധി സസ്യങ്ങളുടെ കലവറയായ ഹെർബേറിയം, മ്യൂസിയം എന്നിവ പൊതു ജനങ്ങൾക്ക് കാണുവാനുള്ള അവസരവും നൽകിയിരിക്കുന്നു.
ഇവ കൂടാതെ പഠനാനാവശ്യങ്ങൾക്കായി ബോട്ടാണിക് ഗാർഡൻ, ഹെർബൽ ഗാർഡൻ, ബട്ടർഫ്ളൈ ഗാർഡൻ, നക്ഷത്ര വനം, ഫ്രൂട്ട് ഗാർഡൻ എന്നിവയും പരിപാലിച്ചു വരുന്നു.
റിസർച്ച് ഡിപ്പാർട്മെന്റ് ആയതിനാൽ ബോട്ടണി ഡിഗ്രിക്കു ചേരുന്ന വിദ്യാർഥിക്ക് ഗവേഷണം നടത്തി ഡോക്ടറേറ്റ് കരസ്ഥമാക്കാനും ഇവിടെ കഴിയും. പത്തോളം വിദ്യാർഥികൾ നിലവിൽ ഇപ്പോൾ ഇവിടെ ഗവേഷണം നടത്തി വരുന്നു.
എല്ലാ അധ്യാപകരും ഡോക്ടറേറ്റ് ഡിഗ്രി നേടിയവരാണെന്ന പ്രത്യേകതയും ബോട്ടണി ഡിപ്പാർട്മെന്റിനുണ്ട്.
ബോട്ടണി വിഷയത്തിൽ ഡിഗ്രിയും തുടർന്ന് ഗവേഷണം നടത്തി ഡോക്ടറേറ്റ് ഡിഗ്രി കരസ്ഥമാക്കാൻ ആഗ്രഹിക്കുന്നവർക്ക് ഇപ്പോൾ fmnc.ac.in എന്ന വെബ്സൈറ്റിൽ രജിസ്റ്റർ ചെയ്ത് അഡ്മിഷൻ എടുക്കാവുന്നതാണ്. കൂടുതൽ വിവരങ്ങൾക്ക് 0474-2743387 എന്ന നമ്പരിൽ ബന്ധപ്പെടുക.