ഉ​ന്ന​ത വി​ജ​യി​ക​ൾ​ക്ക് ദീ​പി​ക​യു​ടെ ആ​ദ​രം
Sunday, June 23, 2024 7:41 AM IST
ധ​ര്‍​മ​ശാ​ല: പ്രൗ​ഢ​ഗം​ഭീ​ര​മാ​യ സ​ദ​സി​നെ സാ​ക്ഷി​യാ​ക്കി ദീ​പി​ക യം​ഗ് ജീ​നി​യ​സ് മീ​റ്റി​ൽ ഉ​ന്ന​ത വി​ജ​യി​ക​ൾ​ക്ക് ആ​ദ​രം. മ​ല​യാ​ള​ത്തി​ലെ പ്ര​ഥ​മ ദി​ന​പ​ത്ര​മാ​യ ദീ​പി​ക​യു​ടെ​യും സാ​ന്‍റാ മോ​ണി​ക്ക സ്റ്റ​ഡി എ​ബ്രോ​ഡി​ന്‍റേ​യും സം​യു​ക്താ​ഭി​മു​ഖ്യ​ത്തി​ലാ​ണ് ക​ണ്ണൂ​ര്‍ -കാ​സ​ര്‍​ഗോ​ഡ് ജി​ല്ല​ക​ളി​ല്‍​നി​ന്ന് എ​സ്എ​സ്എ​ല്‍​സി, പ്ല​സ്ടു പ​രീ​ക്ഷ​ക​ളി​ല്‍ ഉ​ന്ന​ത വി​ജ​യം നേ​ടി​യ വി​ദ്യാ​ര്‍​ഥി​ക​ളെ ആ​ദ​രി​ച്ച​ത്.

ധ​ര്‍​മ​ശാ​ല ല​ക്‌​സോ​ട്ടി​ക്ക ഇ​ന്‍റ​ര്‍​നാ​ഷ​ണ​ല്‍ ക​ണ്‍​വ​ന്‍​ഷ​ന്‍ സെ​ന്‍റ​റി​ല്‍ ത​ല​ശേ​രി ആ​ര്‍​ച്ച്ബി​ഷ​പ് മാ​ര്‍ ജോ​സ​ഫ് പാം​പ്ലാ​നി​യു​ടെ അ​ധ്യ​ക്ഷ​ത​യി​ൽ ക​ണ്ണൂ​ര്‍ സ​ർ​വ​ക​ലാ​ശാ​ല വൈ​സ് ചാ​ന്‍​സ​ല​ര്‍ പ്ര​ഫ.​ഡോ. കെ.​കെ. സാ​ജു ഉ​ദ്ഘാ​ട​നം ചെ​യ്തു. തു​ട​ര്‍​ന്ന് വി​ശി​ഷ്ട വ്യ​ക്തി​ക​ള്‍ ചേ​ർ​ന്ന് തി​രി​തെ​ളി​ച്ചു. പൊ​ടി​ക്ക​ളം മേ​രി​ഗി​രി സീ​നി​യ​ര്‍ സെ​ക്ക​ന്‍​ഡ​റി സ്‌​കൂ​ളി​ലെ കു​ട്ടി​ക​ൾ അ​വ​ത​രി​പ്പി​ച്ച രം​ഗ​പൂ​ജ​യോ​ടെ ച​ട​ങ്ങു​ക​ള്‍​ക്ക് തു​ട​ക്ക​മാ​യി.

നൂ​റു ശ​ത​മാ​നം വി​ജ​യം നേ​ടി​യ സ്‌​കൂ​ളു​ക​ളേ​യും ച​ട​ങ്ങി​ല്‍ ആ​ദ​രി​ച്ചു. എ​ല്ലാ വി​ഷ​യ​ങ്ങ​ള്‍​ക്കും എ ​പ്ല​സ് നേ​ടി​യ വി​ദ്യാ​ര്‍​ഥി​ക​ള്‍​ക്കു​ള്ള മെ​ഡ​ലു​ക​ൾ വി​ശി​ഷ്ടാ​തി​ഥി​ക​ള്‍ സ​മ്മാ​നി​ച്ചു. ക​ണ്ണൂ​ർ കോ​ർ​പ​റേ​ഷ​ൻ മേ​യ​ര്‍ മു​സ്‌​ലി​ഹ് മ​ഠ​ത്തി​ല്‍, ത​ല​ശേ​രി അ​തി​രൂ​പ​ത കോ​ര്‍​പ​റേ​റ്റ് എ​ഡ്യു​ക്കേ​ഷ​ന്‍ ഏ​ജ​ന്‍​സി മാ​നേ​ജ​ര്‍ ഫാ. ​മാ​ത്യു ശാ​സ്താം​പ​ട​വി​ല്‍, രാ​ഷ്‌​ട്ര​ദീ​പി​ക ലി​മി​റ്റ​ഡ് ഡ​യ​റ​ക്ട​ര്‍ ബെ​ന്നി വാ​ഴ​പ്പ​ിള്ളിൽ, സാ​ന്‍റാ​മോ​ണി​ക്ക സീ​നി​യ​ര്‍ റീ​ജി​യ​ണ​ല്‍ മാ​നേ​ജ​ര്‍ ലി​ഷ യോ​ഹ​ന്നാ​ന്‍ എ​ന്നി​വ​ര്‍ ആ​ശം​സ​ക​ള്‍ അ​ര്‍​പ്പി​ച്ചു.

ശ്ര​വ​ണ ഹി​യ​റിം​ഗ് സെ​ന്‍റർ അ​ഡ്മി​നി​സ്‌​ട്രേ​റ്റ​ര്‍ ജി​ന്‍റോ എം.​തോ​മ​സ്, മാ​നേ​ജ​ര്‍ സ​ന്ദീ​പ് ബാ​ല​ന്‍ എ​ന്നി​വ​രും ച​ട​ങ്ങി​ല്‍ സം​ബ​ന്ധി​ച്ചു. ഫെ​ഡാ​ര്‍ സി​ഇ​ഒ ഫാ.നോ​ബി​ള്‍ പാ​റ​യ്ക്ക​ല്‍ ‘ആ​ര്‍​ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍​സ് കാ​ല​ഘ​ട്ട​ത്തി​ലെ ഉ​ന്ന​ത വി​ദ്യാ​ഭ്യാ​സ​രം​ഗം' എ​ന്ന വി​ഷ​യ​ത്തി​ല്‍ ക്ലാ​സെ​ടു​ത്തു. ദീ​പി​ക ക​ണ്ണൂ​ര്‍ യൂ​ണി​റ്റ് റ​സി​ഡ​ന്‍റ് മാ​നേ​ജ​ര്‍ ഫാ. ​മാ​ത്യു വ​ലി​യ​പ​റ​മ്പി​ല്‍ സ്വാ​ഗ​ത​വും മാ​ര്‍​ക്ക​റ്റിം​ഗ് കോ-​ഓ​ര്‍​ഡി​നേ​റ്റ​ര്‍ ഫാ. ​അ​നൂ​പ് ചി​റ്റേ​ട്ട് ന​ന്ദി​യും പ​റ​ഞ്ഞു.

ല​ക്ഷ്യം നേ​ടുംവ​രെ ശ്ര​ദ്ധ കൈ​വി​ട​രു​ത്: പ്ര​ഫ.​ ഡോ. കെ.​കെ. സാ​ജു

‘പോ​യ കാ​ലഘ​ട്ട​ത്തി​ന്‍റെ പ്ര​സ​ക്തി മ​ന​സി​ലാ​ക്കി വി​ദ്യാ​ര്‍​ഥി​ക​ള്‍ മു​ന്നോ​ട്ടു​പോ​ക​ണ​മെ​ന്നും അ​തി​ന് ക​ഴി​യാ​ത്ത​താ​ണ് ഈ ​കാ​ല​ഘ​ട്ടം നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി​യെ​ന്നും ക​ണ്ണൂ​ര്‍ സ​ര്‍​വ​ക​ലാ​ശാ​ല വൈ​സ് ചാ​ൻ​സ​ല​ർ പ്ര​ഫ.​ഡോ. കെ.​കെ. സാ​ജു. ദീ​പി​ക യം​ഗ് ജീ​നി​യ​സ് മീ​റ്റ് ​ഉ​ദ്ഘാ​ട​നം ചെ​യ്തു പ്ര​സം​ഗി​ക്കു​ക​യാ​യി​രു​ന്നു അ​ദ്ദേഹം.

സ്‌​കൂ​ള്‍ ജീ​വി​തം ക​ഴി​ഞ്ഞ് ഉ​ന്ന​ത വി​ദ്യാ​ഭ്യാ​സ​ത്തി​ലേ​ക്ക് ക​ട​ക്കു​മ്പോ​ള്‍ ത​ങ്ങ​ള്‍​ക്ക് ഫ്രീ​ഡം ല​ഭി​ച്ചു​വെ​ന്ന തോ​ന്ന​ല്‍ ഉ​ണ്ടാ​കു​ന്നു. ഇ​ത് വ​ലി​യ കു​ഴ​പ്പ​ങ്ങ​ളി​ല്‍ കൊ​ണ്ടെ​ത്തി​ക്കും. കോ​ള​ജ് ജീ​വി​ത​ത്തി​ലെ ആ​ദ്യ​വ​ര്‍​ഷം ത​ന്നെ അ​തി​പ്ര​ധാ​ന​മാ​ണ്. പ​ല​രും ക​ണ​ക്കു​കൂ​ട്ടു​ന്ന​ത് അ​വ​സാ​ന വ​ര്‍​ഷം പ​ഠി​ക്കാം എ​ന്നു​ള്ള ചി​ന്താ​ഗ​തി​യാ​ണ്.

എ​ന്തി​ലാ​ണോ ന​മ്മ​ള്‍ ല​ക്ഷ്യം വ​യ്ക്കു​ന്ന​ത് അ​തി​ല്‍ എ​ത്തി​ച്ചേ​രു​ന്ന​തു​വ​രെ ശ്ര​ദ്ധ കൈ​വി​ട​രു​ത്. മ​ന​സി​ല്‍ ന​ല്ല ത​യാ​റെ​ടു​പ്പ് ചെ​യ്ത് വേ​ണം മു​ന്നോ​ട്ടു​പോ​കാ​ന്‍. ഇ​ത് ചെ​റു​പ്പ​ത്തി​ലെ കൈ​വ​രി​ക്കാ​ന്‍ പ്ര​ത്യേ​ക ശ്ര​ദ്ധ പ​തി​പ്പി​ക്ക​ണ​മെ​ന്നും വി​സി​പ​റ​ഞ്ഞു. അ​ധ്യാ​പ​ക​ര്‍ ഒ​രു​പാ​ട് ത്യാ​ഗ​ങ്ങ​ള്‍ സ​ഹി​ച്ചാ​ണ് വിദ്യാർഥികളെ ഉ​ന്ന​ത വി​ജ​യ​ത്തി​ല്‍ എ​ത്തി​ക്കുന്ന​ത്. അ​വ​ര്‍ സ്വ​ന്തം മ​ക്ക​ളെ പ​രി​പാ​ലി​ക്കു​ന്ന​തുപോ​ലെ​യാ​ണ് ത​ങ്ങ​ളു​ടെ ശി​ഷ്യ​ഗ​ണ​ങ്ങ​ളെ കാ​ണു​ന്ന​ത്.

ഒ​രോ​രു​ത്ത​രും നേ​ടു​ന്ന വി​ജ​യ​ത്തി​ല്‍ ഏ​റ്റ​വും സ​ന്തോ​ഷി​ക്കു​ന്ന​ത് അ​ധ്യാ​പ​ക​രാ​ണ്. അ​ധ്യാ​പ​ക​രെ പോ​ലെ ത​ന്നെ വി​ജ​യ​ത്തി​ന് പി​ന്നി​ല്‍ പ്ര​വ​ര്‍​ത്തി​ച്ച അ​ന​ധ്യാ​പ​ക​രും ഉ​ണ്ട്. അ​വ​രേ​യും വി​സ്മ​രി​ക്കാ​ന്‍ പാ​ടി​ല്ല. അ​ധ്യാ​പ​ക​രു​ടെ പി​ന്തു​ണ ഉ​ള്ള​തു​കൊ​ണ്ടാ​ണ് ഇ​ന്ന് ഞാ​ന്‍ ക​ണ്ണൂ​ര്‍ സ​ര്‍​വ​ക​ലാ​ശാ​ല​യു​ടെ വൈ​സ് ചാ​ന്‍​സ​ല​റു​ടെ സ്ഥാ​ന​ത്തെ​ത്തി​യ​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി’.

ജീ​വി​ത​യാ​ത്ര​യി​ൽ എ ​പ്ല​സ് നേ​ട​ണം: മാ​ർ ജോ​സ​ഫ് പാം​പ്ലാ​നി

‘പ​ഠ​ന​വി​ഷ​യ​ത്തി​ല്‍ മാ​ത്ര​മ​ല്ല ജീ​വി​ത യാ​ത്ര​യി​ൽ ഉ​ട​നീ​ളം എ ​പ്ല​സ് നേ​ടു​ന്ന​തി​ന് വി​ദ്യാ​ര്‍​ഥി​ക​ള്‍ പ്ര​ത്യേ​കം ജാ​ഗ്ര​ത പു​ല​ര്‍​ത്ത​ണ​മെ​ന്ന് ത​ല​ശേ​രി ആ​ര്‍​ച്ച്ബി​ഷ​പ് മാ​ര്‍ ജോ​സ​ഫ് പാം​പ്ലാ​നി. ദീ​പി​ക യം​ഗ് ജീ​നി​യ​സ് മീ​റ്റി​ൽ അ​ധ്യ​ക്ഷ പ്ര​സം​ഗം ന​ട​ത്തു​ക​യാ​യി​രു​ന്നു ആ​ർ​ച്ച്ബി​ഷ​പ്.

ജീ​വി​ത​ത്തി​ല്‍ സ​മ്പൂ​ര്‍​ണ​ത നേ​ടു​ന്ന​തി​ന് തു​ല്യ​മാ​ണ് എ ​പ്ല​സ്. അ​ത് തു​ട​ര്‍​ന്നും ഉ​ണ്ടാ​ക​ണം. മ​റ്റു​ള്ള​വ​രെ സ്‌​നേ​ഹി​ക്കു​ക​യും അ​വ​രു​ടെ പ്ര​ശ്‌​ന​ങ്ങ​ളി​ല്‍ ഇ​ട​പെ​ടു​ക​യും രാ​ഷ്‌​ട്ര​ത്തെ പ​ടു​ത്തു​യ​ര്‍​ത്തു​ന്ന​തി​ലും നി​ങ്ങ​ൾ ശ്ര​ദ്ധാ​ലു​ക്ക​ളാ​യി​രി​ക്ക​ണം. അ​പ്പോ​ഴാ​ണ് ഫു​ള്‍ എ ​പ്ല​സ് എ​ന്ന് പ​റ​യാ​നാവു​ക​യെ​ന്നും ആ​ർ​ച്ച്ബി​ഷ​പ് ഓ​ര്‍​മി​പ്പി​ച്ചു. പ​ഠ​ന​കാ​ല​ത്ത് ആ​ശ​ങ്ക ഉ​ണ്ടാ​ക​രു​ത്.

അ​ത് ജീ​വി​ത വി​ജ​യ​ത്തി​ന് തി​രി​ച്ച​ടി​യാ​കും. ജീ​വി​ത​ത്തി​ല്‍ ഒ​രു ടൈം ​ടേ​ബി​ള്‍ ഉ​ണ്ടാ​യെ​ങ്കി​ല്‍ മാ​ത്ര​മെ ഉ​ന്ന​ത പ​ട​വു​ക​ള്‍ താ​ണ്ടാ​ന്‍ ക​ഴി​യൂ. ഉ​ന്ന​ത വി​ജ​യ​ത്തി​ന് പ​ഠ​ന​ത്തി​ല്‍ ഒ​രു താ​ളം ഉ​ണ്ടാ​യി​രി​ക്ക​ണം. പ​ഠ​ന​കാ​ല​ത്ത് പ​ല അ​നാ​വ​ശ്യ​കാ​ര്യ​ങ്ങ​ളും ന​മ്മെ പി​ന്തു​ട​രാ​മെ​ങ്കി​ലും അ​തി​നെ​യെ​ല്ലാം അ​തി​ജീ​വി​ച്ച് യ​ഥാ​ര്‍​ഥ ജീ​വി​ത ല​ക്ഷ്യ​ത്തി​നാ​യി​രി​ക്ക​ണം ശ്ര​മ​മെ​ന്നും ആ​ർ​ച്ച്ബി​ഷ​പ് വി​ദ്യാ​ർ​ഥി​ക​ളെ ഓ​ർ​മി​പ്പി​ച്ചു’.

Copyright @ 2022 , Rashtra Deepika Ltd.