1987ൽ അഭിഭാഷകനായി എൻറോൾ ചെയ്ത സ്റ്റാർമർ മനുഷ്യാവകാശ നിയമങ്ങളിലാണ് ശ്രദ്ധ കേന്ദ്രീകരിച്ചത്. ജോലിയുടെ ഭാഗമായി ആഫ്രിക്കയിലേക്കും കരീബിയയിലേക്കും യാത്ര ചെയ്ത സ്റ്റാർമർ, വധശിക്ഷയ്ക്കു വിധിക്കപ്പെട്ട തടവുകാർക്കായി വാദിച്ചു. തൊണ്ണൂറുകളുടെ അവസാനം, കുത്തകഭീമനായ മക്ഡൊണാൾഡ്സിന്റെ പരിസ്ഥിതിചൂഷണ നയങ്ങൾക്കെതിരേ പ്രതിഷേധിച്ചവർക്ക് സൗജന്യ നിയമസഹായം നൽകിയും സ്റ്റാർമർ ശ്രദ്ധ നേടി.
2008ൽ ഇംഗ്ലണ്ടിലെയും വെയിൽസിലെയും ഏറ്റവും മുതിർന്ന ക്രിമിനൽ പ്രോസിക്യൂട്ടർ പദവിയായ ഡയറക്ടർ ഓഫ് പബ്ലിക് പ്രോസിക്യൂഷൻസ് പദവിയിൽ നിയമിക്കപ്പെട്ടു. 2020 മുതൽ പ്രതിപക്ഷ നേതൃസ്ഥാനവും വഹിച്ചു.