പ്രതിരോധനയ വിദഗ്ധൻകൂടിയായ ഇഷിബ നാറ്റോ സൈനിക സഖ്യത്തിന്റെ ഏഷ്യൻ പതിപ്പ് മുന്നോട്ടുവച്ചിട്ടുണ്ട്. ജനപ്രീതി കുറഞ്ഞതു മനസിലാക്കി സ്ഥാനമൊഴിയുന്ന ഇപ്പോഴത്തെ പ്രധാനമന്ത്രി ഫുമിയോ കിഷിദയുടെ സാമ്പത്തിക നയങ്ങൾതന്നെയാവും പിന്തുടരുകയെന്നും അദ്ദേഹം പറഞ്ഞിരുന്നു.
1986ലാണ് ഇഷിബ ആദ്യമായി പാർലമെന്റിലേക്കു തെരഞ്ഞെടുക്കപ്പെട്ടത്. പ്രതിരോധ മന്ത്രിയായും കൃഷി മന്ത്രിയായും പ്രധാന കാബിനറ്റ് സ്ഥാനങ്ങളിലും സേവനമനുഷ്ഠിച്ചിട്ടുണ്ട്, കൂടാതെ, മുൻ പ്രധാനമന്ത്രി ഷിൻസോ ആബെയുടെ കീഴിൽ എൽഡിപി സെക്രട്ടറി ജനറലുമായിരുന്നു.