ചോ​ർ​ന്നൊ​ലി​ക്കു​ന്ന വീ​ട്ടി​ൽ കാരുണ്യം കാത്ത് വ​യോ​ധി​ക ദ​മ്പ​തി​ക​ൾ
Monday, June 24, 2024 5:11 AM IST
പ​റ​വൂ​ർ: വ​ട​ക്കേ​ക്ക​ര പ​ഞ്ചാ​യ​ത്ത് 13-ാം വാ​ർ​ഡി​ൽ 39 വ​ർ​ഷ​മാ​യി ചോ​ർ​ന്നൊ​ലി​ക്കു​ന്ന വീ​ട്ടി​ൽ വ​യോ​ധി​ക ദ​മ്പ​തി​ക​ൾ പ​ഞ്ചാ​യ​ത്തി​ന്‍റെ കാ​രു​ണ്യ​ത്തി​നാ​യി കാ​ത്തി​രി​ക്കു​ന്നു. ഞാ​ലി​യ​ത്ത് വീ​ട്ടി​ൽ അ​ന്ധ​നാ​യ ശ​ശി​യും ഭാ​ര്യ മാ​ല​തി​യു​മാ​ണ് 39 വ​ർ​ഷ​മാ​യി ചോ​ർ​ന്നൊ​ലി​ക്കു​ന്ന വീ​ട്ടി​ൽ താ​മ​സി​ക്കു​ന്ന​ത്. പ്ലാ​സ്റ്റി​ക് ഷീ​റ്റും മ​റു സൈ​ഡി​ൽ പൊ​ട്ടി​പ്പൊ​ളി​ഞ്ഞ അ​ലു​മി​നി​യം ഷീ​റ്റും വി​രി​ച്ച മേ​ൽ​ക്കൂ​ര​യ്ക്ക് താ​ഴെ​യാ​ണ് ഇ​വ​രു​ടെ താ​മ​സം.

ചെ​റി​യൊ​രു മ​ഴ പെ​യ്താ​ൽ വീ​ടി​ന​ക​ത്ത് വെ​ള്ളം ക​യ​റും. തോ​ടി​ന്‍റെ മു​ക​ളി​ൽ മൂ​ന്ന് ചെ​റി​യ കോ​ൺ​ക്രീ​റ്റ് സ്ലാ​ബി​ലൂ​ടെ​യാ​ണ് വീ​ട്ടി​ലേ​ക്കു​ള്ള വ​ഴി. അ​യ​ൽ​വാ​സി​ക​ൾ ത​ങ്ങ​ളു​ടെ സ്ഥ​ലം കൈ​യേ​റി​യ​താ​യും മ​ര​ങ്ങ​ൾ വെ​ട്ടി ന​ശി​പ്പി​ച്ച​താ​യും ഇ​വ​ർ പ​രാ​തി​പ്പെ​ടു​ന്നു. ക​യ​ർ പി​രി​യും വീ​ട്ടു​ജോ​ലി​യു​മാ​യാ​ണ് ജീ​വി​ക്കു​ന്ന​ത്.

രോ​ഗി​ക​ളാ​യ ഇ​രു​വ​ർ​ക്കും നി​ല​വി​ൽ ജോ​ലി​ക്ക് പോ​കാ​ൻ പ​റ്റു​ന്നി​ല്ല. വീ​ടി​നാ​യി വ​ട​ക്കേ​ക്ക​ര പ​ഞ്ചാ​യ​ത്തി​ൽ അ​പേ​ക്ഷ ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. നാ​ട്ടു​കാ​രു​ടെ സ​ഹാ​യ​ത്തി​ലാ​ണ് ഇ​രു​വ​രും ജീ​വി​ക്കു​ന്ന​ത്. മ​ക്ക​ളി​ല്ലാ​ത്ത രോ​ഗി​ക​ളാ​യ വ​യോ​ധി​ക ദ​മ്പ​തി​ക​ൾ പ​ഞ്ചാ​യ​ത്തി​ന്‍റെ കാ​രു​ണ്യ​ത്തി​നാ​യി കാ​ത്തി​രി​ക്കു​ന്നു.

Copyright @ 2022 , Rashtra Deepika Ltd.