സെന്‍റ് സ്റ്റീഫൻസിലും ദേവമാതായിലും നാലുവർഷ ബിരുദ പ്രോഗ്രാമുകൾക്കു തുടക്കം : Deepika.com Nattu Visesham

KOTTAYAM

സെന്‍റ് സ്റ്റീഫൻസിലും ദേവമാതായിലും നാലുവർഷ ബിരുദ പ്രോഗ്രാമുകൾക്കു തുടക്കം

Tuesday, July 2, 2024 11:10 PM IST

കുറവിലങ്ങാട്: ഉഴവൂർ സെന്‍റ് സ്റ്റീഫൻസ്, കുറവിലങ്ങാട് ദേവമാതാ കോളജുകളിൽ നാലുവർഷ ബിരുദ പ്രോഗ്രാമുകൾക്ക് തുടക്കമായി. ബിരുദതലത്തിലേക്ക് പ്രവേശനം നേടിയ വിദ്യാർഥികളും രക്ഷിതാക്കളും അധ്യാപകരും ഒത്തുചേർന്ന സമ്മേളനത്തോടെയാണ് പുതിയ പാഠ്യപദ്ധതിക്കു തുടക്കമായത്.

ഉഴവൂർ സെന്‍റ് സ്റ്റീഫൻസ് കോളജിൽ ഓണേഴ്‌സ് ബിരുദ പ്രോഗ്രാമുകളുടെ ഉദ്ഘാടനവും ബിരുദ സമർപ്പണ ചടങ്ങും നടത്തി. സുപ്രീംകോടതി മുൻ ജഡ്ജി ജസ്റ്റിസ് കുര്യൻ ജോസഫ് ഉദ്ഘാടനം ചെയ്തു. ജീവിക്കുകയും മറ്റുള്ളവരെ ജീവിക്കാൻ സഹായിക്കുകയും ചെയ്യുന്ന മനോഭാവമുണ്ടാകണമെന്നും ഇത് നമ്മുടെ ഉയർച്ചതാഴ്ചകളെ നിർണയിക്കുമെന്നും അദ്ദേഹം പറഞ്ഞു. മാനേജർ ഫാ. ഏബ്രഹാം പറമ്പേട്ട് അധ്യക്ഷത വഹിച്ചു. പ്രിൻസിപ്പൽ ഡോ. സിൻസി ജോസഫ്, ബർസാർ ഫാ. ജിൻസ് നെല്ലിക്കാട്ടിൽ, വൈസ് പ്രിൻസിപ്പൽ ഡോ. കെ.സി. തോമസ് എന്നിവർ പ്രസംഗിച്ചു. സർവകലാശാലാ റാങ്ക് ജേതാവ് കെ. സൂര്യജിത്തിനെയും എ പ്ലസ്, എ ഗ്രേഡ് ജേതാക്കളെയും സമ്മേളനത്തിൽ ആദരിച്ചു.

കുറവിലങ്ങാട് ദേവമാതാ കോളജിൽ നടന്ന സമ്മേളനം മുൻ സംസ്ഥാന വിവരാവകാശ കമ്മീഷണർ ഡോ. കുര്യാസ് കുമ്പളക്കുഴി ഉദ്ഘാടനം ചെയ്തു. കോളജ് ബർസാർ ഫാ. ജോസഫ് മണിയഞ്ചിറ അധ്യക്ഷത വഹിച്ചു. പ്രിൻസിപ്പൽ ഡോ. സുനിൽ സി. മാത്യു, വൈസ് പ്രിൻസിപ്പൽ ഫാ. ഡിനോയ് മാത്യു കവളമ്മാക്കൽ, പഞ്ചായത്ത് പ്രസിഡന്‍റ് മിനി മത്തായി, വാർഡ് മെംബർ ജോയ്സ് അലക്സ്, പിടിഎ വൈസ് പ്രസിഡന്‍റ് ട്രീസാ പി. ജോൺ, പ്രോഗ്രാം കൺവീനർ ഡോ. പ്രിയ ജോസഫ് തുടങ്ങിയവർ പ്രസംഗിച്ചു. ഡോ. ടീന സെബാസ്റ്റ്യൻ ക്ലാസിന് നേതൃത്വം നൽകി.