ഓ​മ​ല്ലൂ​ര്‍: പൂ​ജാ സാ​ധ​ന​ങ്ങ​ൾ വി​ല്‍​ക്കു​ന്ന മൊ​ത്ത വ്യാ​പാ​ര​കേ​ന്ദ്ര​ത്തി​ല്‍ തീപി​ടി​ത്തം. ഉ​ട​മ​യും ജീ​വ​ന​ക്കാ​ര​നും പൊ​ള്ള​ലേ​റ്റു. 15 ല​ക്ഷം രൂ​പ​യു​ടെ നാ​ശ​ന​ഷ്ടം ക​ണ​ക്കാ​ക്കു​ന്നു. സ​മീ​പ​ത്തെ ക​ട​യി​ലേ​ക്കും തീ ​പ​ട​ര്‍​ന്നു. ചു​റ്റു​പാ​ടു​മു​ള്ള വീ​ടു​ക​ളി​ലേ​ക്ക് തീ ​പ​ട​രാ​തെ അ​ഗ്നി​ശ​മ​നസേ​ന ര​ക്ഷാ​പ്ര​വ​ര്‍​ത്ത​നം ന​ട​ത്തി.

ഓ​മ​ല്ലൂ​ർ - മാ​ത്തൂ​ര്‍ റോ​ഡി​ല്‍ തൈ​ക്കു​റ്റി​മു​ക്കി​നും പേ​ഴും​മൂ​ട് ജം​ഗ്ഷ​നു​മി​ട​യി​ലു​ള്ള എ ​ആ​ന്‍​ഡ് എ ​ട്രേ​ഡേ​ഴ്‌​സ് എ​ന്ന സ്ഥാ​പ​ന​ത്തി​ലാ​ണ് ഇ​ന്ന​ലെ ഉ​ച്ച​യ്ക്ക് 12ന് തീ ​പ​ട​ര്‍​ന്ന​ത്. ക​ട​യു​ടെ മു​ന്‍​വ​ശ​ത്താ​ണ് തീ ​ക​ണ്ട​ത്.

ഈ ​സ​മ​യം ക​ട​യു​ട​മ ഷൈ​നി സു​രേ​ഷി​ന്‍റെ പി​താ​വ് ഓ​മ​ല്ലൂ​ര്‍ സൗ​പ​ര്‍​ണി​ക​യി​ല്‍ ഭാ​സ്‌​ക​ര​ന്‍ നാ​യ​ര്‍ (63), ജീ​വ​ന​ക്കാ​ര​ന്‍ ചെ​റു​കോ​ല്‍​പ്പു​ഴ വ​ട​ക്കേ​മം​ഗ​ല​ത്ത് ആ​ദ​ര്‍​ശ് (28) എ​ന്നി​വ​ര്‍ ക​ട​യ്ക്കു​ള്ളി​ല്‍ ഉ​ണ്ടാ​യി​രു​ന്നു. ആ​ളി​ക്ക​ത്തു​ന്ന തീ​യി​ലൂ​ടെ ഇ​വ​ര്‍ പു​റ​ത്തേ​ക്ക് ചാ​ടി. ര​ണ്ടു പേ​ര്‍​ക്കും പൊ​ള്ള​ലേ​റ്റു. ഇ​വ​രെ ഓ​മ​ല്ലൂ​രി​ലെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

പ​ത്ത​നം​തി​ട്ട​യി​ല്‍നി​ന്ന് മൂ​ന്നും അ​ടൂ​രി​ലും കോ​ന്നി​യി​ല്‍നി​ന്ന് ഒ​ന്നു വീ​ത​വും ഫ​യ​ര്‍​ഫോ​ഴ്‌​സ് യൂ​ണി​റ്റ് എ​ത്തി അ​ര​മ​ണി​ക്കൂ​റോ​ളം പ്ര​യ​ത്‌​നി​ച്ചാ​ണ് തീ ​കെ​ടു​ത്തി​യ​ത്. 15 ല​ക്ഷ​ത്തി​ല​ധി​കം രൂ​പ​യു​ടെ ന​ഷ്ട​മു​ണ്ടാ​യ​താ​യി ക​ണ​ക്കാ​ക്കു​ന്നു. ക​ട​യ്ക്കു​ള്ളി​ൽ നി​ന്നാ​ണ് തീ ​പ​ട​ർ​ന്നി​രി​ക്കു​ന്ന​ത്. ഷോ​ർ​ട്ട് സ​ർ​ക്യൂ​ട്ട് സാ​ധ്യ​ത പ​രി​ശോ​ധി​ച്ചു വ​രി​ക​യാ​ണെ​ന്ന് പോ​ലീ​സ്, ഫ​യ​ർ​ഫോ​ഴ്സ് അ​ധി​കൃ​ത​ർ പ​റ​ഞ്ഞു.

ശ​ബ​രി​മ​ല സീ​സ​ണ്‍ പ്ര​മാ​ണി​ച്ച് വ​ലി​യ തോ​തി​ല്‍ സാ​ധ​ന​ങ്ങ​ള്‍ സ്‌​റ്റോ​ക്ക് ചെ​യ​തി​രു​ന്നു. എ​ല്ലാം തീ ​പി​ടി​ക്കു​ന്ന സാ​ധ​ന​ങ്ങ​ളാ​യ​താ​ണ് ഇ​ത്ര​വ​ലി​യ നാ​ശ​ന​ഷ്ട​മു​ണ്ടാ​കാ​ന്‍ കാ​ര​ണ​മാ​യ​ത്. തി​രി, വെ​ള​ക്കെ​ണ്ണ, നെ​യ്യ്, സാ​മ്പ്രാ​ണി, ക​ര്‍​പ്പൂ​രം, ഇ​രു​മു​ടി, തു​ണി സ​ഞ്ചി, തേ​ന്‍ തു​ട​ങ്ങി​യ സാ​ധ​ന​ങ്ങ​ള്‍ പൂ​ര്‍​ണ​മാ​യും ക​ത്തി ന​ശി​ച്ചു.

റോ​ഡ് നി​ര​പ്പി​ലു​ള്ള മു​റി​യി​ല്‍നി​ന്നു തു​ട​ങ്ങി ഒ​ന്നാം നി​ല​യി​ല്‍ ഹാ​ള്‍ പോ​ലെ​യു​ള്ള ഭാ​ഗം മു​ഴു​വ​ന്‍ സാ​ധ​ന​ങ്ങ​ള്‍ കൊ​ണ്ട് നി​റ​ഞ്ഞി​രി​ക്കു​ക​യാ​യി​രു​ന്നു. ഉ​ള്ളി​ലേ​ക്ക് പ്ര​വേ​ശി​ക്കാ​നു​ള്ള ഏ​ക മാ​ര്‍​ഗം മു​ന്‍​വ​ശ​ത്തെ ഷ​ട്ട​ര്‍ ആ​യി​രു​ന്നു.

കെ​ട്ടി​ട​ത്തി​ന്‍റെ വ​ശ​ങ്ങ​ളി​ലെ ജ​നാ​ല​ച്ചി​ല്ലു​ക​ള്‍ ത​ക​ര്‍​ത്താ​ണ് ഫ​യ​ര്‍ ഫോ​ഴ്‌​സ് സം​ഘം വെ​ള്ളം പ​മ്പ് ചെ​യ്ത് തീ ​അ​ണ​ച്ച​ത്. തൊ​ട്ട​ടു​ത്ത മു​റി​യി​ല്‍ ഐ​സ്‌​ക്രീം മൊ​ത്ത വി​ത​ര​ണ കേ​ന്ദ്ര​മാ​ണു​ള്ള​ത്. ഇ​വി​ടെ​യും ഭാ​ഗി​ക​മാ​യി നാ​ശ​ന​ഷ്ടം നേ​രി​ട്ടു. തൊ​ട്ട​ടു​ത്തു ത​ന്നെ ര​ണ്ടു വീ​ടു​ക​ള്‍ ഉ​ണ്ടാ​യി​രു​ന്നു. ഇ​വി​ടേ​ക്കു തീ ​പ​ട​രാ​തെ ത​ട​യാ​ന്‍ ഫ​യ​ര്‍​ഫോ​ഴ്‌​സ​നാ​യി. ക​ട​യ്ക്കു​ള്ളി​ല്‍നി​ന്ന് ചെ​റു​തും വ​ലു​തു​മാ​യ ര​ണ്ട് ഗ്യാ​സ് സി​ലി​ണ്ട​റു​ക​ള്‍ ക​ണ്ടെ​ടു​ത്തു. ഇ​തി​ലേ​ക്ക് തീ ​പ​ട​രാ​തെ ഇ​രു​ന്ന​ത് വ​ലി​യ ദു​ര​ന്തം ഒ​ഴി​വാ​ക്കി.

ഓ​മ​ല്ലൂ​ര്‍ മു​ട്ട​ത്ത് ബ​സേ​ല്‍ ജോ​ര്‍​ജ് സാ​മു​വ​ലി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് ക​ട​മു​റി. ബി​ൽ​ഡിം​ഗ്സി​നോ​ടു ചേ​ര്‍​ന്നാ​ണ് ബ​സേ​ലി​ന്‍റെ വീ​ട്. ജി​ല്ലാ ഫ​യ​ര്‍ ഓ​ഫീ​സ​ര്‍ പ്ര​താ​പ​ച​ന്ദ്ര​ന്‍റെ നേ​തൃ​ത്വ​ത്തി​ല്‍ സീ​നി​യ​ര്‍ ഫ​യ​ര്‍ ആ​ന്‍​ഡ് റ​സ്‌​ക്യൂ ഓ​ഫീ​സ​ര്‍ ര​ഞ്ജി​ത്തി​ന്‍റെ മേ​ല്‍​നോ​ട്ട​ത്തി​ലാ​ണ് ര​ക്ഷാ​പ്ര​വ​ര്‍​ത്ത​നം ന​ട​ന്ന​ത്.