പൊതുവിദ്യാഭ്യാസ മന്ത്രിയുടെ ഒളിമ്പിക്‌സ് സന്ദേശം അസംബ്ലിയില്‍ വായിക്കും. 63-ാമത് സ്‌കൂള്‍ കലോത്സവം ഡിസംബര്‍ മൂന്നുമുതല്‍ ഏഴുവരെ തിരുവനന്തപുരത്ത് നടക്കും. 24 വേദികളിലായി 240 ഇനങ്ങളിലാണു മത്സരങ്ങള്‍.
പതിനാലായിരത്തോളം പ്രതിഭകള്‍ അണിനിരക്കും. പുത്തരിക്കണ്ടം മൈതാനം പ്രധാന വേദിയാകും. ഇതിനുപുറമേ യൂണിവേഴ്‌സിറ്റി സെനറ്റ് ഹാള്‍, നിശാഗന്ധി ഓഡിറ്റോറിയം, അയ്യങ്കാളി ഹാള്‍, ടാഗോര്‍ തിയറ്റര്‍ എന്നിവ കൂടാതെ നഗരാതിർത്തിയിലെ സൗകര്യപ്രദമായ സ്‌കൂളുകളും വേദികളായി പരിഗണിക്കുന്നുണ്ട്. ഭക്ഷണ വിതരണത്തിനായി തൈക്കാട് പോലീസ് ഗ്രൗണ്ട്, സെന്‍ട്രല്‍ സ്റ്റേഡിയം എന്നിവയാണു പരിഗണിക്കുന്നത്. പരിഷ്‌കരിച്ച മാന്വലിലെ വ്യവസ്ഥകള്‍ക്ക് അനുസരിച്ചാകും ഇക്കുറി കലോത്സവം.