മോണ്. ജോസഫ് മലേപ്പറമ്പില്, മോണ്. സെബാസ്റ്റിയന് വേത്താനത്ത്, മോണ്. ജോസഫ് കണിയോടിക്കല്, ഫിനാന്സ് ഓഫീസര് റവ.ഡോ. ജോസഫ് മുത്തനാട്ട്, ചാന്സലര് റവ.ഡോ.ജോസഫ് കുറ്റിയാങ്കല്,ജുഡീഷ്യല് വികാര് റവ.ഡോ.ജോസഫ് മുകളേപ്പറമ്പില്, തീര്ഥാടന കേന്ദ്രം റെക് ടര് റവ.ഡോ. അഗസ്റ്റ്യന് പാലയ്ക്കപ്പറമ്പില്, ഭരണങ്ങാനം ഫൊറോന വികാരി ഫാ. സഖറിയാസ് ആട്ടപ്പാട്ട് തുടങ്ങിയവര് ചടങ്ങുകള്ക്ക് നേതൃത്വം നല്കി.
പാലാ രൂപത ഒരു പാഠപുസ്തകം: മാർ റാഫേൽ തട്ടിൽ ഭരണങ്ങാനം: പാലാ രൂപത സഭയുടെയും സമൂദായത്തിന്റെയും ചരിത്രമാണെന്നും സീറോമലബാര് സഭയ്ക്കും ഭാരതസഭയ്ക്കും ഉദാത്തമായ സംഭാവനകള് നല്കിയ രൂപതയാണ് പാലായെന്നും സീറോ മലബാര് സഭ മേജര് ആര്ച്ച് ബിഷപ് മാര് റാഫേല് തട്ടില്.
പാലാ രൂപതയുടെ പ്ലാറ്റിനം ജൂബിലി ആഘോഷങ്ങള്ക്ക് തിരിതെളിച്ച് ഭരണങ്ങാനം വിശുദ്ധ അല്ഫോന്സാ തീര്ഥാടന കേന്ദ്രത്തില് വിശുദ്ധ കുര്ബാന അര്പ്പിച്ച് സന്ദേശം നല്കുകയായിരുന്നു മാര് റാഫേല് തട്ടില്. സഭയും സമുദായവും എങ്ങനെയാണ് കൈകോര്ത്ത് പ്രവര്ത്തിക്കേണ്ടതെന്ന് സീറോ മലബാര് സഭയെ പഠിപ്പിക്കുന്ന പാഠപുസ്തകമാണ് പാലാ രൂപതയെന്നും മേജർ ആർച്ച് ബിഷപ് പറഞ്ഞു.