കൊച്ചി: സിഎംആര്എല് മാസപ്പടി ഇടപാടിനെ മുഖ്യമന്ത്രിയുമായി ബന്ധപ്പെടുത്താന് ആസൂത്രിത നീക്കമെന്നു സര്ക്കാര് ഹൈക്കോടതിയില്. രാഷ്ട്രീയപ്രേരിതമായ ആരോപണമാണ് പലതുമെന്നും മാത്യു കുഴല്നാടന് എംഎല്എയുടെ ഹര്ജിയില് സര്ക്കാര് മറുപടി നല്കി.
രണ്ട് സ്വകാര്യ കമ്പനികള് തമ്മിലുള്ള കരാര് ഇടപാടാണ് സിഎംആര്എലും എക്സാലോജിക്കും തമ്മിലുള്ളത്. ഇല്ലാത്ത സേവനത്തിനു പണം നല്കി എന്ന ആരോപണം കെട്ടിച്ചമച്ചതാണ്. ഇത്തരമൊരു പരാതി സിഎംആര്എല്ലിന് ഇല്ല. ആദായനികുതി സെറ്റില്മെന്റ് ബോര്ഡിന്റെ കണ്ടെത്തലില് പിഴവുണ്ടോയെന്ന് മറ്റൊരു അപ്പലേറ്റ് അഥോറിറ്റി ഇതേവരെ പരിശോധിച്ചിട്ടില്ല. മാസപ്പടി ഇടപാടില് സര്ക്കാരിനെ ബന്ധപ്പെടുത്താനുള്ള യാതൊന്നുമില്ലെന്നും വിജിലന്സ് അന്വേഷണത്തിന്റെ ആവശ്യമില്ലെന്നും സര്ക്കാര് ഹൈക്കോടതിയെ അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.