ഈ മാസം പതിനാറിന് ഉച്ചയ്ക്കാണ് ദേശീയപാത 66ല്‍ ഷിരൂരില്‍ കുന്നിടഞ്ഞുവീണുണ്ടായ അപകടത്തില്‍ അര്‍ജുന്‍റെ ലോറി കാണായതത്. എട്ടു മൃതദേഹങ്ങള്‍ ഇതുവരെ കണ്ടെത്തിയിരുന്നു. അര്‍ജുനെ കാണാതായ വിവരം വളരെ വൈകിയാണ് പുറംലോകം അറിഞ്ഞത്. അപ്പോഴേക്കും സുപ്രധാന ദിവസങ്ങള്‍ കഴിഞ്ഞിരുന്നു.
തെരച്ചലില്‍ കര്‍ണാടക സര്‍ക്കാറിന്‍റെ ഭാഗത്തുനിന്നുള്ള മെല്ലെപ്പോക്ക് വലിയ പ്രതിഷേധത്തിന് ഇടയാക്കി. സംസ്ഥാന സര്‍ക്കാരും മാധ്യമങ്ങളും പൊതുസമൂഹവും അതിശക്തമായി ഇടപെട്ടതിനെത്തുടര്‍ന്നാണ് തെരച്ചലിനു വേഗം കൂടിയത്. കര്‍ണാടക ഹൈക്കോടതിയും വിഷയത്തില്‍ ഇടപെട്ടിരുന്നു. കേന്ദ്ര-സംസ്ഥാന സര്‍ക്കാരുകള്‍ക്ക് കോടതി നോട്ടീസ് അയയ്ക്കുകയും ചെയ്തിരുന്നു.