ആ യോഗത്തിൽത്തന്നെ രണ്ടു സീറ്റിലേക്കുമുള്ള സ്ഥാനാർഥികളെ പ്രഖ്യാപിക്കാനാണു സാധ്യത. സിപിഎം സ്ഥാനാർഥിയായി പാർട്ടി പോളിറ്റ് ബ്യൂറോ അംഗം എം.എ. ബേബിയെ പരിഗണിക്കാൻ സാധ്യതയുണ്ട്.
ബേബിയെ സ്ഥാനാർഥിയാക്കി രാജ്യസഭയിൽ എത്തിക്കാൻ സിപിഎം കേന്ദ്ര നേതൃത്വത്തിനു താത്പര്യമുണ്ട്. സിപിഐക്കാണു രണ്ടാമത്തെ സീറ്റെങ്കിൽ സത്യൻ മൊകേരിയേയോ പ്രകാശ് ബാബുവിനെയോ പരിഗണിക്കാനാണു സാധ്യത.
സീറ്റ് കാര്യത്തിൽ കേരള കോണ്ഗ്രസ്-എമ്മിനെ അനുനയിപ്പിക്കാനുള്ള ശ്രമം സിപിഎം തുടങ്ങി. ജോസ് കെ. മാണിയുമായി ഇന്നോ നാളെയോ ചർച്ച നടത്താനാണു സിപിഎം ധാരണ.