ടി.പി. ചന്ദ്രശേഖരൻ വധത്തിലും ഗൂഢാലോചനയിലും സിപിഎമ്മിന് പങ്കുണ്ടായിരുവെന്ന് വ്യക്തമാക്കുന്നതാണ് ഹൈക്കോടതി വിധി. ജയിലിൽ കിടക്കുന്ന കൊലയാളികളുടെ കുടുംബത്തെ സിപിഎം എല്ലാ മാസവും സഹായിക്കുന്നുണ്ടെന്ന് പ്രൊബേഷൻ ഓഫീസർ റിപ്പോർട്ട് നൽകിയിട്ടുണ്ട്.
കൊലയാളികളെ കണ്ടെത്തുകയും അവരെക്കൊണ്ട് കൊല നടത്തിക്കുകയും ജയിലിൽ പോകുന്പോൾ അവരുടെ കുടുംബത്തെ സിപിഎം സഹായിക്കുകയും ചെയ്യും. രാഷ്ട്രീയ എതിരാളികളെ ഇല്ലാതാക്കാൻ എന്തും ചെയ്യാൻ മടിക്കാത്ത ക്രൂരൻമാരായ നേതാക്കളാണ് സിപിഎമ്മിനുള്ളത്.
നേതാക്കളെ കണ്ടാണ് അണികളും പഠിക്കുന്നത്. കഴിഞ്ഞ ദിവസം കുറവിലങ്ങാട്ട് എസ്ഐയുടെ കർണപടം എസ്എഫ്ഐ നേതാക്കൾ അടിച്ചുപൊട്ടിച്ചതും മറ്റൊരു സംഭവമാണെന്നും പ്രതിപക്ഷനേതാവ് കൂട്ടിച്ചേർത്തു.