എയ്ഡഡ് വിദ്യാഭ്യാസ സ്ഥാപനങ്ങളിൽ മാനേജ്മെന്‍റ്, കമ്യൂണിറ്റി ക്വാട്ടയിൽ പ്രവേശനം നേടുന്ന ക്രൈസ്തവ വിദ്യാർഥികൾക്ക് 1957 മുതൽ ലഭിച്ചുകൊണ്ടിരുന്ന വിദ്യാഭ്യാസ ആനുകൂല്യങ്ങൾ പിന്നാക്ക വിഭാഗ വികസന വകുപ്പ് നിഷേധിച്ചത് പിൻവലിക്കുക, ദളിത് ക്രൈസ്തവരുടെ ഭരണഘടനാ പരിരക്ഷ ഉറപ്പുവരുത്തുന്നതിന് സംസ്ഥാന സർക്കാർ പ്രത്യേക പ്രമേയം പാസാക്കി കേന്ദ്ര സർക്കാരിന് നല്കുക, ജെ.ബി കോശി കമ്മീഷൻ റിപ്പോർട്ട് നടപ്പാക്കുക, തുടങ്ങിയ വിവിധ ആവശ്യങ്ങൾ ഉന്നയിച്ചായിരുന്നു സെക്രട്ടേറിയറ്റ് മാർച്ച് .
ബിഷപ് ഗീവർഗീസ് മാർ അപ്രേം മുഖ്യപ്രഭാഷണം നടത്തി. ഡിസിഎംഎസ് സംസ്ഥാന ഡയറക്ടറും ദളിത് ക്രൈസ്തവ സമരസമിതി രക്ഷാധികാരിയുമായ ഫാ.ജോസ് വടക്കേക്കുറ്റ് സ്വാഗതം ആശംസിച്ചു.
ഡിസിഎംഎസ് മുൻ സംസ്ഥാന ഡയറക്ടർ ഫാ. ജോണ് അരീക്കൽ, കെഎൽസിഡിസി സിസിസി കമ്മീഷൻ സെക്രട്ടറി ഫാ. ജോണ്സണ് പുത്തൻവീട്ടിൽ, കെഎൽസിഎ സംസ്ഥാന സെക്രട്ടറി ബിജു ജോസി, ദളിത് ക്രൈസ്തവ സമരസമിതി ചെയർമാൻ ജെയിംസ് ഇലവുങ്കൽ, കണ്‍വീനർ ഷിബു ജോസഫ്, കോ-ഓർഡിനേറ്റർ സണ്ണി കാഞ്ഞിരം, കത്തോലിക്കാ കോണ്ഗ്രസ് ഗ്ലോബൽ സമിതിയംഗം ജേക്കബ് നിക്കോളാസ് തുടങ്ങിയവർ സന്നിഹിതരായിരുന്നു.