പന്നി​യ​ങ്ക​ര​യി​ലെ ടോ​ൾപ്ര​ശ്നം:"രാ​ഷ്ട്രീയ പാ​ർ​ട്ടി​ക​ളും സം​ഘ​ട​ന​ക​ളും കൂ​ട്ടാ​യി പ്ര​തി​ഷേ​ധിക്കണം'
Sunday, June 30, 2024 7:14 AM IST
വ​ട​ക്ക​ഞ്ചേ​രി: പ​ന്നി​യ​ങ്ക​ര ടോ​ൾ പ്ലാ​സ​യി​ൽ പ്ര​ദേ​ശ​വാ​സി​ക​ൾ​ക്കും സ്കൂ​ൾ വാ​ഹ​ന​ങ്ങ​ൾ​ക്കും അ​നു​വ​ദി​ച്ചി​രു​ന്ന സൗ​ജ​ന്യ പ്ര​വേ​ശ​നം ജൂ​ലൈ ഒ​ന്നു​മു​ത​ൽ ഇ​ല്ലാ​താ​ക്കു​മെ​ന്ന ടോ​ൾ ക​മ്പ​നി​യു​ടെ ഭീ​ഷ​ണി നേ​രി​ടാ​ൻ രാ​ഷ്ട്രീ​യ​പാ​ർ​ട്ടി​ക​ളും ജ​ന​പ്ര​തി​നി​ധി​ക​ളും സം​ഘ​ട​ന​ക​ളും ഒ​ന്നി​ച്ചു​ള്ള പ്ര​ക്ഷോ​ഭം ന​യി​ക്ക​ണ​മെ​ന്ന ആ​വ​ശ്യം ശ​ക്തം.

ഒ​റ്റ​യ്ക്കു​ള്ള സ​മ​ര​ങ്ങ​ളും പ്ര​തി​ഷേ​ധ​ങ്ങ​ളും അ​വ​കാ​ശ​പ്പെ​ട്ട നീ​തി ദു​ർ​ബ​ല​പ്പെ​ടു​ത്തു​ന്ന സ്ഥി​തി ഉ​ണ്ടാ​ക്കു​മെ​ന്ന ആ​ശ​ങ്ക​യാ​ണ് പ്ര​ദേ​ശ​വാ​സി​ക​ൾ ചൂ​ണ്ടി​ക്കാ​ട്ടു​ന്ന​ത്. ടോ​ൾ ക​മ്പ​നി​യു​ടെ ഇ​ട​യ്ക്കി​ടെ​യു​ള്ള ഈ ​ഭീ​ഷ​ണി​ക്കെ​തി​രെ ഇ​പ്പോ​ൾ ഒ​റ്റ​യ്ക്കാ​ണ് സ​മ​ര​ങ്ങ​ൾ ന​ട​ക്കു​ന്ന​ത്.

ഇ​തു പോ​ലീ​സ് സം​ര​ക്ഷ​ണ​ത്തി​ൽ കാ​ര്യം​സാ​ധി​ച്ചെ​ടു​ക്കാ​ൻ ടോ​ൾ​ക​മ്പ​നി​ക്കു എ​ളു​പ്പ​മാ​കും. പോ​ലീ​സു​മാ​യു​ള്ള ധാ​ര​ണ​ക​ളി​ലാ​ണ് ഇ​പ്പോ​ഴ​ത്തെ സ​മ​ര​ങ്ങ​ളെ​ല്ലാം അ​ര​ങ്ങേ​റു​ന്ന​ത്.
ഇ​തി​ന് നി​ല​നി​ൽ​പ്പു​ണ്ടാ​കി​ല്ല. പ​ഞ്ചാ​യ​ത്ത് പ്ര​സി​ഡ​ന്‍റു​മാ​ർ ഉ​ൾ​പ്പെ​ടെ ത​രൂ​ർ, ആ​ല​ത്തൂ​ർ എം​എ​ൽ​എ​മാ​രും പു​തി​യ എം​പി​യും ഇ​ക്കാ​ര്യ​ത്തി​ൽ അ​ടി​യ​ന്ത​ര ഇ​ട​പെ​ട​ലു​ക​ൾ ന​ട​ത്തി സൗ​ജ​ന്യ പ്ര​വേ​ശ​നം തു​ട​രാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യം.

ഭ​ര​ണ- പ്ര​തി​പ​ക്ഷ പാ​ർ​ട്ടി നേ​തൃ​ത്വ​ങ്ങ​ളും ഇ​ക്കാ​ര്യ​ത്തി​ൽ ആ​ത്മാ​ർ​ഥ​ത​യു​ള്ള ഇ​ട​പെ​ട​ലു​ക​ൾ ന​ട​ത്ത​ണം. സ​മ​ര​ങ്ങ​ൾ​ക്കു വേ​ണ്ടി​യു​ള്ള സ​മ​ര​ങ്ങ​ൾ​ക്ക​പ്പു​റം പ്ര​ശ്ന​ത്തി​നു ശാ​ശ്വ​ത പ​രി​ഹാ​രം കാ​ണ​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.

പ്ര​ദേ​ശ​വാ​സി​ക​ളി​ൽ നി​ന്നും ടോ​ൾ പി​രി​ക്കു​മെ​ന്ന ഭീ​ഷ​ണി ടോ​ൾ ക​മ്പ​നി ഇ​ട​ക്കി​ടെ പ്ര​യോ​ഗി​ക്കു​ന്ന​തി​നാ​ൽ ഇ​തി​നെ നേ​രി​ടാ​ൻ എ​ല്ലാ രാ​ഷ്ട്രീ​യ പാ​ർ​ട്ടി​ക​ളും സം​ഘ​ട​ന​ക​ളും ചേ​ർ​ന്ന് സ്ഥി​ര​മാ​യി നി​ല​നി​ൽ​ക്കു​ന്ന സം​യു​ക്ത സ​മ​ര​സ​മി​തി​ക്കും രൂ​പം ന​ൽ​കി വേ​ണം ടോ​ൾ​കൊ​ള്ള ത​ട​യാ​നെ​ന്നാ​ണു ജ​ന​വി​കാ​രം.

Copyright @ 2022 , Rashtra Deepika Ltd.