വേ​ട്ട​മു​ക്ക് കു​ള​ത്തി​ന്‍റെ പ​രി​സ​രം കാ​ടു​ക​യ​റി ന​ശി​ക്കു​ന്ന​താ​യി പ​രാ​തി
Sunday, September 29, 2024 7:10 AM IST
പേ​രൂ​ര്‍​ക്ക​ട: ഒ​രു വ​ര്‍​ഷ​ത്തി​നു മു​മ്പ് ന​വീ​ക​ര​ണ പ്ര​വ​ര്‍​ത്ത​ന​ങ്ങ​ള്‍ ന​ട​ത്തി​യ വേ​ട്ട​മു​ക്ക് കു​ള​ത്തി​ന്‍റെ പ​രി​സ​രം കാ​ടു​ക​യ​റി​യ നി​ല​യി​ല്‍. തി​രു​മ​ല വാ​ര്‍​ഡി​ല്‍ തി​രു​മ​ല-​വേ​ട്ട​മു​ക്ക് റോ​ഡി​ലാ​ണ് കു​ളം സ്ഥി​തി ചെ​യ്യു​ന്ന​ത്.

മാ​ലി​ന്യം വ​ലി​ച്ചെ​റി​യു​ന്ന​തും കു​ള​ത്തി​ൽ പാ​യ​ല്‍ മൂ​ടി​യ​തു​മാ​ണ് കു​ളം പൂ​ര്‍​ണ​മാ​യും ന​വീ​ക​രി​ക്കു​ക​യും നാ​ലു​പാ​ടും ലോ​ഹ നി​ര്‍​മി​ത​മാ​യ സം​ര​ക്ഷ​ണ​വേ​ലി കെ​ട്ടു​ക​യും ചെ​യ്ത​ത്.

എ​ന്നാ​ല്‍ ആ​റു​മാ​സ​ത്തി​നു​ള്ളി​ല്‍ സം​ര​ക്ഷ​ണ​വേ​ലി​യു​ടെ ഇ​ട​യി​ലു​ടെ പാ​ഴ്മ​ര​ങ്ങ​ള്‍ വ​ള​രാ​ന്‍ തു​ട​ങ്ങി​യ​തോ​ടെ കു​ളം റോ​ഡി​ല്‍​നി​ന്നു കാ​ണാ​നാ​കാ​ത്ത അ​വ​സ്ഥ​യി​ലെ​ത്തി. ക​ന്നു​കാ​ലി​ക​ളെ കു​ളി​പ്പി​ക്കു​ന്ന​തി​നു നാ​ട്ടു​കാ​ർ നേ​ര​ത്തേ കു​ളം ഉ​പ​യോ​ഗി​ച്ചി​രു​ന്നു. ഇ​പ്പോ​ൾ പ്ര​ദേ​ശ​ത്ത് പാ​ഴ്മ​ര​ങ്ങ​ളും പു​ല്ലും വ​ള​ർ​ന്ന​തോ​ടെ പ്ര​ദേ​ശ​ത്ത് ഇ​ഴ​ജ​ന്തു​ക്ക​ളു​ടെ ശ​ല‍്യം വ​ർ​ധി​ച്ച​താ​യു പ്ര​ദേ​ശ​വാ​സി​ക​ൾ പ​റ​യു​ന്നു.


കു​ള​ത്തി​ന്‍റെ നാ​ലു​ഭാ​ഗ​വും വ​ള​ർ​ന്നു​കി​ട​ക്കു​ന്ന മ​ര​ങ്ങ​ള്‍ സം​ര​ക്ഷ​ണ​വേ​ലി​ക്ക് ഭീ​ഷ​ണി​യും സൃ​ഷ്ടി​ക്കു​ന്നു​ണ്ട്. മ​ര​ങ്ങ​ളു​ടെ മ​റ​വി​ല്‍ സാ​മൂ​ഹി​ക​വി​രു​ദ്ധ​ശ​ല്യ​വും മാ​ലി​ന്യ​നി​ക്ഷേ​പ​വും വീ​ണ്ടും ന​ട​ക്കു​ന്ന​താ​യി നാ​ട്ടു​കാ​ർ പ​രാ​തി​പ്പെ​ടു​ന്നു. റോ​ഡി​ന്‍റെ ശോ​ച‍്യാ​വ​സ്ഥ ഉ​ട​നേ പ​രി​ഹ​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ‍്യം.