സജി മഞ്ഞക്കടമ്പില്‍ കേരളാ കോണ്‍ഗ്രസ് ഡെമോക്രാറ്റിക് ചെയര്‍മാന്‍ : Deepika.com Kerala News |

Click here for detailed news of all items

സജി മഞ്ഞക്കടമ്പില്‍ കേരളാ കോണ്‍ഗ്രസ് ഡെമോക്രാറ്റിക് ചെയര്‍മാന്‍

Saturday, April 20, 2024 12:52 AM IST

കോട്ടയം: കേരളാകോണ്‍ഗ്രസ് കോട്ടയം ജില്ലാ ചെയര്‍മാനായിരുന്ന സജി മഞ്ഞക്കടമ്പില്‍ കേരളാ കോണ്‍ഗ്രസ് ഡെമോക്രാറ്റിക് എന്ന പാര്‍ട്ടി രൂപീകരിച്ച് എന്‍ഡിഎയ്ക്കു പിന്തുണ പ്രഖ്യാപിച്ചു.

ദര്‍ശന ഓഡിറ്റോറിയത്തില്‍ നടന്ന പാര്‍ട്ടി രൂപീകരണ യോഗം കലാകാരനും ലോക റിക്കാര്‍ഡിന് ഉടമയുമായ ഡോ. നിരണം രാജന്‍ ഉദ്ഘാടനം ചെയ്തു. കോട്ടയം എന്‍ഡിഎ സ്ഥാനാര്‍ഥി തുഷാര്‍ വെള്ളാപ്പള്ളി യോഗത്തില്‍ പങ്കെടുത്തു.

സജി മഞ്ഞക്കടമ്പലിന്‍റെ അധ്യക്ഷതയില്‍ ചേര്‍ന്ന യോഗത്തില്‍ ഡോ. ദിനേശ് കര്‍ത്താ പാര്‍ട്ടി പ്രഖ്യാപനം നടത്തി.

കേരളാകോണ്‍ഗ്രസ് ഡെമോക്രാറ്റിക് പാര്‍ട്ടി സംസ്ഥാന ഭാരവാഹികളായി സജി മഞ്ഞക്കടമ്പില്‍ (ചെയര്‍മാന്‍), ഡോ. ദിനേശ് കര്‍ത്താ (വര്‍ക്കിംഗ് ചെയര്‍മാന്‍), പ്രഫ. ബാലു ജി. വള്ളിക്കര (വൈസ് ചെയര്‍മാന്‍), പ്രസാദ് ഉരുളികുന്നം (സംഘടന ചുമതലയുള്ള ജനറല്‍ സെക്രട്ടറി), റോയി ജോസ് തുണ്ടുമുറിയില്‍ (ട്രഷറര്‍), മോഹന്‍ദാസ് അമ്പലാറ്റില്‍, സെബാസ്റ്റ്യന്‍ മണിമല (സെക്രട്ടറിമാര്‍), ടിജോ കൂട്ടുമ്മേല്‍ (യൂത്ത് ഫ്രണ്ട് സംസ്ഥാന കോഓര്‍ഡിനേറ്റര്‍), ബിനു ആയിരമല (കോട്ടയം ജില്ലാ കോഓര്‍ഡിനേറ്റര്‍) എന്നിവരെ തെരഞ്ഞെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.