പ്രധാനാധ്യാപക, എഇഒ സ്ഥാനക്കയറ്റ പരിഗണനാപട്ടിക പുറത്തിറക്കി : Deepika.com Kerala News |

Click here for detailed news of all items

പ്രധാനാധ്യാപക, എഇഒ സ്ഥാനക്കയറ്റ പരിഗണനാപട്ടിക പുറത്തിറക്കി

Saturday, April 20, 2024 12:52 AM IST

തിരുവനന്തപുരം: സംസ്ഥാനത്തെ സർക്കാർ സ്കൂളുകളിലെ പ്രധാനാധ്യാപകർ, ഉപജില്ലാ വിദ്യാഭ്യാസ ഓഫീസർ പദവികളിലേക്ക് സ്ഥാനക്കയറ്റത്തിനായുള്ള ഹൈസ്കൂൾ അധ്യാപകരുടെ പരിഗണനാപട്ടിക പുറത്തിറങ്ങി.

സ്ഥാനക്കയറ്റപട്ടികയില്‍ 94 പേരാണ് ഉൾപ്പെട്ടിട്ടുള്ളത്. സ്ഥാനക്കയറ്റം നേടുന്ന എല്ലാ ഉദ്യോഗസ്ഥരും സ്ഥലംമാറ്റത്തിനായി അപേക്ഷ സമർപ്പിക്കണമെന്നും ഈ സ്ഥലംമാറ്റ അപേക്ഷ സാക്ഷ്യപത്രത്തിന്‍റെ അടിസ്ഥാനത്തിൽ മാത്രമേ നിലവിലെ സ്കൂൾ അധികാരി വിടുതൽ നല്കേണ്ടതുള്ളുവെന്നും ഉത്തരവിൽ വ്യക്തമാക്കുന്നു.

സംസ്ഥാനത്ത് നിലവിലുള്ള താത്കാലിക ഒഴിവുകളിലേക്കാണ് സ്ഥാനക്കയറ്റം അനുവദിച്ചിട്ടുള്ളത്. ഓണ്‍ലൈൻ സ്ഥലംമാറ്റത്തിൽ ഉൾപ്പെട്ട് സ്ഥിരം ഒഴിവിലേക്ക് നിയമനം നടത്തുന്പോൾ മാത്രമേ സ്ഥാനക്കയറ്റം സ്ഥിരനിയമനമാകുകൂ. അംഗീകൃത സർവകലാശാലകളിൽ നിന്നുള്ള ബിരുദമോ, അംഗീകൃത സർവകലാശാലകളിൽനിന്നുള്ള ബിഎഡ്, ബിടി, എൽടി ബിരുദമോ ഉള്ളവരും 12 വർഷത്തെ തുടർച്ചയായ ഗ്രേഡ് സർവീസ് പൂർത്തിയാക്കിയവരും ആയിരിക്കണം സ്ഥാനക്കയറ്റത്തിനായുള്ളവർ.

കൂടാതെ, പിഎസ്‌സി നടത്തുന്ന അക്കൗണ്ട് ടെസ്റ്റ് ലോവർ ആൻഡ് കെഇആർ ടെസ്റ്റ് വിജയിച്ചിരിക്കണം. ഈ യോഗ്യത നേടാത്ത എസ്‌സി, എസ്ടി വിഭാഗക്കാർക്ക് മൂന്നു വർഷത്തേക്ക് താത്കാലിക സ്ഥാനക്കയറ്റം അനുവദിക്കാം. മൂന്നു വർഷത്തിനുള്ളിൽ യോഗ്യത നേടണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.