Karshakan
പാ​ല​ക്കാ​ടി​ന് പോ​കാം, ഉ​പ്പേ​രി കൊ​റി​ക്കാം
പാ​ല​ക്കാ​ടി​ന് പോ​കാം, ഉ​പ്പേ​രി കൊ​റി​ക്കാം
Monday, September 30, 2024 12:59 PM IST
ഫ്രാ​ൻ​സി​സ് ത​യ്യൂ​ർ
ഓ​ണ​ക്കാ​ലം പ​ച്ച​ക്ക​റി​ക​ളു​ടെ​യും നേ​ന്ത്ര​ക്കാ​യ (ഏ​ത്ത​ക്കാ​യ)​യു​ടെ​യും വി​ള​വെ​ടു​പ്പു കാ​ലം കൂ​ടി​യാ​ണ്. പാ​ല​ക്കാ​ട്ടെ ക​ര​പ്പാ​ട​ങ്ങ​ളി​ൽ ഒ​ന്നാം​വി​ള കൊ​യ്ത്തും ഈ ​ദി​വ​സ​ങ്ങ​ളി​ൽ ന​ട​ക്കും. ചി​ങ്ങ​മാ​സ​ത്തി​ലെ അ​ത്ത​പ്പു​ല​രി​യി​ൽ മു​റ്റ​ത്തൊ​രു പൂ​ക്ക​ളം പോ​ലെ മ​നോ​ഹ​ര​വും സ്വാ​ദേ​റു​ന്ന​തു​മാ​ക​ണം മ​ല​യാ​ളി​ക്ക് ഓ​ണ​സ​ദ്യ​യും.

ഓ​ണ​സ​ദ്യ വി​ള​ന്പു​ന്ന തൂ​ശ​നി​ല​യി​ലെ പ്ര​ധാ​ന ഇ​ന​ങ്ങ​ളാ​ണ് ഉ​പ്പേ​രി കൂ​ട്ടു​ക​ൾ. ഓ​ണ​സ​ദ്യ​ക്കു മാ​ത്ര​മ​ല്ല ക​ല്യാ​ണ​സ​ദ്യ​യ്ക്കും ഇ​ല​യി​ൽ ആ​ദ്യം സ്ഥാ​നം പി​ടി​ക്കു​ന്ന​ത് ഉ​പ്പേ​രി​ക​ൾ ത​ന്നെ. വ​ട്ട​ത്തി​ലും നാ​ലു ക​ഷ​ണ​ങ്ങ​ളാ​ക്കി​യും ശ​ർ​ക്ക​ര വ​ര​ട്ടി​യു​മാ​യി ഉ​പ്പേ​രി നാ​ലു​ത​ര​മു​ണ്ട്.

പ​ണ്ടൊ​ക്കെ ഓ​ണ​ത്തി​ന് ആ​ഴ്ച​ക​ൾ​ക്കു മു​ന്പേ ഉ​പ്പേ​രി വ​റു​ത്ത് വ​ലി​യ ഭ​ര​ണി​ക​ളി​ലും ഡ​പ്പി​ക​ളി​ലും അ​മ്മ​മാ​ർ നി​റ​ച്ച് വ​യ്ക്കു​മാ​യി​രു​ന്നു. ഇ​ന്നി​പ്പോ​ൾ അ​തി​ന്‍റെ ആ​വ​ശ്യ​മി​ല്ല. ക​ട​ക​ളി​ൽ എ​പ്പോ​ഴും കി​ട്ടും. ഉ​പ്പേ​രി കൂ​ട്ടു​ക​ൾ ആ​ല​ത്തൂ​രി​ലെ എ​സ്എ​ൻ​ആ​ർ ചി​പ്സ് വ​ക​യാ​യാ​ൽ സ​ദ്യ വ​ട്ട​ങ്ങ​ൾ ബ​ഹു​കേ​മ​മാ​കു​മെ​ന്നാ​ണു പ​റ​ച്ചി​ൽ.

ത​നി നാ​ട​ൻ നേ​ന്ത്ര​ക്കാ​യ ക​നം കു​റ​ച്ച് വ​ട്ട​ത്തി​ല​രി​ഞ്ഞു ശു​ദ്ധ​മാ​യ വെ​ളി​ച്ചെ​ണ്ണ​യി​ൽ വ​റു​ത്തെ​ടു​ക്കു​ന്പോ​ൾ കൊ​തി​യൂ​റു​ന്ന മ​ണം ദൂ​ര​സ്ഥ​ല​ത്തേ​ക്കു പോ​ലും പ​റ​ന്നെ​ത്തും. നാ​ട​ൻ മ​ഞ്ഞ​ൾ പൊ​ടി​യും പാ​ക​ത്തി​ന് ഉ​പ്പും കൂ​ടി ചേ​ർ​ത്താ​ൽ ചി​പ്സ് സ്വ​ർ​ണ വ​ർ​ണ​മാ​കും.



മ​ല​യാ​ളി​ക​ളു​ള്ള നാ​ട്ടി​ലെ​ല്ലാം മു​ക്കാ​ൽ നൂ​റ്റാ​ണ്ട് പി​ന്നി​ട്ടി​ട്ടു​ള്ള എ​സ്എ​ൻ​ആ​ർ ചി​പ്സ് എ​ത്തി​യി​ട്ടു​ണ്ട്. മു​ൻ പ്ര​ധാ​ന​മ​ന്ത്രി​മാ​രാ​യ ഇ​ന്ദി​രാ​ഗാ​ന്ധി​ക്കും രാ​ജീ​വ് ഗാ​ന്ധി​ക്കും മു​ൻ എം​പി വി.​എ​സ്. വി​ജ​യ​രാ​ഘ​വ​ൻ വ​ഴി ചി​പ്സ് എ​ത്തി​ച്ചി​ട്ടു​ണ്ടെ​ന്ന​താ​ണ് എ​സ്എ​ൻ​ആ​ർ ചി​പ്സി​ന്‍റെ ച​രി​ത്രം.


അ​ബ്ദു​ൾ ജ​ബാ​ർ, അ​ബ്ദു​ൾ ക​രീം, മു​ഹ​മ്മ​ദ് റ​ഫീ​ക്, മു​ഹ​മ്മ​ദ് മു​സ്ത​ഫ എ​ന്നീ നാ​ല് സ​ഹോ​ദ​ര​ങ്ങ​ൾ ചേ​ർ​ന്നാ​ണ് എ​സ്എ​ൻ​ആ​ർ ചി​പ്സ് ന​ട​ത്തു​ന്ന​ത്. 1947ൽ ​മു​ത്ത​ച്ഛ​ൻ ഷാ​ഹു​ൽ ഹ​മീ​ദ് ആ​രം​ഭി​ച്ച എ​സ്എ​ൻ​ആ​ർ പി​ന്നീ​ട് അ​ച്ഛ​ൻ നൂ​ർ മു​ഹ​മ്മ​ദും ഇ​പ്പോ​ൾ ഈ ​സ​ഹോ​ദ​ര​ങ്ങ​ളു​മാ​ണ് ന​ട​ത്തു​ന്ന​ത്.

ഓ​ണം പോ​ലെ സ​ഹോ​ദ​ര സ്നേ​ഹ​ത്തി​ന്‍റെ​യും കൂ​ട്ടാ​യ്മ​യു​ടെ​യും സം​രം​ഭം കൂ​ടി​യാ​ണ് എ​സ്എ​ൻ​ആ​ർ. ഓ​ണ ദി​വ​സ​ങ്ങ​ളി​ലും ശ​ബ​രി​മ​ല തീ​ർ​ഥാ​ട​ന സീ​സ​ണി​ലും ആ​ല​ത്തൂ​ർ, വ​ട​ക്ക​ഞ്ചേ​രി മേ​ഖ​ല​യി​ലെ ചി​പ്സ് ക​ട​ക​ളി​ലെ​ല്ലാം തി​ര​ക്കു​കൂ​ടും.

കു​തി​രാ​ൻ മു​ത​ൽ ആ​ല​ത്തൂ​ർ വ​രെ​യു​ള്ള 20 കി​ലോ​മീ​റ്റ​ർ ദൂ​ര​വും ദേ​ശീ​യ​പാ​ത​യ്ക്ക് ഇ​രു​വ​ശ​വും നി​ര​വ​ധി ചി​പ്സ് ക​ട​ക​ളു​ണ്ട്. മം​ഗ​ലം പാ​ല​ത്താ​ണ് ചി​പ്സ് ക​ട​ക​ൾ കൂ​ടു​ത​ലും.

പീ​ച്ചി, മ​രോ​ട്ടി​ച്ചാ​ൽ എ​ന്നി​വി​ട​ങ്ങ​ളി​ലെ വാ​ഴ​ത്തോ​ട്ട​ങ്ങ​ൾ നേ​രി​ട്ട് ക​ണ്ട് ചി​പ്സി​നു പ​റ്റി​യ ന​ല്ല കു​ല​ക​ൾ മാ​ത്ര​മാ​ണ് തെ​ര​ഞ്ഞെ​ടു​ക്കു​ക​യെ​ന്ന് എ​സ്എ​ൻ​ആ​റി​ലെ മൂ​ത്ത സ​ഹോ​ദ​ര​ൻ അ​ബ്ദു​ൾ ജ​ബാ​ർ പ​റ​ഞ്ഞു.

കാ​യ​യു​ടെ​യും വെ​ളി​ച്ചെ​ണ്ണ​യു​ടെ​യും വി​ല​നി​ല​വാ​ര​മ​നു​സ​രി​ച്ചി​രി​ക്കും ചി​പ്സ് ഉ​ൾ​പ്പെ​ടെ​യു​ള്ള ഉ​പ്പേ​രി കൂ​ട്ടു​ക​ളു​ടെ വി​ല. കാ​യ​വി​ല ഉ​യ​ർ​ന്നു നി​ൽ​ക്കു​ന്ന​ത് ചി​പ്സ് വി​ല​യും കൂ​ട്ടും. ഓ​ണ​വി​പ​ണി ല​ക്ഷ്യം വ​ച്ച് കൃ​ഷി​യി​റ​ക്കി​യി​രു​ന്ന നേ​ന്ത്ര​ക്കാ​യ​യു​ടെ വി​ള​വെ​ടു​പ്പും ആ​രം​ഭി​ച്ചി​ട്ടു​ണ്ട്.

ഫോ​ണ്‍: 04922-224487