104-ാം വയസിലും തളരാതെ.. : Deepika.com Kerala News |

Click here for detailed news of all items

104-ാം വയസിലും തളരാതെ..

Saturday, April 27, 2024 3:31 AM IST

മരട്: വീട്ടിലെത്തിയുള്ള വോട്ടിംഗിന് അവസരം നിഷേധിക്കപ്പെട്ടപ്പോള്‍ തന്‍റെ 104-ാം വയസിലും ചുറുചുറുക്കോടെ പോളിംഗ് ബൂത്തിലെത്തി വോട്ട് രേഖപ്പെടുത്തി മരട് നിരവത്ത് റോഡില്‍ പഴമടത്തില്‍ വെറോണി മുത്തശി.

എറണാകുളം ലോകസഭാ മണ്ഡലത്തിലെ മരട് സെന്‍റ് മേരീസ് എല്‍പി സ്‌കൂളിലെ 21-ാം നമ്പര്‍ ബൂത്തിലായിരുന്നു വിരോണിക്ക് വോട്ട്.

ഇക്കാലമത്രയും വോട്ട് ചെയ്യാനുള്ള അവസരം നഷ്‌ടപ്പെടുത്തിയിട്ടില്ലാത്ത വെറോണി വീട്ടിലെത്തിയുള്ള വോട്ടിംഗ് അവസരത്തിനായി ശ്രമം നടത്തിയിരുന്നു. കഴിഞ്ഞ തെരഞ്ഞെടുപ്പില്‍ ഉദ്യോഗസ്ഥര്‍ വീട്ടിലെത്തി വിരോണിയുടെ വോട്ട് രേഖപ്പെടുത്തിയിരുന്നു. അവസാന നിമിഷം വരെ കാത്തിരുന്നെങ്കിലും ഇത്തവണ അതിനവസരമുണ്ടായില്ല. ഇതേത്തുടര്‍ന്നാണ് വെറോണി മക്കളുടെ സഹായത്തോടെ ബൂത്തിലെത്തി വോട്ട് ചെയ്തു മടങ്ങിയത്.

വെറോണിയുടെ മാതൃക വാര്‍ത്തയായതോടെ അഭിനന്ദനങ്ങളുമായി രാഷ്‌ട്രീയ- സാമൂഹ്യ മേഖലകളില്‍നിന്നുള്ളവരെത്തി. ജനാധിപത്യത്തിന് കരുത്തു പകരാന്‍ വെറോണിയമ്മ കാണിച്ച മാതൃകയ്‍ക്ക് മരട് നഗരസഭാ ചെയര്‍മാന്‍ ആന്‍റണി ആശാംപറമ്പില്‍ ആദരവ് അര്‍പ്പിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.