Deepika.com Career News :എയർപോർട്സ് അഥോറിറ്റിയിൽ 200 എൻജിനിയർമാർ.......

എയർപോർട്സ് അഥോറിറ്റിയിൽ 200 എൻജിനിയർമാർ

പൊതുമേഖലാ സ്ഥാപനമായ എയർപോർട്സ് അഥോറ്റിറ്റി ഓഫ് ഇന്ത്യയിൽ ജൂണിയർ എക്സിക്യൂട്ടീവ് തസ്തികയിൽ ഗേറ്റ്- 2016 സ്കോറിന്‍റെ അടിസ്ഥാനത്തിൽ നിയമനം നടത്തുന്നു. സിവിൽ എൻജിനിയറിംഗ് 50 , ഇലക്‌ട്രിക്കൽ എൻജിനിയറിംഗ് 50, ഇലക്‌ട്രോണിക്സ് 100 എന്നിങ്ങനെയാണ് ഒഴിവുകൾ.

ജൂണിയിർ എക്സിക്യൂട്ടീവ് (എൻജിനിയിർ- സിവിൽ)- 50
യോഗ്യത- സിവിൽ എൻജിനിയറിംഗിൽ 60 ശതമാനം മാർക്കോടെ റെഗുലർ ബിരുദം. സിവിൽ ബ്രാഞ്ചിൽ ഗേറ്റ് 2016.

ജൂ‍ണിയർ എക്സിക്യൂട്ടീവ് (എൻജിനിയർ-ഇലക്‌ട്രിക്കൽ)- 50
യോഗ്യത- ഇലക്‌ട്രിക്കൽ എൻജിനിയറിംഗിൽ 60 ശതമാനം മാർക്കോടെ റെഗുലർ ബിരുദം. ഇലക്‌ട്രിക്കൽ ബ്രാഞ്ചിൽ ഗേറ്റ് 2016.

ജൂണിയർ എക്സിക്യൂട്ടീവ് (എൻജിനിയർ-ഇലക്‌ട്രോണിക്സ്)- 100
യോഗ്യത- ഇലക്‌ട്രോണിക്സ്/ടെലികമ്യൂണിക്കേഷൻസ്/ഇലക്‌ട്രോണിക്സിൽ സ്പെഷലൈസേഷനോടെ ഇലക്‌ട്രിക്കൽ എൻജിനിയറിംഗിൽ 60 ശതമാനം മാർക്കോടെ ബിരുദം. സിവിൽ ബ്രാഞ്ചിൽ ഗേറ്റ് 2016.

പ്രായം- ജനറൽ വിഭാഗക്കാർക്ക് 27 വയസ്. ഒബിസിക്കാർക്ക് 30 വയസ്. എസ്‌സി, എസ്ടി വിഭാഗക്കാർക്ക് 32 വയസ് എന്നിങ്ങനെയാണ് ഉയർന്ന പ്രായപരിധി. വിമുക്തഭടൻമാർക്കും അംഗപരിമിതർക്കും ചട്ടപ്രകാരം ഇളവ് ലഭിക്കും. സെപ്റ്റംബർ 30 അടിസ്ഥാനമാക്കിയാണ് പ്രായം കണക്കാക്കുന്നത്.

ശന്പള സ്കെയിൽ- 16400- 40500 രൂപ.
അപേക്ഷാ ഫീസ്- 300 രൂപ. ഓൺലൈനായാണ് പണം അടയ്ക്കേണ്ടത്. എസ്‌സി, എസ്ടി വിഭാഗക്കാർക്കും അംഗപരിമിതർക്കും വനിതകൾക്കും ഫീസ് അടയ്ക്കേണ്ടതില്ല.
അപേക്ഷിക്കേണ്ട വിധം- www.aai.aero എന്ന വെ്സൈറ്റിൽ കരിയർ എന്നീ ഉപവിഭാഗത്തിൽ അപേക്ഷിക്കുന്നതിനുള്ള ലിങ്ക് ലഭ്യമാണ്. ഉദ്യോഗാർഥികൾക്ക് ഇ-മെയിൽ ഐഡി ഉണ്ടായിരിക്കണം. സർട്ടിഫിക്കറ്റുകളും ഫോട്ടോ, ഒപ്പ് എന്നിവ സ്കാൻ ചെയ്തും അപ്‌ലോഡ് ചെയ്യണം. അപേക്ഷ സ്വീകരിക്കുന്ന അവസാന തീയതി ഒക്ടോബർ 17.