ഉ​ല​കം​ചു​റ്റും വീ​ൽ ചെ​യ​ർ
രാ​ജ്യ​ങ്ങ​ളി​ൽ​നി​ന്നു രാ​ജ്യ​ങ്ങ​ളി​ലേ​ക്ക് വി​ശ്ര​മ​മി​ല്ലാ​തെ ഉ​രു​ളു​ക​യാ​ണ് ഈ ​വീ​ൽ ചെ​യ​ർ. അ​ര​യ്ക്കു താ​ഴേ​യ്ക്കു ത​ള​ർ​ന്ന ഒ​രു ചെ​റു​പ്പ​ക്കാ​ര​നാ​ണ​തി​ൽ. കൈ​യി​ൽ ന​യാ​പ്പൈ​സ​യി​ല്ല, ല​ഗേ​ജ് ഒ​ന്നു​മി​ല്ല, ഭ​ക്ഷ​ണ​മി​ല്ല, വ​സ്ത്ര​മി​ല്ല...

എ​ന്നി​ട്ടും അ​യാ​ൾ യാ​ത്ര തു​ട​രു​ക​യാ​ണ്. ഇ​തി​ന​കം 105 രാ​ജ്യ​ങ്ങ​ൾ പി​ന്നി​ട്ടു ക​ഴി​ഞ്ഞു ഈ ​വീ​ൽ ചെ​യ​ർ സ​ഞ്ചാ​രി. ര​ക്താ​ർ​ബു​ദ ചി​കി​ത്സ​യ്ക്കി​ടെ അ​ഞ്ചാം വ​യ​സി​ൽ ശ​രീ​രം ത​ള​ർ​ന്നു​പോ​യി​ട്ടും ത​ള​രാ​തെ മു​ന്നോ​ട്ട്. എ​ന്തൊ​രു പ്ര​ചോ​ദ​ന​മാ​യി​രി​ക്കും അ​വ​ന്‍റെ ക​ഥ കേ​ൾ​ക്കു​ന്ന​ത്...

ന​മീ​ബി​യ​യു​ടെ ത​ല​സ്ഥാ​ന​മാ​യ വി​ൻ​ഡോ​ക്കി​ൽ​നി​ന്നു ദ​ക്ഷി​ണാ​ഫ്രി​ക്ക​ൻ ത​ല​സ്ഥാ​ന​മാ​യ കേ​പ്ടൗ​ണി​ലേ​ക്കാ​യി​രു​ന്നു യാ​ത്ര. 1,500 കി​ലോ​മീ​റ്റ​ർ ദൂ​ര​മു​ണ്ട്. ഇ​ന്ന​ലെ പാ​തി ദൂ​രം പി​ന്നി​ട്ടു. സി​എം​ഐ സ​ഭാം​ഗം ത​ന്നെ​യാ​യ ഫാ. ​ജോ​ഷി പാ​റാം​തോ​ട്ട് ആ​ണ് കൂ​ട്ടി​നു​ള്ള​ത്.

പോ​കു​ന്ന വ​ഴി​യി​ൽ പ​ല​രും ലി​ഫ്റ്റ് ചോ​ദി​ക്കാ​റു​ണ്ടെ​ങ്കി​ലും അ​പ​രി​ചി​ത​രാ​യ ആ​ളു​ക​ളെ വ​ണ്ടി​യി​ൽ ക​യ​റ്റു​ന്ന​തു സു​ര​ക്ഷി​ത​മ​ല്ലാ​ത്ത​തി​നാ​ൽ ജാ​ഗ്ര​ത​യോ​ടെ​യാ​ണ് യാ​ത്ര. രാ​വി​ലെ യാ​ത്ര തു​ട​ങ്ങി അ​ല്പ​സ​മ​യം ക​ഴി​ഞ്ഞ​പ്പോ​ൾ​ത്ത​ന്നെ ദ​ക്ഷി​ണാ​ഫ്രി​ക്ക​ൻ അ​തി​ർ​ത്തി ക​ട​ന്നു. ഹൈ​വേ​യി​ലൂ​ടെ കാ​ർ മു​ന്നോ​ട്ടു നീ​ങ്ങ​വേ​യാ​ണ് അ​ല്പം മു​ന്നി​ൽ വ​ഴി​യോ​ര​ത്തു​നി​ന്നൊ​രാ​ൾ ലി​ഫ്റ്റ് ചോ​ദി​ച്ചു കൈ ​ഉ​യ​ർ​ത്തി​യ​ത്.

തി​ക​ച്ചും അ​പ​രി​ചി​ത​മാ​യ സ്ഥ​ല​വും സാ​ഹ​ച​ര്യ​ങ്ങ​ളു​മാ​യ​തി​നാ​ൽ നി​ർ​ത്താ​തെ മു​ന്നോ​ട്ടു​പോ​യേ​ക്കാ​മെ​ന്നു കു​രു​തി ആ​ക്സി​ലേ​റ്റ​റി​ലേ​ക്ക് കാ​ൽ അ​മ​ർ​ത്താ​നൊ​രു​ങ്ങു​ന്പോ​ഴാ​ണ് ശ്ര​ദ്ധി​ച്ച​ത്, ലി​ഫ്റ്റ് ചോ​ദി​ച്ച ചെ​റു​പ്പ​ക്കാ​ര​ൻ ഒ​രു വീ​ൽ ചെ​യ​റി​ലാ​ണ് ഇ​രി​ക്കു​ന്ന​ത്. കൂ​ടെ ആ​രെ​യും കാ​ണാ​നു​മി​ല്ല. അ​തു ക​ണ്ട​തോ​ടെ മു​ന്നോ​ട്ടു​പോ​കാ​നാ​വാ​തെ ആ​രോ ഉ​ള്ളി​ൽ​പി​ടി​ച്ചു വ​ലി​ക്കു​ന്ന​തു​പോ​ലെ... എ​ന്തു ചെ​യ്യ​ണ​മെ​ന്ന മ​ട്ടി​ൽ ജോ​ഷി​യ​ച്ച​ന്‍റെ മു​ഖ​ത്തേ​ക്കു നോ​ക്കി. വീ​ൽ ചെ​യ​റി​ൽ ഇ​രി​ക്കു​ന്ന യു​വാ​വി​നെ ക​ണ്ട് അ​ദ്ദേ​ഹ​വും അ​ന്പ​ര​ന്നി​രി​ക്കു​ന്നു.

ലി​ഫ്റ്റ് ചോ​ദി​ച്ച​പ്പോ​ൾ

വ​ണ്ടി നി​ർ​ത്തി കാ​ര്യം ചോ​ദി​ച്ചി​ട്ടു പോ​കാ​മെ​ന്ന​താ​ണ് ആ ​മു​ഖം ത​ന്നോ​ടു പ​റ​യു​ന്ന​തെ​ന്നു മ​ന​സി​ലാ​ക്കി​യ ഞാ​ൻ വീ​ൽ ചെ​യ​റി​നോ​ടു ചേ​ർ​ന്നു പാ​ത​യോ​ര​ത്തേ​ക്കു വാ​ഹ​ന​മൊ​തു​ക്കി. കാ​റി​ൽ​നി​ന്ന് ഇ​റ​ങ്ങു​ന്ന​തു മു​ന്പ് പ​രി​സ​ര​മെ​ല്ലാം ഒ​ന്നോ​ടി​ച്ചു വീ​ക്ഷി​ച്ചു. സം​ശ​യാ​സ്പ​ദ​മാ​യി ഒ​ന്നും കാ​ണു​ന്നി​ല്ല.

ഗ്ലാ​സ് താ​ഴ്ത്തി വീ​ൽ ചെ​യ​റി​ൽ ഇ​രി​ക്കു​ന്ന ചെ​റു​പ്പ​ക്കാ​ര​നോ​ടു സം​സാ​രി​ച്ചു. താ​നൊ​രു സ​ഞ്ചാ​രി​യാ​ണെ​ന്നും കേ​പ്ടൗ​ണി​ലേ​ക്ക് ഒ​രു ലി​ഫ്റ്റ് വേ​ണ​മെ​ന്നും ലി​ഫ്റ്റ് വാ​ങ്ങി​യാ​ണ് ഇ​വി​ടം വ​രെ എ​ത്തി​യ​തെ​ന്നും അ​ദ്ദേ​ഹം പ​റ​ഞ്ഞു. അ​ത്യാ​വ​ശ്യ വി​വ​ര​ങ്ങ​ളൊ​ക്കെ അ​ന്വേ​ഷി​ച്ച​പ്പോ​ൾ ആ​ൾ പ​റ​യു​ന്ന​തു വി​ശ്വ​സി​ക്കാ​മെ​ന്നു തോ​ന്നി.

അ​ങ്ങ​നെ ഡോ​ർ തു​റ​ന്നു. ലി​ഫ്റ്റ് കി​ട്ടി​യ ആ​ശ്വാ​സ​ത്തോ​ടെ വീ​ൽ ചെ​യ​റി​ൽ​നി​ന്ന് ആ ​ചെ​റു​പ്പ​ക്കാ​ര​ൻ കൈ ​കു​ത്തി താ​ഴേ​യ്ക്ക് ഇ​റ​ങ്ങി. വീ​ൽ ചെ​യ​ർ കൈ​കൊ​ണ്ടു ത​ന്നെ മ​ട​ക്കി. കൈ​കു​ത്തി നി​ര​ങ്ങി​യെ​ത്തി​യ അ​ദ്ദേ​ഹം പ്ര​ത്യേ​ക വി​രു​തോ​ടെ ത​നി​യെ കാ​റി​ന്‍റെ സീ​റ്റി​ലേ​ക്കു പി​ടി​ച്ചു​ക​യ​റി ഇ​രു​ന്നു. തു​ട​ർ​ന്ന് പു​റ​ത്തി​റ​ങ്ങി​യ ജോ​ഷി​യ​ച്ച​ൻ യു​വാ​വി​ന്‍റെ വീ​ൽ ചെ​യ​ർ എ​ടു​ത്തു കാ​റി​നു​ള്ളി​ലേ​ക്കു മ​ട​ക്കി​ക്ക​യ​റ്റി​വ​ച്ചു.

ഇ​ങ്ങ​നെ​യും സ​ഞ്ചാ​രി!

ന​മീ​ബീ​യ​യി​ൽ ത​ത്വ​ശാ​സ്ത്രം പ​ഠി​പ്പി​ക്കു​ന്ന വൈ​ദി​ക​രാ​ണ് ത​ങ്ങ​ളെ​ന്നു പ​റ​ഞ്ഞ​തോ​ടെ യു​വാ​വി​നും ആ​വേ​ശം. കാ​ര​ണം അ​വ​ൻ ത​ത്വ​ശാ​സ്ത്ര​ത്തി​ൽ ബി​രു​ദ​ധാ​രി​യാ​ണ്. സ​ഞ്ചാ​രി​യെ​ന്നാ​ണ് പ​രി​ച​യ​പ്പെ​ടു​ത്തി​യ​ത്.

പ​ക്ഷേ, ഒ​രു സ​ഞ്ചാ​രി കൈ​യി​ൽ ക​രു​തു​ന്ന​തു​പോ​ലെ​യു​ള്ള ബാ​ഗും കാ​ര്യ​ങ്ങ​ളു​മൊ​ന്നും കൈ​വ​ശം കാ​ണു​ന്ന​തു​മി​ല്ല. ഇ​ക്കാ​ര്യം ആ​കാം​ക്ഷ​യോ​ടെ ഞ​ങ്ങ​ൾ ചോ​ദി​ച്ച​പ്പോ​ൾ അ​വ​ൻ പ​റ​ഞ്ഞ​തു കേ​ട്ട് ഞ​ങ്ങ​ൾ അ​വി​ശ്വ​സ​നീ​യ​ത​യോ​ടെ അ​വ​നെ നോ​ക്കി. കൈ​യി​ൽ പ​ണ​മി​ല്ല, കൂ​ട്ടാ​ളി​ക​ളി​ല്ല, ല​ഗേ​ജ് ഇ​ല്ല... ഇ​തൊ​ന്നു​മി​ല്ലാ​തെ ഏ​താ​നും വ​ർ​ഷ​ങ്ങ​ളാ​യി ലോ​ക​രാ​ജ്യ​ങ്ങ​ൾ സ​ഞ്ച​രി​ച്ചു​കൊ​ണ്ടി​രി​ക്കു​ക​യാ​ണ് ഈ ​യു​വാ​വ്.

അ​തും ഒ​രു വീ​ൽ​ചെ​യ​റി​ൽ. തു​ട​ർ​ന്ന് അ​വ​ൻ ത​ന്‍റെ മൊ​ബൈ​ൽ ഫോ​ൺ എ​ടു​ത്തു. ഗൂ​ഗി​ളി​ൽ എ​ന്തോ ടൈ​പ്പ് ചെ​യ്തി​ട്ടു ഞ​ങ്ങ​ൾ​ക്കു നേ​രേ നീ​ട്ടി. ആ ​സ്ക്രീ​നി​ൽ തെ​ളി​ഞ്ഞ പേ​ര് ക​ണ്ട് ഞ​ങ്ങ​ൾ അ​ദ്ഭു​ത​ത്തോ​ടെ​യി​രു​ന്നു, ആ​ൽ​ബ​ർ​ട്ട് കാ​സ​ൽ​സ്! ഈ ​പേ​രും ഇ​തു​മാ​യി ബ​ന്ധ​പ്പെ​ട്ട കു​റെ വാ​ർ​ത്ത​ക​ളും വീ​ഡി​യോ​ക​ളു​മാ​ണ് സ്ക്രീ​നി​ൽ തെ​ളി​ഞ്ഞ​ത്.

വി​സ്മ​യ ജീ​വി​തം

ആ​ൽ​ബ​ർ​ട്ട് കാ​സ​ൽ​സ് എ​ന്നു കേ​ട്ട​പ്പോ​ൾ​ത്ത​ന്നെ എ​വി​ടെ​യോ വാ​യി​ക്കു​ക​യും കാ​ണു​ക​യും ചെ​യ്തി​ട്ടു​ള്ള​ത് ഒാ​ർ​മ​യി​ലേ​ക്കു വ​ന്നു. നി​സാ​ര പു​ള്ളി​യ​ല്ല ലി​ഫ്റ്റ് ചോ​ദി​ച്ചു കാ​റി​ൽ ക​യ​റി​യി​രി​ക്കു​ന്ന​ത്. അ​ഞ്ചാം വ​യ​സി​ൽ ര​ക്താ​ർ​ബു​ദം ബാ​ധി​ച്ച​തി​നെ​ത്തു​ട​ർ​ന്നു ജീ​വി​തം വീ​ൽ ചെ​യ​റി​ലാ​യ യു​വാ​വ്.

ഏ​തെ​ങ്കി​ലു​മൊ​രു വീ​ട്ടി​ലെ ഇ​രു​ണ്ട​മു​റി​യി​ൽ ശി​ഷ്ട​കാ​ലം ജീ​വി​ച്ചു​തീ​ർ​ക്കേ​ണ്ടി വ​രു​മാ​യി​രു​ന്ന ആ​ൾ... എ​ന്നാ​ൽ, ഇ​ന്നു രാ​ജ്യ​ങ്ങ​ളി​ൽ​നി​ന്നു രാ​ജ്യ​ങ്ങ​ളി​ലേ​ക്കു സ​ഞ്ച​രി​ച്ചു​കൊ​ണ്ടി​രി​ക്കു​ന്നു ഈ ​ചെ​റു​പ്പ​ക്കാ​ര​ൻ! അ​തും ത​ന്‍റെ വീ​ൽ​ചെ​യ​റി​ൽ. യൂ​ണി​വേ​ഴ്സി​റ്റി​ക​ളി​ലേ​ക്കും സെ​മി​നാ​റു​ക​ളി​ലേ​ക്കും പ്ര​ചോ​ദ​നാ​ത്മ​ക പ്ര​ഭാ​ഷ​ണ​ങ്ങ​ൾ ന​ട​ത്താ​ൻ ക്ഷ​ണി​ക്ക​പ്പെ​ട്ടു​കൊ​ണ്ടി​രി​ക്കു​ന്നു.

മാ​ധ്യ​മ​ങ്ങ​ളി​ൽ ഇ​ദ്ദേ​ഹ​ത്തെ​ക്കു​റി​ച്ചു​ള്ള ഫീ​ച്ച​റു​ക​ൾ വ​രു​ന്നു. ആ​രെ​യും അ​ദ്ഭു​ത​പ്പെ​ടു​ത്തു​ക​യും പ്ര​ചോ​ദി​പ്പി​ക്കു​ക​യും ചെ​യ്യു​ന്ന​താ​ണ് ആ​ൽ​ബ​ർ​ട്ട് കാ​സ​ൽ​സി​ന്‍റെ ജീ​വി​തം. ഈ ​ചെ​റു​പ്പ​ക്കാ​ര​നെ​യും അ​വ​ന്‍റെ യാ​ത്ര​ക​ളെ​യും​കു​റി​ച്ച് 2013ൽ ​ഇ​റ​ങ്ങി​യ ക​റ്റാ​ല​ൻ ഡോ​ക്കു​മെ​ന്‍റ​റി ചി​ത്ര​മാ​ണ് ലി​റ്റി​ൽ വേ​ൾ​ഡ്.

വെ​റും കൈ​യോ​ടെ

അ​വ​ന്‍റെ ലോ​ക യാ​ത്ര​ക​ളാ​ണ് എ​പ്പോ​ഴും സം​സാ​ര​വി​ഷ​യം. കൈ​യി​ൽ ഒ​ന്നും ക​രു​താ​തെ​യാ​ണ് ഏ​തു യാ​ത്ര​യ്ക്കും ആ​ൽ​ബ​ർ​ട്ട് ബാ​ഴ്സ​ലോ​ണ​യി​ലെ ത​ന്‍റെ വീ​ട്ടി​ൽ​നി​ന്ന് ഇ​റ​ങ്ങി​പ്പു​റ​പ്പെ​ടു​ക. സാ​ധാ​ര​ണ മ​നു​ഷ്യ​രെ സം​ബ​ന്ധി​ച്ചു ചി​ന്തി​ക്കാ​ൻ പോ​ലു​മാ​വാ​ത്ത കാ​ര്യം. ഒ​രു ചെ​റി​യ ട്രി​പ്പി​നു പോ​കു​ന്ന​തി​നു പോ​ലും ആ​ഴ്ച​ക​ൾ​ക്കു മു​ന്പേ ത​യാ​റെ​ടു​പ്പു​ക​ൾ തു​ട​ങ്ങു​ന്ന​വ​രാ​ണ് ബ​ഹു​ഭൂ​രി​പ​ക്ഷം പേ​രും.

ആ​വ​ശ്യ​മാ​യ സാ​ധ​ന​ങ്ങ​ളും പ​ണ​വും വ​സ്ത്ര​ങ്ങ​ളു​മൊ​ക്കെ എ​ടു​ത്തി​ട്ടു​ണ്ടോ​യ​ന്ന് പ​ല​വ​ട്ടം ഉ​റ​പ്പാ​ക്കും. എ​ന്തെ​ങ്കി​ലും ആ​വ​ശ്യം വ​ന്നേ​ക്കു​മോ​യെ​ന്നു ക​രു​തി അ​ത്യാ​വ​ശ്യ​മി​ല്ലാ​ത്ത കാ​ര്യ​ങ്ങ​ൾ പോ​ലും ക​രു​തും. പ​റ്റു​മെ​ങ്കി​ൽ യാ​ത്ര ചെ​ല്ലു​ന്നി​ട​ത്ത് ഒ​രാ​വ​ശ്യം വ​ന്നാ​ൽ ബ​ന്ധ​പ്പെ​ടാ​ൻ ക​ഴി​യു​ന്ന ബ​ന്ധു​ക്ക​ളു​ടെ​യും സു​ഹൃ​ത്തു​ക്ക​ളു​ടെ​യു​മൊ​ക്കെ ഫോ​ൺ ന​ന്പ​രും വി​വ​ര​ങ്ങ​ളും ശേ​ഖ​രി​ച്ചു​വ​യ്ക്കും.

താ​മ​സി​ക്കാ​നു​ള്ള സൗ​ക​ര്യം നേ​ര​ത്തേ ഉ​റ​പ്പാ​ക്കും. ഇ​ങ്ങ​നെ നൂ​റു​കൂ​ട്ടം കാ​ര്യ​ങ്ങ​ൾ ചെ​യ്തു​വ​ച്ചി​ട്ട് യാ​ത്ര​യ്ക്കു പോ​കു​ന്ന​വ​ർ​ക്ക് ആ​ൽ​ബ​ർ​ട്ടി​ന്‍റെ യാ​ത്ര​ക​ൾ അ​വി​ശ്വ​സ​നീ​യ​മാ​യി തോ​ന്നി​യി​ല്ലെ​ങ്കി​ലേ അ​തി​ശ​യ​മു​ള​ളൂ. ധ​രി​ച്ചി​രി​ക്കു​ന്ന വേ​ഷ​വും ത​ന്‍റെ മൊ​ബൈ​ൽ ഫോ​ണും വീ​ൽ ചെ​യ​റു​മാ​യി​ട്ടാ​ണ് ഈ ​സ​ഞ്ചാ​രി യാ​ത്ര തു​ട​ങ്ങു​ന്ന​ത്.

ഏ​തു വ​ഴി പോ​കു​മെ​ന്നോ എ​വി​ടെ കി​ട​ക്കു​മെ​ന്നോ എ​ന്തു ക​ഴി​ക്കു​മെ​ന്നോ എ​ന്തു ധ​രി​ക്കു​മെ​ന്നോ ആ​രു സ​ഹാ​യി​ക്കു​മെ​ന്നോ എ​ന്നി​ങ്ങ​നെ ഒ​ന്നി​നെ​ക്കു​റി​ച്ചും ഒ​രാ​കു​ല​ത​ക​ളു​മി​ല്ലാ​തെ ഒ​റ്റ​പ്പോ​ക്കാ​ണ്. ഒാ​രോ വ​ർ​ഷ​വും ഏ​താ​നും മാ​സ​ങ്ങ​ൾ ആ​ൽ​ബ​ർ​ട്ട് യാ​ത്ര​യി​ലാ​യി​രി​ക്കും. യൂ​റോ​പ്പ്, തെ​ക്കു​കി​ഴ​ക്ക​ൻ ഏ​ഷ്യ, ലാ​റ്റ​ന​മേ​രി​ക്ക, ജ​പ്പാ​ൻ, ന്യൂ​സി​ല​ൻ​ഡ്, ആ​ഫ്രി​ക്ക​യു​ടെ ചി​ല ഭാ​ഗ​ങ്ങ​ൾ എ​ല്ലാം ഇ​തി​ന​കം പി​ന്നി​ട്ടു ക​ഴി​ഞ്ഞു.

ചോ​ദി​ച്ച് ചോ​ദി​ച്ച് പോ​കും!

അ​ദ്ദേ​ഹ​ത്തി​ന്‍റെ യാ​ത്ര​യു​ടെ രീ​തി​ക​ൾ ആ​രെ​യും അ​ന്പ​ര​പ്പി​ക്കും. ലി​ഫ്റ്റ് ചോ​ദി​ച്ചാ​ണ് ഏ​താ​ണ്ട് മു​ഴു​വ​ൻ യാ​ത്ര​ക​ളും. ചി​ല​പ്പോ​ൾ പോ​കു​ന്ന വ​ഴി​ക്ക് ആ​രെ​ങ്കി​ലു​മൊ​ക്കെ ബ​സ് ടി​ക്ക​റ്റും മ​റ്റും എ​ടു​ത്തു​കൊ​ടു​ക്കും. ചി​ല​രൊ​ക്കെ കൂ​ടെ​ക്കൂ​ട്ടും. മ​റ്റു ചി​ല​ർ അ​വ​ഗ​ണി​ച്ചു ക​ട​ന്നു​പോ​കും. എ​ങ്കി​ലും ആ​ൽ​ബ​ർ​ട്ടി​ന് പ​രാ​തി​യി​ല്ല.

വി​ശ​ക്കു​ന്പോ​ൾ ഭ​ക്ഷ​ണം ആ​രോ​ടെ​ങ്കി​ലു​മൊ​ക്കെ ചോ​ദി​ച്ചു​വാ​ങ്ങി ക​ഴി​ക്കും. ചി​ല​പ്പോ​ൾ മ​റ്റു​ള്ള​വ​ർ ഉ​പ​യോ​ഗി​ക്കാ​തെ മി​ച്ചം​വ​ച്ച ഭ​ക്ഷ​ണ​മാ​യി​രി​ക്കും ക​ഴി​ക്കു​ക. കി​ട​ക്കാ​ൻ അ​ങ്ങ​നെ പ്ര​ത്യേ​കി​ച്ച് ഇ​ട​മൊ​ന്നു​മി​ല്ല. സൗ​ക​ര്യ​മൊ​ക്കു​ന്നി​ട​ത്തു കി​ട​ക്കും. തെ​രു​വു​ക​ളി​ലും ക​ട​ത്തി​ണ്ണ​ക​ളി​ലും പാ​ർ​ക്കു​ക​ളി​ലും ഹോ​ട്ട​ൽ ഇ​ട​നാ​ഴി​ക​ളി​ലും വീ​ടു​ക​ളി​ലു​മൊ​ക്കെ ആ​ൽ​ബ​ർ​ട്ട് ന​ല്ല സു​ഖ​മാ​യി കി​ട​ന്നു​റ​ങ്ങി​യി​ട്ടു​ണ്ട്.

മി​ക്ക​വാ​റും ഉ​റ​ക്കം ഏ​തെ​ങ്കി​ലും പൊ​തു​സ്ഥ​ല​ത്തു സ്ലീ​പ്പിം​ഗ് ബാ​ഗി​നു​ള്ളി​ൽ ആ​യി​രി​ക്കും. വി​വി​ധ രാ​ജ്യ​ങ്ങ​ളി​ലൂ​ടെ​യു​ള്ള യാ​ത്ര​ക​ൾ​ക്കി​ട​യി​ൽ അ​വ​ന്‍റെ ര​ണ്ടു മാ​തൃ​ഭാ​ഷ​ക​ൾ കൂ​ടാ​തെ ഇം​ഗ്ലീ​ഷ്, ഫ്ര​ഞ്ച്, ഇ​റ്റാ​ലി​യ​ൻ, ജാ​പ്പ​നീ​സ് ഭാ​ഷ​ക​ളൊ​ക്കെ സം​സാ​രി​ക്കാ​ൻ പ​ഠി​ച്ചു.

അ​പ​ക​ട​ങ്ങ​ളെ പേ​ടി​ക്കാ​തെ

അ​ഞ്ചാം വ​യ​സി​ൽ ര​ക്താ​ർ​ബു​ദം തി​രി​ച്ച​റി​ഞ്ഞ​തി​നെ​ത്തു​ട​ർ​ന്ന് ആ​ദ്യ​ത്തെ മൂ​ന്നു​വ​ർ​ഷം ആ​ശു​പ​ത്രി​യി​ൽ ത​ന്നെ​യാ​യി​രു​ന്നു വാ​സം. ചി​കി​ത്സ​യു​ടെ ഇ​ട​യി​ൽ അ​ര​യ്ക്കു താ​ഴേ​ക്കു ശ​രീ​രം ത​ള​ർ​ന്നു. എ​ങ്കി​ലും മ​ന​സു ത​ള​ർ​ന്നി​ല്ല. അ​വ​നു യാ​ത്ര പ്രി​യ​മാ​ണെ​ന്ന് മ​ന​സി​ലാ​ക്കി​യ മാ​താ​പി​താ​ക്ക​ൾ ത​ന്നെ​യാ​യി​രു​ന്നു ആ​ദ്യം യാ​ത്ര​ക​ൾ​ക്കു കൊ​ണ്ടു​പോ​യ​ത്.

പ​തി​ന​ഞ്ച് വ​യ​സ് ആ​യ​തോ​ടെ ത​ന്നെ യാ​ത്ര​ക​ൾ തു​ട​ങ്ങി. ബ്ര​സ​ൽ​സി​ലേ​ക്കാ​യി​രു​ന്നു ആ​ദ്യ​ത്തെ യാ​ത്ര. 12 വ​ർ​ഷ​ങ്ങ​ൾ​ക്കൊ​ണ്ട് 105 രാ​ജ്യ​ങ്ങ​ൾ ഈ ​വീ​ൽ ചെ​യ​ർ പി​ന്നി​ട്ടു ക​ഴി​ഞ്ഞു. സ്പെ​യി​നി​ൽ​നി​ന്ന് ഇ​സ്ര​യേ​ൽ വ​ഴി ഈ​ജി​പ്തി​ൽ എ​ത്തി. അ​വി​ടെ​നി​ന്നു പ​ല രാ​ജ്യ​ങ്ങ​ൾ ക​ട​ന്നാ​ണ് ഇ​പ്പോ​ൾ ദ​ക്ഷി​ണാ​ഫ്രി​ക്ക​യി​ൽ എ​ത്തി​യി​രി​ക്കു​ന്ന​ത്.

ആ​ദ്യ കാ​ല​ങ്ങ​ളി​ൽ സാ​ഹ​സി​ക​ത​യാ​യി​രു​ന്നു ന​യി​ച്ചു​കൊ​ണ്ടി​രു​ന്ന​തെ​ങ്കി​ൽ ഇ​പ്പോ​ൾ വ്യ​ത്യ​സ്ത​മാ​യ ജീ​വി​താ​നു​ഭ​വ​ങ്ങ​ളാ​ണ് ആ​വേ​ശം ന​ൽ​കു​ന്ന​തെ​ന്ന് ആ​ൽ​ബ​ർ​ട്ട് പ​റ​യു​ന്നു. ചെ​ന്നെ​ത്തു​ന്ന​ത് എ​ത്ര അ​പ​ക​ടം പി​ടി​ച്ച സാ​ഹ​ച​ര്യ​ങ്ങ​ളി​ലാ​ണെ​ങ്കി​ലും അ​ത് ഉ​പ​യോ​ഗ​പ്പെ​ടു​ത്തു​ക​യെ​ന്ന​തും ആ​ൽ​ബ​ർ​ട്ടി​ന്‍റെ രീ​തി​യാ​ണ്.

കൊ​ളം​ബി​യ​യി​ൽ​നി​ന്നു പാ​ന​മ​യി​ലേ​ക്കു ക​ള്ള​ക്ക​ട​ത്തു​കാ​രോ​ടൊ​പ്പം യാ​ത്ര ചെ​യ്തി​ട്ടു​ണ്ട്. ക​ള്ള​ൻ​മാ​രോ​ടും മ​യ​ക്കു​മ​രു​ന്നു വി​ല്പ​ന​ക്കാ​രോ​ടു​മൊ​പ്പം താ​ൻ താ​മ​സി​ച്ചി​ട്ടു​ണ്ടെ​ന്ന് ആ​ൽ​ബ​ർ​ട്ട് പ​റ​യു​ന്നു. മ​ത്സ്യ​ത്തൊ​ഴി​ലാ​ളി​ക​ളോ​ടൊ​പ്പം താ​മ​സി​ക്കു​ന്പോ​ൾ അ​വ​ർ​ക്കൊ​പ്പം ക​ട​ലി​ൽ പോ​കാ​നും മ​ടി​ച്ചി​ട്ടി​ല്ല.

ഒ​രി​ക്ക​ൽ ച​ങ്ങാ​ട​ത്തി​ൽ ലാ​റ്റ​ന​മേ​രി​ക്ക​ൻ മ​ഴ​ക്കാ​ടു​ക​ളി​ലൂ​ടെ പോ​യ​പ്പോ​ൾ ന​ദി​യി​ൽ വീ​ണു. അ​ന്നു കൂ​ടെ​യു​ണ്ടാ​യി​രു​ന്ന മ​യ​ക്കു​മ​രു​ന്നു വ്യാ​പാ​രി​ക​ളാ​ണ് ര​ക്ഷ​പ്പെ​ടു​ത്തി​യ​ത​ത്രേ. ഇ​ങ്ങ​നെ​യൊ​ക്കെ​യാ​ണെ​ങ്കി​ലും യാ​ത്ര പോ​കു​ന്നി​ട​ത്തെ ഫോ​ട്ടോ​ക​ളെ​ടു​ക്കു​ന്ന രീ​തി ആ​ൽ​ബ​ർ​ട്ടി​നി​ല്ല. നേ​രി​ട്ടു​കാ​ണു​ന്ന കാ​ഴ്ചാ​നു​ഭ​വം ഫോ​ട്ടോ ന​ൽ​കി​ല്ലെ​ന്ന​താ​ണ് അ​തി​ന്‍റെ ന്യാ​യം.

സൗ​ജ​ന്യ​മാ​യി പോ​കു​ന്പോ​ൾ

ഉ​റ​ക്കം, താ​മ​സം, ഭ​ക്ഷ​ണം ഈ ​മൂ​ന്നു കാ​ര്യ​ങ്ങ​ളാ​ണ് ഒ​രാ​ളു​ടെ യാ​ത്ര​യെ ചെ​ല​വേ​റി​യ​താ​ക്കി മാ​റ്റു​ന്ന​തെ​ന്ന് ആ​ൽ​ബ​ർ​ട്ട് പ​റ​യു​ന്നു. ഈ ​മൂ​ന്നു കാ​ര്യ​ങ്ങ​ൾ​ക്കു​ള്ള ക്ര​മീ​ക​ര​ണം പോ​കു​ന്ന​വ​ഴി​ത​ന്നെ സാ​ധ്യ​മാ​ക്കു​ന്ന​തോ​ടെ യാ​ത്ര​ക​ൾ സൗ​ജ​ന്യ​മാ​യി മാ​റി​യെ​ന്നു പ​റ​യാം. മാ​ത്ര​മ​ല്ല, അ​വ​യെ​ക്കു​റി​ച്ച് ആ​ലോ​ചി​ച്ച് ടെ​ൻ​ഷ​ൻ ക​യ​റു​ക​യും വേ​ണ്ട.

ഒ​രു ടൂ​റി​സ്റ്റി​നെ പോ​ലെ ഞാ​ൻ യാ​ത്ര ചെ​യ്തി​രു​ന്നു എ​ങ്കി​ൽ എ​ന്‍റെ പോ​ക്ക​റ്റി​ൽ​നി​ന്നു യാ​ത്ര​യ്ക്കും ഭ​ക്ഷ​ണ​ത്തി​നും താ​മ​സ​ത്തി​നും ഒ​ക്കെ ഞാ​ൻ പ​ണം ചെ​ല​വാ​ക്കേ​ണ്ടി വ​ന്നേ​നെ. അ​ങ്ങ​നെ​യാ​യാ​ൽ ഞാ​ൻ എ​ത്ര യാ​ത്ര ചെ​യ്താ​ലും എ​ന്‍റെ ലോ​ക​ത്തു​ത​ന്നെ ആ​യി​രി​ക്കും.

ചു​റ്റു​മു​ള്ള മ​നു​ഷ്യ​രു​ടെ ജീ​വി​താ​നു​ഭ​വ​ങ്ങ​ൾ ന​ഷ്ട​മാ​യേ​നെ. അ​വ​രോ​ടൊ​പ്പം അ​വ​രു​ടെ വാ​ഹ​ന​ത്തി​ൽ യാ​ത്ര ചെ​യ്തും അ​വ​രു​ടെ ഭ​ക്ഷ​ണം പ​ങ്കി​ട്ടെ​ടു​ത്തും അ​വ​രി​ൽ ചി​ല​രു​ടെ വീ​ട്ടി​ൽ അ​ന്തി​യു​റ​ങ്ങി​യു​മൊ​ക്കെ​യാ​ണ് ഞാ​ൻ അ​വ​രു​ടെ ജീ​വി​താ​നു​ഭ​വ​ങ്ങ​ളെ സ്വ​ന്ത​മാ​ക്കി​യ​ത്.

ഇ​ങ്ങ​നെ പ​റ​ന്നു​ന​ട​ന്നു സ്വ​ന്ത​മാ​ക്കി​യ അ​നു​ഭ​വ​ങ്ങ​ളെ പു​സ്ത​ക​ങ്ങ​ളാ​യും മ​റ്റും മ​റ്റു​ള്ള​വ​ർ​ക്കു പ​ങ്കു​വ​യ്ക്കു​ക​യാ​ണ് പ്ര​ചോ​ദ​ന​ത്തി​ന്‍റെ സ്വ​ർ​ണ​ച്ചി​റ​കു​ള്ള ഈ ​ദേ​ശാ​ട​ന പ​ക്ഷി.

ആ​ന്‍റോ തു​ണ്ടു​പ​റ​ന്പി​ൽ സി​എം​ഐ