റോഡ് നിർമിക്കാൻ നൽകിയ ഭൂമി വേറുതേ കിടക്കുന്നു
Monday, July 8, 2024 7:11 AM IST
പെ​രു​വ: 23 വ​ര്‍ഷം മു​മ്പ് റോ​ഡ് നി​ര്‍മി​ക്കാ​ന്‍ നാ​ട്ടു​കാ​ര്‍ ന​ല്‍കി​യ ഭൂ​മി വെ​റു​തേ കി​ട​ക്കു​ന്നു. റോ​ഡി​നാ​ണ് ഭൂ​മി സൗ​ജ​ന്യ​മാ​യി ന​ല്‍കി​യ​തെ​ങ്കി​ലും ര​ണ്ടു പ​തി​റ്റാ​ണ്ട് ക​ഴി​ഞ്ഞി​ട്ടും റോ​ഡി​ല്ലെ​ന്നു​മാ​ത്ര​മ​ല്ല, കൊ​ടു​ത്ത ഭൂ​മി പാ​ഴാ​വു​ക​യും ചെ​യ്തു. റോ​ഡി​ന്‍റെ മ​റു​വ​ശ​ത്ത് പ​കു​തി​യോ​ളം ദൂ​ര​ത്തി​ല്‍ നി​ര്‍മാ​ണ പ്ര​വ​ര്‍ത്ത​ന​ങ്ങ​ൾ ന​ട​ത്തി​യി​രു​ന്നു. 400 മീ​റ്റ​റോ​ളം വ​രു​ന്ന ഭാ​ഗം കൂ​ടി പൂ​ര്‍ത്തി​യാ​ക്കാ​നാ​യാ​ല്‍ നി​ര​വ​ധി വീ​ട്ടു​കാ​ര്‍ക്കു വ​ഴി​യാ​കും.

കാ​ല​ങ്ങ​ളാ​യി വെ​റു​തെ​കി​ട​ക്കു​ന്ന ഭൂ​മി​യി​ലൂ​ടെ കാ​ല്‍ന​ട​യാ​ത്ര പോ​ലും ചെ​യ്യാ​ന്‍ ക​ഴി​യാ​തെ വി​ഷ​മി​ക്കു​ക​യാ​ണ് നാ​ട്ടു​കാ​ര്‍. മു​ള​ക്കു​ളം പ​ഞ്ചാ​യ​ത്തി​ലെ ഏ​ഴാം വാ​ര്‍ഡി​ല്‍ കു​ന്ന​പ്പി​ള​ളി പാ​ന​ന​ട - മാ​ളി​ക​ത്താ​ഴം റോ​ഡാ​ണ് നി​ര്‍മാ​ണം മു​ട​ങ്ങി​ക്കി​ട​ക്കു​ന്ന​ത്. പാ​ന​ന​ട​യി​ല്‍നി​ന്നും പാ​ട​ത്തി​നു മ​ധ്യ​ഭാ​ഗ​ത്ത് കൂ​ടി​യാ​ണ് റോ​ഡ് ക​ട​ന്നു​പോ​കു​ന്ന​ത്.

2018ല്‍ ​ജി​ല്ലാ പ​ഞ്ചാ​യ​ത്തി​ന്‍റെ പ​ത്ത് ല​ക്ഷ​വും, പ​ഞ്ചാ​യ​ത്തി​ന്‍റെ മൂ​ന്ന് ല​ക്ഷം രൂ​പ​യും വി​നി​യോ​ഗി​ച്ചു തോ​ടി​ന് കു​റു​കെ പാ​ല​വും പാ​ന​ന​ട റോ​ഡി​ല്‍ നി​ന്നി​റ​ങ്ങു​ന്ന ഭാ​ഗ​ത്ത് ക​ലു​ങ്കും പൂ​ര്‍ത്തി​യാ​ക്കി​യി​രു​ന്നു. പി​ന്നീ​ടു​ വ​ന്ന ത്രി​ത​ല പ​ഞ്ചാ​യ​ത്ത് ഭ​ര​ണ​സ​മി​തി​ക​ള്‍ ഫ​ണ്ട് അ​നു​വ​ദി​ക്കാ​ത്ത​തി​നാ​ല്‍ നി​ര്‍മാ​ണം പൂ​ര്‍ത്തി​യാ​ക്കാ​നാ​യി​ല്ല.


റോ​ഡ് പോ​കു​ന്ന സ്ഥ​ലം പാ​ട​മാ​യ​തി​നാ​ല്‍ മ​ഴ പെ​യ്താ​ല്‍ ന​ട​ന്നു പോ​കാ​ന്‍ പോ​ലും ക​ഴി​യാ​തെ വി​ഷ​മി​ക്കു​ക​യാ​ണ് പ്ര​ദേ​ശ​വാ​സി​ക​ള്‍. റോ​ഡ് പൂ​ര്‍ത്തി​യാ​യാ​ല്‍ പെ​രു​വ​യി​ല്‍നി​ന്നു വ​രു​ന്ന​വ​ര്‍ക്ക് ശാ​ന്തി​പു​രം, ഞീ​ഴൂ​ര്‍, കു​റ​വി​ല​ങ്ങാ​ട്, പാ​റ​ശ്ശേ​രി തു​ട​ങ്ങി​യ പ്ര​ദേ​ശ​ങ്ങ​ളി​ലേ​ക്കു എ​ളു​പ്പ​ത്തി​ല്‍ എ​ത്താ​നാ​വും.

മു​പ്പ​തോ​ളം കു​ടും​ബ​ങ്ങ​ളാ​ണ് വ​ഴി​യു​ണ്ടാ​ക്കു​ന്ന​തി​നാ​യി സ്ഥ​ലം വി​ട്ടു​ന​ല്‍കി​യ​ത്. ഭൂ​മി സൗ​ജ​ന്യ​മാ​യി പ​ഞ്ചാ​യ​ത്തി​നെ​ഴു​തി ന​ല്‍കി​യി​ട്ടും നി​ര്‍മാ​ണം പൂ​ര്‍ത്തി​യാ​ക്കാ​ന്‍ ത്രി​ത​ല പ​ഞ്ചാ​യ​ത്ത് പ്ര​തി​നി​ധി​ക​ള്‍ ഒ​ന്നും ചെ​യ്യു​ന്നി​ല്ലെ​ന്നു പ്ര​ദേ​ശ​വാ​സി​ക​ള്‍ പ​റ​യു​ന്നു.