കു​ഴി​യി​ല്‍ വീ​ഴാ​തി​രി​ക്കാ​ൻ വെ​ട്ടി​ച്ച കാ​ര്‍ ഷോ​റൂ​മി​ലേ​ക്ക് പാ​ഞ്ഞു​ക​യ​റി
Saturday, September 28, 2024 8:28 AM IST
ഉ​ദു​മ: സം​സ്ഥാ​ന​പാ​ത​യ്ക്കു ന​ടു​വി​ലെ കു​ഴി​യി​ല്‍ വീ​ഴാ​തി​രി​ക്കാ​നാ​യി വെ​ട്ടി​ച്ച കാ​ര്‍ നി​യ​ന്ത്ര​ണം​വി​ട്ട് കാ​ര്‍ ഷോ​റൂ​മി​ലേ​ക്ക് പാ​ഞ്ഞു​ക​യ​റി. കാ​റി​ലു​ണ്ടാ​യി​രു​ന്ന ക​ര്‍​ണാ​ട​ക സ്വ​ദേ​ശി​ക​ളാ​യ ര​ണ്ടു​പേ​ര്‍​ക്ക് പ​രി​ക്കേ​റ്റു. ഷോ​റൂ​മി​ല്‍ നി​ര്‍​ത്തി​യി​ട്ടി​രു​ന്ന നാ​ലു കാ​റു​ക​ള്‍ ത​ക​ര്‍​ന്നു.

ഇ​ന്ന​ലെ പു​ല​ര്‍​ച്ചെ അ​ഞ്ചോ​ടെ കാ​ഞ്ഞ​ങ്ങാ​ട്-​കാ​സ​ര്‍​ഗോ​ഡ് സം​സ്ഥാ​ന​പാ​ത​യി​ലെ ഉ​ദു​മ പ​ള്ള​ത്താ​ണ് അ​പ​ക​ട​മു​ണ്ടാ​യ​ത്. ഉ​ദു​മ പാ​ക്യാ​ര സ്വ​ദേ​ശി പ്ര​വീ​ണി​ന്‍റെ ഉ​ട​മ​സ്ഥ​ത​യി​ലു​ള്ള എ​എ​ച്ച് യൂ​സ്ഡ് കാ​ര്‍​സ് എ​ന്ന സ്ഥാ​പ​ന​ത്തി​ലേ​ക്കാ​ണ് കാ​ര്‍ ഇ​ടി​ച്ചു​ക​യ​റി​യ​ത്. ഉ​ദു​മ പ​ഞ്ചാ​യ​ത്ത് ഓ​ഫീ​സി​നു സ​മീ​പ​ത്തെ ഒ​രു മീ​റ്റ​റോ​ളം വ്യാ​സ​മു​ള്ള കു​ഴി​യി​ല്‍ വീ​ഴാ​തി​രി​ക്കാ​ന്‍ ശ്ര​മി​ച്ച​പ്പോ​ഴാ​ണ് കാ​ര്‍ നി​യ​ന്ത്ര​ണം വി​ട്ട​ത്. അ​പ​ക​ടം പു​ല​ര്‍​ച്ചെ ആ​യ​തി​നാ​ലാ​ണ് ആ​ള​പാ​യം ഒ​ഴി​വാ​യ​ത്. ഇ​വി​ടെ കു​ഴി രൂ​പ​പ്പെ​ട്ടി​ട്ട് ര​ണ്ടു മാ​സം പി​ന്നി​ട്ടു. കു​ഴി​യു​ള്ള ഭാ​ഗ​ത്ത് ഫൈ​ബ​ര്‍ ബാ​രി​ക്കേ​ഡും ഒ​ഴി​ഞ്ഞ ടാ​ര്‍ വീ​പ്പ​യും ട്രാ​ഫി​ക് കോ​ണും വെ​യ്ക്കു​ക മാ​ത്ര​മാ​ണ് അ​ധി​കൃ​ത​ര്‍ ചെ​യ്ത​ത്.


അ​പ​ക​ട​ത്തി​ല്‍​പ്പെ​ട്ട കാ​ര്‍ ഇ​തെ​ല്ലാം ത​ട്ടി​ത്തെ​റി​പ്പി​ക്കു​ക​യും ചെ​യ്തു. നാ​ളി​തു​വ​രെ​യാ​യി​ട്ടും യാ​ത്ര​ക്കാ​രു​ടെ ജീ​വ​നു​ത​ന്നെ ഭീ​ഷ​ണി​യാ​യ ഈ ​പ്ര​ശ്‌​ന​ത്തി​ല്‍ ന​ട​പ​ടി സ്വീ​ക​രി​ക്കാ​ത്ത​തി​നെ​തി​രെ ശ​ക്ത​മാ​യ പ്ര​തി​ഷേ​ധ​മാ​ണു​യ​രു​ന്ന​ത്.