കണിയാപുരം ഉപജില്ല കലോത്സവം : തോന്നയ്ക്കല്‍ ഗവ.ഹയര്‍ സെക്കന്‍ഡറി സ്‌കൂളിന് ഓവറോള്‍ ചാമ്പ്യന്‍ഷിപ്പ്
1478313
Monday, November 11, 2024 6:43 AM IST
തിരുവനന്തപുരം: കഴിഞ്ഞ നാലു ദിവസങ്ങളിലായി തോന്നയ്ക്കല്‍ ഗവ. ഹയര്‍ സെക്കന്‍ഡറി സ്‌കൂളില്‍ നടന്ന കണിയാപുരം വിദ്യാഭ്യാസ ഉപജില്ലാ സ്‌കൂള്‍ കലോത്സവം സമാപിച്ചു.
ഉപജില്ലയിലെ 92 സ്‌കൂളുകളില്‍ നിന്നായി അയ്യായിരത്തിലേറെ കലാ പ്രതിഭകള്‍ മാറ്റുരച്ച കലോത്സവത്തില്‍ ജനറല്‍ വിഭാഗത്തില്‍ തോന്നയ്ക്കല്‍ ഗവ.ഹയര്‍ സെക്കന്‍ഡറി സ്‌കൂള്‍ ഓവറോള്‍ ചാമ്പ്യന്‍ഷിപ്പ് നേടി. രണ്ടാം സ്ഥാനം കഴക്കൂട്ടം ഗവ. ഹയര്‍ സെക്കന്‍ഡറി സ്‌കൂള്‍ കരസ്ഥമാക്കി.
എല്‍പി, യുപി ജനറല്‍ വിഭാഗങ്ങളില്‍ ഓവറോള്‍ ഒന്നാം സ്ഥാനം കാട്ടായിക്കോണം ഗവ.യുപി സ്‌കൂള്‍ നേടി. യുപി എയ്ഡഡ് സ്‌കൂള്‍ വിഭാഗത്തില്‍ പോത്തന്‍കോട് സെന്‍റ് തോമസ് സ്‌കൂള്‍ ഇത്തവണയും ഓവറോള്‍ നിലനിര്‍ത്തി. ഹൈസ്‌കൂള്‍ വിഭാഗം അറബി കലോത്സവത്തില്‍ കഴക്കൂട്ടം അല്‍ ഉദുമാന്‍ സ്‌കൂളും, യുപി അറബി കലോത്സവത്തില്‍ പോത്തന്‍കോട് സെന്‍റ്തോമസ് യുപി സ്‌കൂളും ഓവറോള്‍ ഒന്നാം സ്ഥാനം നേടി.
എല്‍പി അറബിക് വിഭാഗത്തില്‍ യഥാക്രമം ഗവ.എല്‍പിഎസ് ആലുംമൂട്, .എല്‍പിഎസ് കന്യാകുളങ്ങര, ഗവ. എല്‍പിഎസ് കാട്ടായിക്കോണം, ഗവ. എല്‍പിഎസ് തോന്നക്കല്‍ എന്നിവര്‍ ഓവറോള്‍ ഒന്നാം സ്ഥാനം പങ്കുവച്ചു. യുപി വിഭാഗം സംസ്‌കൃതോത്സവത്തില്‍ ജിയുപിഎസ് കാട്ടായിക്കോണം ഓവര്‍ ഓള്‍ ഒന്നാം സ്ഥാനം നേടി.
ഗവ. യുപിഎസ് ഇടവിളാകവും, ഗവ. യു.പി.എസ് പോത്തന്‍കോട് രണ്ടാംസ്ഥാനവും നേടി. സമാപന സമ്മേളനം ബ്ലോക്ക് പഞ്ചായത്ത് പ്രസിഡന്‍റ് ഹരിപ്രസാദ് ഉദ്ഘാടനം ചെയ്തു ജില്ലാ പഞ്ചായത്ത് അംഗം ജി.വേണുഗോപാലന്‍ നായര്‍ അധ്യക്ഷത വഹിച്ചു. തോന്നയ്ക്കല്‍ എച്ച്എസ്എസ് പ്രിന്‍സിപ്പല്‍ ജെസി ജലാല്‍ സ്വാഗതം ആശംസിച്ചു.