യു​എ​ഇ​യി​ൽ ചെ​റു​വി​മാ​നം ത​ക​ർ​ന്ന് ഇ​ന്ത്യ​ൻ ഡോ​ക്‌​ട​റും വ​നി​താ പൈ​ല​റ്റും മ​രി​ച്ചു
Tuesday, December 31, 2024 9:58 AM IST
ദു​ബാ​യി: യു​എ​ഇ​യി​ൽ ചെ​റു​വി​മാ​നം ത​ക​ർ​ന്നു​വീ​ണ് വ​നി​താ പൈ​ല​റ്റും സ​ഹ​യാ​ത്രി​ക​നാ​യി​രു​ന്ന ഇ​ന്ത്യ​ൻ ഡോ​ക്‌​ട​റും മ​രി​ച്ചു. ഷാ​ർ​ജ​യി​ൽ ജ​നി​ച്ചു​വ​ള​ർ​ന്ന ഡോ. ​സു​ലൈ​മാ​ൻ അ​ൽ മ​ജീ​ദ് (26), ജ​സീ​റ ഏ​വി​യേ​ഷ​ൻ ക്ല​ബ്ബി​ന്‍റെ പാ​ക്കി​സ്ഥാ​ൻ​കാ​രി​യാ​യ പൈ​ല​റ്റ് ഫ്രി​യാ​ൻ​സ പ​ർ​വീ​ൺ (26) എ​ന്നി​വ​രാ​ണു മ​രി​ച്ച​ത്.

ക​ഴി​ഞ്ഞ 26ന് ​ന​ട​ന്ന സം​ഭ​വം ഞാ​യ​റാ​ഴ്ച​യാ​ണ് സി​വി​ൽ ഏ​വി​യേ​ഷ​ൻ മ​ന്ത്രാ​ല​യം പു​റ​ത്തു​വി​ട്ട​ത്. റാ​സ​ൽ​ഖൈ​മ​യു​ടെ ആ​കാ​ശ​ക്കാ​ഴ്ച കാ​ണാ​ൻ ചെ​റു​വി​മാ​നം വാ​ട​ക​യ്ക്കെ​ടു​ത്ത​താ​യി​രു​ന്നു ഡോ. ​സു​ലൈ​മാ​ൻ. റാ​സ​ൽ​ഖൈ​മ ബീ​ച്ചി​നോ​ടു ചേ​ർ​ന്നു​ള്ള കോ​വ് റൊ​ട്ടാ​ന ഹോ​ട്ട​ലി​നു സ​മീ​പം ഉ​ച്ച​ക​ഴി​ഞ്ഞ് ര​ണ്ടി​ന് ടേ​ക്ക് ഓ​ഫ് ചെ​യ്ത​തി​നു തൊ​ട്ടു​പി​ന്നാ​ലെ വി​മാ​നം ക​ട​ലി​ൽ ത​ക​ർ​ന്നു​വീ​ഴു​ക​യാ​യി​രു​ന്നു.

ഈ​സ​മ​യം കു​ടും​ബാം​ഗ​ങ്ങ​ളും ഏ​വി​യേ​ഷ​ൻ ക്ല​ബ്ബി​ൽ ഉ​ണ്ടാ​യി​രു​ന്നു. റ​ഡാ​റു​മാ​യി ബ​ന്ധം ന​ഷ്‌​ട​പ്പെ​ട്ട​ശേ​ഷം വി​മാ​നം അ​ടി​യ​ന്ത​ര ലാ​ൻ​ഡിം​ഗ് ന​ട​ത്തി​യ​താ​യും ഗു​രു​ത​ര പ​രി​ക്കേ​റ്റ ഇ​രു​വ​രെ​യും ആ​ശു​പ​ത്രി​യി​ലേ​ക്കു മാ​റ്റി​യ​താ​യും ക​മ്പ​നി കു​ടും​ബ​ത്തെ അ​റി​യി​ച്ചു. കു​ടും​ബാം​ഗ​ങ്ങ​ൾ ആ​ശു​പ​ത്രി​യി​ൽ എ​ത്തു​മ്പോ​ഴേ​ക്കും ഡോ. ​സു​ലൈ​മാ​ൻ മ​രി​ച്ചി​രു​ന്നു.

ബം​ഗ​ളൂ​രു സ്വ​ദേ​ശി​ക​ളാ​ണ് ഡോ. ​സു​ലൈ​മാ​ന്‍റെ മാ​താ​പി​താ​ക്ക​ൾ. ദു​ബാ​യ് സ്കോ​ളേ​ഴ്സ് സ്കൂ​ളി​ൽ​നി​ന്നു ബി​രു​ദം നേ​ടി​യ ഡോ.​സു​ലൈ​മാ​ൻ യു​കെ​യി​ലെ കൗ​ണ്ടി ഡ​ർ​ഹാം ആ​ൻ​ഡ് ഡാ​ർ​ലിം​ഗ്ട​ൺ എ​ൻ​എ​ച്ച്എ​സ് ഫൗ​ണ്ടേ​ഷ​ൻ ട്ര​സ്റ്റി​ലെ ക്ലി​നി​ക്ക​ൽ ഫെ​ലോ ആ​യി​രു​ന്നു. സം​ഭ​വ​ത്തി​ൽ അ​ന്വേ​ഷ​ണം തു​ട​ങ്ങി​യ​താ​യി സി​വി​ൽ ഏ​വി​യേ​ഷ​ൻ മ​ന്ത്രാ​ല​യം അ​റി​യി​ച്ചു.