കാ​ല​വ​ർ​ഷം ക​ന​ത്തു: ഇ​ന്നും നാ​ളെ​യും യെ​ല്ലോ അ​ല​ർ​ട്ട്
Tuesday, June 25, 2024 5:59 AM IST
തൊ​ടു​പു​ഴ: ജി​ല്ല​യി​ൽ കാ​ല​വ​ർ​ഷം ക​ന​ത്തു. വ​രും ദി​വ​സ​ങ്ങ​ളി​ൽ ശ​ക്ത​മാ​യ മ​ഴ പെ​യ്യു​മെ​ന്ന കാ​ലാ​വ​സ്ഥാ​വ​കു​പ്പി​ന്‍റെ മു​ന്ന​റി​യി​പ്പി​നെ തു​ട​ർ​ന്ന് ഇ​ന്നും നാ​ളെ​യും ജി​ല്ല​യി​ൽ യെ​ല്ലോ അ​ല​ർ​ട്ട് പ്ര​ഖ്യാ​പി​ച്ചു. ഏ​താ​നും ദി​വ​സ​ങ്ങ​ളാ​യി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ഇ​ട​വി​ട്ടു​ള്ള ശ​ക്ത​മാ​യ മ​ഴ​യാ​ണ്. ഇ​ന്ന​ലെ രാ​വി​ലെ വ​രെ​യു​ള്ള 24 മ​ണി​ക്കൂ​റി​ൽ ഉ​ടു​ന്പ​ൻ​ചോ​ല - 14.2, ദേ​വി​കു​ളം - 30.6, പീ​രു​മേ​ട് -56, ഇ​ടു​ക്കി -37.4, തൊ​ടു​പു​ഴ-20.2 എ​ന്നി​ങ്ങ​നെ​യാ​ണ് ഓ​രോ താ​ലൂ​ക്കി​ലും ല​ഭി​ച്ച മ​ഴ​യു​ടെ അ​ള​വ്.

മ​ഴ തു​ട​രു​ന്ന സാ​ഹ​ച​ര്യ​ത്തി​ൽ ജ​ല​നി​ര​പ്പ് നി​യ​ന്ത്രി​ക്കു​ന്ന​തി​നാ​യി മൂ​ന്നാ​ർ ഹെ​ഡ് വ​ർ​ക്ക്സ് ഡാ​മി​ലെ ഷ​ട്ട​റു​ക​ൾ ഇ​ന്നു​രാ​വി​ലെ മു​ത​ൽ 10 സെ​ന്‍റീ​മീ​റ്റ​ർ വീ​തം ഉ​യ​ർ​ത്തി മു​തി​ര​പ്പു​ഴ​യാ​റ്റി​ലേ​യ്ക്ക് വെ​ള്ളം നി​യ​ന്ത്രി​ത അ​ള​വി​ൽ തു​റ​ന്നു വി​ടും. മു​തി​ര​പ്പു​ഴ​യാ​റി​ന്‍റെ തീ​ര​ങ്ങ​ളി​ൽ താ​മ​സി​ക്കു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്ന് ജി​ല്ലാ ക​ള​ക്ട​ർ അ​റി​യി​ച്ചു.

ഇ​ന്ന​ലെയു​ണ്ടാ​യ ക​ന​ത്ത മ​ഴ​യി​ൽ തൊ​ടു​പു​ഴ -വെ​ങ്ങ​ല്ലൂ​ർ നാ​ലു​വ​രി പാ​ത​യി​ൽ മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു. ഫ​യ​ർ​ഫോ​ഴ്സ് എ​ത്തി മ​രം മു​റി​ച്ചു നീ​ക്കി ഗ​താ​ഗ​തം പു​ന​സ്ഥാ​പി​ച്ചു.

ജാ​ഗ്ര​ത​പാ​ലി​ക്ക​ണം

ശ​ക്ത​മാ​യ മ​ഴ​യ്ക്കു സാ​ധ്യ​ത​യു​ള്ള​തി​നാ​ൽ ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്നും ദു​ര​ന്ത നി​വാ​ര​ണ അ​ഥോ​റി​റ്റി മു​ന്ന​റി​യി​പ്പു ന​ൽ​കി. അ​ട​ച്ചു​റ​പ്പി​ല്ലാ​ത്ത വീ​ടു​ക​ളി​ലും മേ​ൽ​ക്കൂ​ര ബ​ല​ക്ഷ​യ​മാ​യ വീ​ടു​ക​ളി​ലും ക​ഴി​യു​ന്ന​വ​ർ മു​ന്ന​റി​യി​പ്പു​ക​ളു​ടെ അ​ടി​സ്ഥാ​ന​ത്തി​ൽ സു​ര​ക്ഷ​യെ ​ക​രു​തി മാ​റിത്താ​മ​സി​ക്ക​ണം.

സ്വ​കാ​ര്യ, പൊ​തു ഇ​ട​ങ്ങ​ളി​ൽ അ​പ​ക​ട​വ​സ്ഥ​യി​ൽ നി​ൽ​ക്കു​ന്ന മ​ര​ങ്ങ​ൾ, പോ​സ്റ്റു​ക​ൾ, ബോ​ർ​ഡു​ക​ൾ തു​ട​ങ്ങി​യ​വ സു​ര​ക്ഷി​ത​മാ​ക്കേ​ണ്ട​തും മ​ര​ങ്ങ​ളു​ടെ ശി​ഖ​ര​ങ്ങ​ൾ വെ​ട്ടി ഒ​തു​ക്കു​ക​യും ചെ​യ്യ​ണം.

അ​ണ​ക്കെ​ട്ടു​ക​ളു​ടെ താ​ഴെ താ​മ​സി​ക്കു​ന്ന​വ​ർ വെ​ള്ളം പു​റ​ത്തേ​ക്ക് ഒ​ഴു​ക്കി വി​ടാ​നു​ള്ള സാ​ധ്യ​ത മു​ൻ​കൂ​ട്ടി ക​ണ്ട് ആ​വ​ശ്യ​മാ​യ ത​യാ​റെ​ടു​പ്പു​ക​ൾ ന​ട​ത്തു​ക​യും അ​ധി​കൃ​ത​രു​ടെ നി​ർ​ദേ​ശം അ​നു​സ​രി​ച്ച് ആ​വ​ശ്യ​മെ​ങ്കി​ൽ മാ​റി​ത്താ​മ​സി​ക്കു​ക​യും വേ​ണം. മ​ല​യോ​ര മേ​ഖ​ല​യി​ലേ​ക്കു​ള്ള രാ​ത്രി സ​ഞ്ചാ​രം പൂ​ർ​ണ​മാ​യി ഒ​ഴി​വാ​ക്ക​ണം. ദു​ര​ന്ത മേ​ഖ​ല​യി​ലു​ള്ള​വ​ർ എ​മ​ർ​ജ​ൻ​സി കി​റ്റ് ത​യാ​റാ​ക്കി വ​യ്ക്ക​ണ​മെ​ന്നും നി​ർ​ദേ​ശ​മു​ണ്ട്.

മു​ല്ല​പ്പെ​രി​യാ​ർ:വൃ​ഷ്ടി​പ്ര​ദേ​ശ​ത്ത് ക​ന​ത്ത മ​ഴ

കു​മ​ളി: മു​ല്ല​പ്പെ​രി​യാ​ർ അ​ണ​ക്കെ​ട്ടി​ന്‍റെ വൃ​ഷ്ടി​പ്ര​ദേ​ശ​ത്ത് ക​ന​ത്ത മ​ഴ. അ​ണ​ക്കെ​ട്ടി​ലേ​ക്കു​ള്ള നീ​രൊ​ഴു​ക്കും വ​ർ​ധി​ക്കു​ക​യാ​ണ്. ഇ​ന്ന​ലെ അ​ണ​ക്കെ​ട്ട് പ്ര​ദേ​ശ​ത്ത് 26.6 മി​ല്ലീ​മീ​റ്റ​റും തേ​ക്ക​ടി​യി​ൽ 25.2 മി​ല്ലീ​മീ​റ്റ​റും മ​ഴ രേ​ഖ​പ്പെ​ടു​ത്തി. വ​ന​ത്തി​നു​ള്ളി​ൽ ക​ന​ത്ത മ​ഴ തു​ട​രു​ന്ന​തി​നാ​ൽ ഡാ​മി​ലേ​യ്ക്കു​ള്ള നീ​രൊ​ഴു​ക്ക് ശ​ക്ത​മാ​യി ജ​ല​നി​ര​പ്പ് വേ​ഗ​ത്തി​ൽ കൂ​ടു​മെ​ന്നാ​ണ് സൂ​ച​ന.

ഇ​ന്ന​ലെ വൈ​കു​ന്നേ​രം 117. 95 അ​ടി​യാ​ണ് അ​ണ​ക്കെ​ട്ടി​ലെ ജ​ല​നി​ര​പ്പ്. സെ​ക്ക​ൻ​ഡി​ൽ 1049 ഘ​ന​യ​ടി വെ​ള്ളം അ​ണ​ക്കെ​ട്ടി​ലേ​ക്ക് ഒ​ഴു​കി​യെ​ത്തു​ന്നു​ണ്ട്. സെ​ക്ക​ൻ​ഡി​ൽ 511 ഘ​ന​യ​ടി വെ​ള്ളം ഡാ​മി​ൽ​നി​ന്ന് ത​മി​ഴ്നാ​ട്ടി​ലേ​ക്ക് ഒ​ഴു​ക്കു​ന്നു​ണ്ട്. ത​മി​ഴ്നാ​ട്ടി​ലെ തേ​നി ജി​ല്ല​യി​ൽ നേ​രി​യ മ​ഴ​യു​ണ്ട്. മു​ല്ല​പ്പെ​രി​യാ​ർ അ​ണ​ക്കെ​ട്ടി​ലെ വെ​ള്ളം സം​ഭ​രി​ക്കു​ന്ന ത​മി​ഴ്നാ​ടി​ന്‍റെ വൈ​ഗ അ​ണ​ക്കെ​ട്ടി​ൽ പ​ര​മാ​വ​ധി സം​ഭ​ര​ണ​ശേ​ഷി 71 അ​ടി​യാ​ണ്. 47 .44 അ​ടി​യാ​ണ് നി​ല​വി​ൽ ഇ​വി​ടു​ത്തെ ജ​ല​നി​ര​പ്പ്.
വൈ​ഗ ഡാ​മി​ന്‍റെ വൃ​ഷ്ടി​പ്ര​ദേ​ശ​ത്ത് മ​ഴ ഇ​ല്ല. മു​ല്ല​പ്പെ​രി​യാ​ർ അ​ണ​ക്കെ​ട്ടി​ലെ അ​നു​വ​ദി​നീ​യ ജ​ല നി​ര​പ്പ് 142 അ​ടി​യി​ലേ​ക്ക് ഉ​യ​രു​ന്ന​ത​നു​സ​രി​ച്ചു കൊ​ണ്ടു​പോ​കു​ന്ന വെ​ള്ള​ത്തി​ന്‍റെ അ​ള​വ് ത​മി​ഴ്നാ​ട് വ​ർ​ധി​പ്പി​ക്കും.

ദേ​ശീ​യ​പാ​ത‌​യി​ൽ ഗ​താ​ഗ​തം ത​ട​സ​പ്പെ​ട്ടു

അ​ടി​മാ​ലി: കൊ​ച്ചി - ധ​നു​ഷ്കോ​ടി ദേ​ശീ​യ​പാ​ത​യി​ൽ കൂ​റ്റ​ൻ മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു. ചീ​യ​പ്പാ​റ​യി​ൽ ക​ട​യു​ടെ മു​ക​ളി​ലേ​ക്കാ​ണ് മ​രം വീ​ണ​ത്. മ​രം മ​റി​ഞ്ഞ് വ​രു​ന്ന​തു​ക​ണ്ട് ക​ട​യി​ലു​ള്ള​വ​ർ ഓ​ടി ര​ക്ഷ​പ്പെ​ട്ട​തി​നാ​ൽ ദു​ര​ന്തം ഒ​ഴി​വാ​യി. മേ​ഖ​ല​യി​ൽ മ​ഴ ശ​ക്ത​മാ​യി തു​ട​രു​ക​യാ​ണ്. ഇ​ടി​യും മി​ന്ന​ലും ഉ​ണ്ട്. ക​ഴി​ഞ്ഞ ദി​വ​സ​വും മേ​ഖ​ല​യി​ൽ ശ​ക്ത​മാ​യ മ​ഴ​യാ​യി​രു​ന്നു.

മ​രം ഒ​ടി​ഞ്ഞുവീ​ണ് ഗ​താ​ഗ​തം ത​ട​സ​പ്പെ​ട്ടു, കാ​ർ യാ​ത്ര​ക്കാ​ർ ര​ക്ഷ​പ്പെ​ട്ട​ത് ത​ല​നാ​രി​ഴ​യ്ക്ക്

നെ​ടും​ക​ണ്ടം: ശ​ക്ത​മാ​യ കാ​റ്റി​ലും മ​ഴ​യി​ലും മ​രം ഒ​ടി​ഞ്ഞു വീ​ണ് സം​സ്ഥാ​ന​പാ​ത​യി​ൽ ഗ​താ​ഗ​തം ത​ട​സ്സ​പ്പെ​ട്ടു. കാ​ർ യാ​ത്ര​ക്കാ​ർ ര​ക്ഷ​പെ​ട്ട​ത് ത​ല​നാ​രി​ഴ​യ്ക്ക്.​ കു​മ​ളി - മൂ​ന്നാ​ർ സം​സ്ഥാ​ന​പാ​ത​യി​ൽ ചേ​മ്പ​ള​ത്താ​ണ് വ​ൻ​മ​ര​ത്തി​ന്‍റെ കൊ​മ്പു​ക​ൾ ഇ​ന്ന​ലെ വൈ​കു​ന്നേ​രം ഒ​ടി​ഞ്ഞു​വീ​ണ​ത്.​
സം​ഭ​വ സ​മ​യം റോ​ഡി​ലൂ​ടെ എ​ത്തി​യ കാ​ർ ബ്രേ​ക്കി​ട്ട​തി​നാ​ൽ അ​പ​ക​ടം ഒ​ഴി​വാ​യി. അ​ര​മ​ണി​ക്കൂ​റോ​ളം സം​സ്ഥാ​ന പാ​ത​യി​ലെ ഗ​താ​ഗ​തം ത​ട​സ​പ്പെ​ട്ടു. നാ​ട്ടു​കാ​ർ മ​രം മു​റി​ച്ചു മാ​റ്റി ഗ​താ​ഗ​തം പു​ന​ഃസ്ഥാ​പി​ക്കു​ക​യാ​യി​രു​ന്നു.

Copyright @ 2022 , Rashtra Deepika Ltd.