കോഴിക്കോട്: ബിഎസ്എൻഎൽ 25-ാം വർഷത്തിലേക്ക് കടക്കുന്ന സാഹചര്യത്തിൽ കോഴിക്കോട്-വയനാട് ജില്ലകളിൽ വിവിധ പരിപാടികൾ നടത്തുവാൻ തീരുമാനിച്ചതായി കോഴിക്കോട് ബിസിനസ് ഏരിയ സീനിയർ ജനറൽ മാനേജർ സാനിയ അബ്ദുൾ ലത്തീഫ് അറിയിച്ചു.
മോട്ടോർ ബൈക്ക് റാലി, വിദ്യാർഥികൾക്കു ചിത്രരചനാ മൽസരം, പൊതുജനങ്ങൾക്കായി ഫോട്ടോഗ്രാഫി മൽസരം, കൈറ്റ് ഫെസ്റ്റ് തുടങ്ങിയവ സംഘടിപ്പിക്കും. പഞ്ചായത്തുകളുമായി സഹകരിച്ച് ടെലകോം ബോധവത്ക്കരണ ക്ലാസുകളും സംഘടിപ്പിക്കും.