തി​രു​വ​മ്പാ​ടി​യി​ല്‍ തെ​രു​വുനാ​യ ശ​ല്യം രൂ​ക്ഷം: നടപടി സ്വീകരിക്കാതെ അധികൃതർ
Thursday, June 13, 2024 5:44 AM IST
തി​രു​വ​മ്പാ​ടി: ജീ​വ​ന് ഭീ​ഷ​ണി​യാ​യി തി​രു​വ​മ്പാ​ടി അ​ങ്ങാ​ടി​യി​ലും പ​രി​സ​ര​പ്ര​ദേ​ശ​ങ്ങ​ളി​ലും തെ​രു​വു​നാ​യ​ക​ളു​ടെ സ്വൈ​ര​വി​ഹാ​രം തു​ട​രു​ന്നു. നാ​യ​ക​ൾ കൂ​ട്ട​മാ​യാ​ണ് അ​ങ്ങാ​ടി​യു​ടെ വി​വി​ധ കോ​ണു​ക​ളി​ൽ സ​ദാ​സ​മ​യ​വും ത​മ്പ​ടി​ച്ചി​രി​ക്കു​ന്ന​ത്. കു​ര​ച്ചു​ചാ​ടു​ന്ന നാ​യ​ക​ളി​ൽ​നി​ന്ന് ര​ക്ഷ​തേ​ടി കൈ​യി​ൽ സ്ഥി​ര​മാ​യി വ​ടി ക​രു​തേ​ണ്ട അ​വ​സ്ഥ​യി​ലാ​ണ് നാ​ട്ടു​കാ​ർ. ഇ​രു​ച​ക്ര​വാ​ഹ​ന​ങ്ങ​ൾ​ക്ക്ചു​റ്റും നാ​യ​ക​ൾ വ​ട്ട​മി​ടു​ന്ന​ത് പ​തി​വു​കാ​ഴ്ച​യാ​ണ്. രാ​വി​ലെ​യും രാ​ത്രി​യു​മാ​ണ് പ​ട്ടി​ക​ളു​ടെ ശ​ല്യം രൂ​ക്ഷ​മാ​കു​ന്ന​ത്.

രാ​ത്രി ബ​സ്‌​സ്റ്റാ​ൻ​ഡി​ൽ ക​യ​റാ​ൻ ജ​നം ഭ​യ​പ്പെ​ടു​ന്ന അ​വ​സ്ഥ​യാ​ണ്. രാ​വി​ലെ പി​ഞ്ചു​വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്കാ​ണ് നാ​യ​ക​ൾ ഭീ​ഷ​ണി​യാ​കു​ന്ന​ത്. പ​ല​തി​നും പേ ​വി​ഷ​ബാ​ധ​യു​ണ്ടെ​ന്ന് സം​ശ​യി​ക്കു​ന്ന​താ​യി നാ​ട്ടു​കാ​ർ പ​റ​ഞ്ഞു. വ​ർ​ഷ​ങ്ങ​ളാ​യി പ്ര​ദേ​ശ​ത്ത് നാ​യ​ശ​ല്യം തു​ട​ങ്ങി​യി​ട്ടെ​ങ്കി​ലും അ​ധി​കൃ​ത​രു​ടെ ഭാ​ഗ​ത്തു​നി​ന്നു ഒ​രു ന​ട​പ​ടി​യും ഉ​ണ്ടാ​കു​ന്നി​ല്ല.

അ​ങ്ങാ​ടി​യു​ടെ വി​വി​ധ ഭാ​ഗ​ങ്ങ​ളി​ലാ​യി അ​ൻ​പ​തോ​ളം നാ​യ​ക​ളു​ണ്ട്. പ​ഞ്ചാ​യ​ത്തി​ലെ നെ​ല്ലാ​നി​ച്ചാ​ൽ, പാ​മ്പി​ഴ​ഞ്ഞ​പാ​റ, ഇ​രു​മ്പ​കം പ്ര​ദേ​ശ​ങ്ങ​ളി​ൽ ക​ഴി​ഞ്ഞ ഡി​സം​ബ​റി​ൽ അ​ഞ്ചു​പേ​രെ തെ​രു​വു നാ​യ ക​ടി​ച്ചി​രു​ന്നു. തൊ​ട്ട​ടു​ത്ത പ്ര​ദേ​ശ​ങ്ങ​ളാ​യ ക​റ്റി​യാ​ട്, നാ​ല്പ​തു​മേ​നി ഭാ​ഗ​ങ്ങ​ളി​ലും തെ​രു​വു​നാ​യ​ക​ളു​ടെ ശ​ല്യം തു​ട​രു​ക​യാ​ണ്.

ആ​ടു​ക​ൾ, മു​യ​ലു​ക​ൾ ഉ​ൾ​പ്പെ​ടെ​യു​ള്ള വ​ള​ർ​ത്തു​മൃ​ഗ​ങ്ങ​ളെ കൂ​ട് ത​ക​ർ​ത്ത് ആ​ക്ര​മി​ക്കു​ന്ന സം​ഭ​വ​വും ഉ​ണ്ടാ​യി. കൂ​ട​ര​ഞ്ഞി​യി​ൽ ക​ഴി​ഞ്ഞ ഫെ​ബ്രു​വ​രി​യി​ൽ സ്കൂ​ൾ വി​ദ്യാ​ർ​ഥി​ക​ളും വീ​ട്ട​മ്മ​മാ​രും ഉ​ൾ​പ്പെ​ടെ ഏ​ഴു​പേ​ർ​ക്ക് തെ​രു​വു​നാ​യ​യു​ടെ ക​ടി​യേ​റ്റി​രു​ന്നു.

ഇ​തേ​ത്തു​ട​ർ​ന്ന് നാ​യ​ക​ളെ കൂ​ട്ട​മാ​യി പി​ടി​കൂ​ടി പ​ഞ്ചാ​യ​ത്ത് അ​ധി​കൃ​ത​ർ ആ​നി​മ​ൽ ബ​ർ​ത്ത് ക​ൺ​ട്രോ​ൾ പ്രോ​ഗ്രാം ഷെ​ൽ​ട്ട​ർ ഹോ​മി​ലേ​ക്ക് മാ​റ്റി​യി​രു​ന്നു. അ​തേ​സ​മ​യം തി​രു​വ​മ്പാ​ടി പ​ഞ്ചാ​യ​ത്ത് അ​ധീ​ന​ത​യി​ലു​ള്ള തെ​രു​വു​നാ​യ​ക​ളെ പി​ടി​കൂ​ടാ​ൻ ഭ​ര​ണ​സ​മി​തി അ​ടി​യ​ന്ത​ര ന​ട​പ​ടി​യെ​ടു​ക്കു​മെ​ന്ന് അ​ധി​കൃ​ത​ർ അ​റി​യി​ച്ചി​രു​ന്നെ​ങ്കി​ലും നാ​ലു​മാ​സ​മാ​യി​ട്ടും ന​ട​പ​ടി ഉ​ണ്ടാ​യി​ല്ല.

ക​ഴി​ഞ്ഞ ആ​ഴ്ച വാ​ഹ​നം ത​ട്ടി ന​ടു​വൊ​ടി​ഞ്ഞ നാ​യ പ​ള്ളി റോ​ഡി​ൽ ക​ട​വ​രാ​ന്ത​യി​ൽ കി​ട​പ്പാ​യി​രു​ന്നു. വ്യാ​പാ​രി​ക​ൾ ശ​ക്ത​മാ​യ പ്ര​തി​ഷേ​ധം അ​റി​യി​ച്ച​തോ​ടെ​യാ​ണ് ന​ട​പ​ടി​യു​ണ്ടാ​യ​ത്. നാ​യ​യെ മൃ​ഗാ​ശു​പ​ത്രി​യി​ൽ ചി​കി​ത്സ​യ്ക്ക് വി​ധേ​യ​മാ​ക്കി​യ​താ​യും ഫ​ണ്ടി​ന്‍റെ അ​ഭാ​വ​മാ​ണ് തെ​രു​വു​നാ​യ​ക​ളെ പി​ടി​കൂ​ടു​ന്ന​തി​ന് ത​ട​സ​മെ​ന്നും ടൗ​ൺ വാ​ർ​ഡ് അം​ഗ​വും വി​ക​സ​ന​കാ​ര്യ സ്ഥി​രം​സ​മി​തി അ​ധ്യ​ക്ഷ​യു​മാ​യ ലി​സി ഏ​ബ്ര​ഹാം അ​റി​യി​ച്ചു.

Copyright @ 2022 , Rashtra Deepika Ltd.